HashtagU Telugu
Telugu
  • English
  • हिंदी
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • స్పెషల్
  • ఆఫ్ బీట్
Telugu
  • English
  • हिंदी
Hashtagu Logo
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • ఫోటో గ్యాలరీ
  • స్పీడ్ న్యూస్
  • హెల్త్
  • లైఫ్ స్టైల్
  • ఆధ్యాత్మికం
  • ఆఫ్ బీట్
  • Trending
  • # IPL 2025
  • # Revanth Reddy
  • # KTR
  • # PM Modi
  • # ChandrababuNaidu
  • # JaganMohanReddy
  • Telugu News
  • > Cinema
  • >Kamal Haasan Was The First Pan India Star Venkatesh

Venkatesh: ఆయనలో దశావతారాలు కాదు.. శతావతారాలు కనపడతాయి!

`క‌మ‌ల్ చేసిన ద‌శావ‌తారం వంటి సాహ‌సాన్ని మ‌రే న‌టుడు చేయ‌లేడు. `ఏక్ దూజేకెలియే` సినిమాతో ఆయ‌న పాన్ ఇండియా స్టార్ అయ్యాడు.

  • By Balu J Published Date - 12:13 PM, Thu - 2 June 22
  • daily-hunt
Venkatesh
Venkatesh

`క‌మ‌ల్ చేసిన ద‌శావ‌తారం వంటి సాహ‌సాన్ని మ‌రే న‌టుడు చేయ‌లేడు. `ఏక్ దూజేకెలియే` సినిమాతో ఆయ‌న పాన్ ఇండియా స్టార్ అయ్యాడు. ఆయ‌న గ్లోబ‌ర్ స్టార్ కూడా` అని విక్ట‌రీ వెంక‌టేష్ అన్నారు. యూనివర్సల్ హీరో కమల్ హాసన్, సక్సెస్ ఫుల్ దర్శకుడు లోకేష్ కనగరాజ్ కాంబినేషన్ లో తెరకెక్కిన భారీ యాక్షన్ థ్రిల్లర్ ‘విక్రమ్’. కమల్ హాసన్ తో పాటు విజయ్ సేతుపతి, ఫహద్ ఫాసిల్ ప్రధాన పాత్రలలో రూపొందిన ఈ ప్రతిష్టాత్మక చిత్రం ట్రైలర్ ఇటివలే విడుదలై సినిమాపై భారీ అంచనాలు పెంచేసింది. అనిరుధ్ రవిచందర్ సంగీతం స‌మ‌కూర్చారు. జూన్ 3న విడుద‌ల‌కానున్న’విక్రమ్ ప్రీ రిలీజ్ వేడుక మంగ‌ళ‌వారం రాత్రి హైద‌రాబాద్ శిల్ప‌క‌ళావేదిక‌లో అభిమానులు, శ్రేయోభిలాషుల స‌మ‌క్షంలో ఘ‌నంగా జ‌రిగింది.

ఈ సందర్భంగా జరిగిన ‘విక్రమ్‌: హిట్‌ లిస్ట్‌’ ప్రీ రిలీజ్‌ ఈవెంట్‌ లో ముఖ్య అతిథిగా పాల్గొన్న వెంక‌టేష్ మాట్లాడుతూ –క‌మ‌ల్ సార్ విక్ర‌మ్ ఫంక్ష‌న్‌ కు ర‌మ్మ‌న్నారు అంటే రాకుండా ఎవ‌ర‌న్నా వుంటారా? అంతేగా! అంటూ ఫ్యాన్స్‌ను ఉత్తేజ‌ప‌రిచారు. క‌మ‌ల్‌ సార్ న‌ట‌న‌కు 60 ఏళ్ళు. కానీ మ‌న‌స్సు 16 ఏళ్ళ వ‌య‌స్సు.. కమల్‌ గారి ‘పదినారు వయదినిలే’ (పదహారేళ్ల వయసు) చూసిన తర్వాత నేను క్లీన్‌ బౌల్డ్ అయ్యాను. ఆయ‌న మాత్రం ఇంకా 16 ఏళ్ళ వ‌య‌స్సులో వుండిపోయారు. ‘మరో చరిత్ర’ ప్రతి యాక్టర్‌ కు జీపీఎస్‌. లాంటి సినిమా. ఇక ‘దశావతారం’ చూస్తే అలాంటి సినిమా చేయాలంటే ఓ యాక్టర్‌ కూ ధైర్యం సరిపోదు. ఆయ‌న నాకు అపూర్వ స‌హోద‌రులు.లాంటివారు. ‘ఏక్‌ దూజే కేలియే’తో ఆయన ఫస్ట్‌ పాన్‌ ఇండియా స్టార్‌. ఈ రోజు కమల్‌ గారు గ్లోబల్‌ స్టార్‌. క‌మ‌ల్ సార్ లో యూనిక్ క్వాలిటీ వుంది. కె.విశ్వ‌నాథ్‌, బాల‌చంద‌ర్ వంటివారే కాదు క‌మ‌ర్షియ‌ల్ డైరెక్ట‌ర్లు, యంగ్ డైరెక్ట‌ర్లు ఆయ‌న‌తో ప‌నిచేయాల‌ని త‌హ‌త‌హ‌లాడుతారు. నాయ‌గ‌న్ సినిమా ఆయ‌న న‌ట‌న‌కే నాయ‌గ‌న్ చేసేసింది. ద‌క్షిణాది సినిమాలో రెండు శకాలు ఉంటే.. ఒకటి కమల్‌హాసన్‌ గారికి ముందు.. మరొకటి కమల్‌ గారు వచ్చిన తర్వాత. ఆయ‌న వ‌చ్చాక అన్ని స్ట‌యిల్స్ మార్చేశారు. యాక్టర్, డైరెక్టర్, రైటర్, సింగర్, కొరియోగ్రాఫర్, పొలిటీషియన్, మంచి మానవతావాది.. ఇలా చెబితే.. దశావతారాలు కాదు.. ఆయనలో శతావతారాలు కనపడతాయి. నా కెరీర్‌లో ఎన్నో సినిమాలు చేశాను. యాక్ష‌న్‌, కామెడీ చేశాను. సెంటిమెంట్ చేయాలంటే గ‌ణేష్‌, ధ‌ర్మ‌చ‌క్రం. కానీ నాకు ఎక్క‌డైనా సీన్‌ లో బ్లాంక్ వ‌స్తే క‌మ‌ల్ హాస‌న్ ఎక్సె్ప్రెష‌న్స్‌ చూసి చేస్తాను. ఈరోజు చాలా ఆనందంగా వుంది. లోకేష్ క‌న‌క‌రాజ్‌ కు థ్యాంక్స్‌. క‌మ‌ల్‌ సార్‌ తో ఓ ఫుల్‌ లెంగ్త్‌ రోల్‌ చేయాలని ఉంది. నితిన్‌, సుధాక‌ర్‌రెడ్డిగారు ఈ సినిమాను విడుద‌ల‌చేస్తున్నారు. జూన్ 3న వ‌స్తుంది. అంద‌రూ చూడాలి అన్నారు.

యూనివర్సల్ హీరో కమల్‌హాసన్‌ మాట్లాడుతూ – ‘‘దాదాపు 45 ఏళ్ల క్రితం ఏయన్నార్‌ గారి ‘శ్రీమంతుడు’ సినిమాకు డ్యాన్స్‌ అసిస్టెంట్‌ గా హైదరాబాద్‌ వచ్చాను. అప్పట్నుంచి నేను తెలుగు ఫుడ్‌ తింటున్నాను. తెలుగులో నాకు ప్రేక్ష‌కులు బిగ్గెస్ట్ హిట్ ఇచ్చారు. నేను ఇది ఒంట‌రిగా చేసింది కాదు. నా కుటుంబం ప్రోత్సాహంతో ద‌ర్శ‌కుడుని అయ్యాను. మిగిలిన క్రాఫ్ట్‌ ను చేశాను. డైరెక్టర్‌ బాలచందర్‌గారితో నేను 36 సినిమాలు చేశాను. అదే నా పీహెచ్‌డీ. ఆయన నుంచి నేను చాలా నేర్చుకున్నాను. నా స్టైల్, రజనీకాంత్‌ స్టైల్‌ ఆయన్నుంచే వచ్చాయి. న‌గేష్‌ గారి స్ట‌యిల్‌కూడా బాలచందర్‌ గా రు చెప్పిందే.

వెంకీగారి వెనుక రామానాయుడుగారు వున్నారు. అయినా వెంకీ గారు కూడా చాలా హార్డ్ వ‌ర్క్ చేశారు. వెంకీ గారు గోవాకు వ‌చ్చారు. ఫిల్మ్‌ ఫెస్టివల్‌ కు వచ్చారా? అన్నాను. మిమ్మల్ని చూడటానికి వచ్చానన్నారు. అప్పుడు ఓ మాట అన్నారు. నాకు స‌క్సెస్ వ‌చ్చింది. ఏం చేయాల‌ని అడిగారు. నాకు తెలిసింది చెప్పాను. ఆయనకు మరో వేవ్ వ‌చ్చింది. ఇప్పుడు నా బ్రదర్‌ ఇక్కడ ఉన్నందుకు సంతోషంగా ఉంది. నేను, వెంకీగారు ‘మర్మయోగి’ సినిమా చేయాల్సింది. ఫొటో షూట్ కూడా చేశాం. ఆ సినిమా చేసి ఉంటే మా కెరీర్‌ లో మంచి హిట్‌గా నిలిచి ఉండేది. ‘విక్రమ్‌’ సినిమాకు మంచి టీమ్‌ కుదిరింది. త‌మిళ్‌, తెలుగు ర‌చ‌యిత‌లు లిప్‌ సింక్ అన్నీ చ‌క్క‌గా కుదిరేలా చేశారు. స్ట్రెయిట్ సినిమాలు, డ‌బ్బింగ్ సినిమా చేశాను. కానీ గీత ర‌చ‌యిత‌గా రాయ‌డం చాలా క‌ష్టం. అలాంటి వీరులు మా సినిమాకు ప‌నిచేశారు. సుధాక‌ర్ రెడ్డిగారు విక్ర‌మ్ ఫ్యామిలీ అయినందుకు చాలా ఆనందంగా వుంది. స‌క్సెస్‌కాదు. ప్లీజ్ ట్రై అండ్ మేక్ హిట్ అని సుధాక‌ర్‌రెడ్డిగారికి చెప్పాను. త‌మిళ్‌ లో చాలా సినిమాలు చేశాను. తెలుగులో కొన్నే చేశాను. అన్నీ హిట్ చేశారు ప్రేక్ష‌కులు. ప్ర‌తిసారీ హిట్ కోసం ట్రై చేస్తున్నాను. విక్ర‌మ్ కూడా మీ చేతుల్లోనే వుంది. ఒంట‌రిగా ఏదీ ఎవ‌రూ చేయ‌లేరు. మంచి ద‌ర్శ‌కుడు, పంపిణీదారులు కూడా ఒంట‌రిగా చేయ‌లేరు. దానికి ప్రేక్ష‌కులు బ‌లం కావాలి. అది జూన్ 3న మీరు ఇస్తార‌ని ఆశిస్తున్నాను.

ఇక అనిరుద్‌ ను చూస్తే చిన్న పిల్లాడు. కానీ మాట్లాడితే అమితాబ్ వాయిస్‌ లా వుంటుంది. ఆయ‌న మ్యూజిక్ చాలా పెద్ద‌ది.. ఇళ‌య‌రాజాగారు బ్యాక్ గ్రౌండ్ బాగా ఇస్తారు. అనిరుద్ అంత‌టివాడు. నితిన్‌ కు ఒక‌టే చెబుతున్నాను. క‌మ‌ల్ ని చూసి నేర్చుకోకు.. వెంకీని చూసి నేర్చుకోండి. వెంకీలా హార్డ్ వ‌ర్క్ చేస్తే నువ్వు సూప‌ర్ స్టార్ అవుతావు. నాయుడుగారి లాంటి ఫాద‌ర్ వుంటే నేను స్పాయిల్ అయ్యేవాడిని. చెన్నై చాలామంది తెలుగువారిని ఇచ్చింది. అందులో వెంకీ ఒక‌రు. ఇక ఈ సినిమాలో విజ‌య్‌సేతుప‌తి, ఫాజిల్ బాగా న‌టించారు. కాంపీటీష‌న్‌ గా చేశారు.

విక్ర‌మ్ సినిమా హిట్‌ మీ (ప్రేక్షకులు) చేతుల్లోనే ఉంది. డైరెక్టర్‌ లోకేశ్‌ గారు నాలాగే (బ్యాక్‌ గ్రౌండ్‌ లేకుండా) ఇండస్ట్రీలోకి వచ్చారు. ఇలాంటివారిని నేను మరింత గౌరవిస్తాను. ఇండియన్‌ ఫిల్మ్స్‌… పాన్‌ ఇండియా చాలదు.. పాన్‌ వరల్డ్‌. అది ప్రేక్షకులు సహకారం లేకుండా జరగదు. మంచి సినిమాలు ఇవ్వండని మీరు డిమాండ్‌ చేయాలి. ఇవ్వడానికి మేం సిద్ధంగా ఉన్నాం. నేను మంచి సినిమాకు అభిమానిని. మీరు కూడా అలాగే వుండాల‌నేది నా కోరిక‌. ఇది యాక్ష‌న్ ప్యాక్డ్ సినిమా. అందులో ఎవ‌రికీ ఎటువంటి ఇబ్బంది క‌లుగకుండా చేశాం. అది ఫ‌స్ట్ ఎచీవ్‌మెంట్ ద‌ర్శ‌కుడు, యాక్షన్ మాస్ట‌ర్ వ‌ల్లే సాధ్య ప‌డింది. మా సెట్లో ఒక ప్ర‌మాదం జ‌రిగింది. కానీ అలా జ‌ర‌గాల్సిందికాదు. ఈ సినిమాకు రాత్రి, ప‌గ‌లు క‌ష్ట‌ప‌డి చేశాం. దుబాయ్‌, చెన్నై టూర్ వెళుతున్నాను. సినిమా స‌క్సెస్ చేశాక మ‌ర‌లా వ‌చ్చేలా మీరే చేయాల‌ని అన్నారు. చిత్ర ద‌ర్శ‌కుడు లోకేశ్‌ కనగరాజ్ మాట్లాడుతూ, విక్ర‌మ్ ఇప్పుడు కంప్లీట్ ఫైన‌ల్ మిక్సింగ్ అయిపోయింది. చాలా అద్భుతంగా వ‌చ్చింది. ఈ వేడుక‌కు వ‌చ్చిన వెంక‌టేస్‌ కు, నితిన్‌ కు థ్యాంక్స్‌. తెలుగు ఆడియ‌న్స్‌కు ధ‌న్య‌వాదాలు. నా మొద‌టి సినిమా నుంచి మీరు ప్రోత్స‌హిస్తున్నారు. విక్ర‌మ్ కూడా అలానే చేస్తార‌ని ఆశిస్తున్నాను. జూన్ 3న విడుద‌ల‌వుతున్న ఈ సినిమాలో కమల్‌ గారి అద్భుతమైన యాక్షన్‌ను మీరు చూస్తారు ‘ అన్నారు.

నితిన్ మాట్లాడుతూ, కమల్‌హాసన్‌గారు ప్రైడ్‌ ఆఫ్‌ ఇండియా. ఆయ‌న రేర్ పీస్‌. మాస్ట‌ర్ పీస్‌. ఆయ‌న గురించి ఎంత చెప్పినా త‌క్కువే. ఆయ‌న్ను ఎవ‌రూ బీట్ చేయ‌లేరు. ఈ సినిమాను తెలుగులో మా సంస్థ విడుద‌ల‌చేస్తున్నందుకు చాలా ఆనందంగా వుంది. ఎ.ఆర్‌. రెహ‌మాన్ త‌ర్వాత నాకు ఇష్ట‌మైన సంగీత ద‌ర్శ‌కుడు అనిరుద్‌. నా ఫోన్‌ లో ప్లే లిస్ట్‌ లో అన్నీ త‌న పాట‌లే వుంటాయి. మంచి ఫ్రెండ్‌. ఆయ‌న‌తో సినిమా చేయ‌బోతున్నా. ద‌ర్శ‌కుడు లోకేశ్‌ గారి ఖైదీ నా ఫేవ‌రేట్‌. ఖైదీ, మాస్ట‌ర్ కంటే పెద్ద హిట్ కావాల‌ని కోరుకుంటున్నాను. ఫ్యాన్స్ కి నచ్చే సినిమా తీస్తే అఖండ‌, గ‌బ్బ‌ర్ సింగ్, భీష్మ అవుతుంది. ఫ్యాన్‌కు హీరోను ఎలా చూపాలో తెలుసు. లాస్ట్ వీక్ వెంకీమామ ఎఫ్‌3తో సూప‌ర్ హిట్ కొట్టారు. జూన్‌3న తెలుగులో విడుద‌ల‌చేస్తున్న మా విక్ర‌మ్ కు ఆ హిట్ ను మాకు కూడా అందించాల‌ని చ‌మ‌త్క‌రించారు.


Follow us
HashtagU Telugu Google News HashtagU Telugu Facebook twitter-icon instagram whatsapp telugu-hashtagu

Tags

  • Daggubati Venkatesh
  • Kamal Haasan
  • pre release event
  • vikram

Related News

    Latest News

    • KCR : కేటీఆర్, హరీశ్ రావుతో కేసీఆర్ మీటింగ్

    • OG Success : OG సక్సెస్ ను ఎంజాయ్ చేయలేకపోతున్న పవన్

    • Jubilee Hills Bypoll: బిఆర్ఎస్ అభ్యర్థిని ప్రకటించిన కేసీఆర్

    • Prime Minister Routine Checkup: ప్రధానమంత్రి మోదీ ఆరోగ్య ప్రోటోకాల్.. ప్రతి 3 నెలలకు ఒకసారి చెకప్!

    • Boxoffice : అల్లు అర్జున్ రికార్డు ను బ్రేక్ చేయలేకపోయినా పవన్

    Trending News

      • Rupee: పుంజుకున్న రూపాయి.. బ‌ల‌హీన‌ప‌డిన డాల‌ర్‌!

      • IND vs PAK Final: భార‌త్‌- పాక్ మ‌ధ్య ఫైన‌ల్ మ్యాచ్‌.. పైచేయి ఎవ‌రిదంటే?

      • Ladakh: లడఖ్‌లో ఉద్రిక్త ప‌రిస్థితుల‌కు కార‌ణాలీవేనా??

      • UPI Boom: యూపీఐ వినియోగం పెరగడంతో నగదు వాడకం తగ్గింది: ఆర్‌బీఐ

      • BCCI: ఇద్ద‌రి ఆటగాళ్ల‌కు షాక్ ఇచ్చిన బీసీసీఐ.. కారణ‌మిదే?

    HashtagU Telugu
    • Contact Us
    • About Us
    • Privacy & Cookies Notice
    Network
    • English News
    • Telugu News
    • Hindi News
    Category
    • Telangana News
    • Andhra Pradesh News
    • National News
    • South
    • Entertainment News
    • Trending News
    • Special News
    • Off Beat
    • Business News
    Trending News
    • Health Tips
    • Movie Reviews
    • 2024 Olympics
    • Life Style
    • Nara Lokesh
    • Nara Chandrababu Naidu
    • Revanth Reddy
    • kcr

    follow us

    • Copyright © 2025 Hashtag U. All rights reserved.
    • Powered by Veegam Software Pvt Ltd