HashtagU Telugu
Telugu
  • English
  • हिंदी
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • స్పెషల్
  • ఆఫ్ బీట్
Telugu
  • English
  • हिंदी
Hashtagu Logo
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • ఫోటో గ్యాలరీ
  • స్పీడ్ న్యూస్
  • హెల్త్
  • లైఫ్ స్టైల్
  • ఆధ్యాత్మికం
  • ఆఫ్ బీట్
  • Trending
  • # IPL 2025
  • # Revanth Reddy
  • # KTR
  • # PM Modi
  • # ChandrababuNaidu
  • # JaganMohanReddy

  • Telugu News
  • >Cinema
  • >Kamal Haasan Exclusive Interview About Vikram Movie

Kamal Haasan Exclusive: ‘విక్రమ్’లో గొప్ప మ్యాజిక్ ఉంది!

''విక్రమ్ సినిమా లో గ్రేట్ మ్యాజిక్ వుంది. హీరో నితిన్ గారి ఫాదర్ సుధాకర్ రెడ్డి బ్యానర్ 'శ్రేష్ఠ్ మూవీస్'

  • By Balu J Published Date - 03:22 PM, Fri - 3 June 22
  • daily-hunt
Kamal
Kamal

”విక్రమ్ సినిమా లో గ్రేట్ మ్యాజిక్ వుంది. హీరో నితిన్ గారి ఫాదర్ సుధాకర్ రెడ్డి బ్యానర్ ‘శ్రేష్ఠ్ మూవీస్’ ఈ చిత్రాన్ని తెలుగు రాష్ట్రాల్లో దాదాపు 400+ థియేటర్స్ లో గ్రాండ్ గా విడుదల చేయడం ఆనందంగా వుంది. వారికి ప్రత్యేక ధన్యవాదాలు” అని తెలిపారు యూనివర్సల్ హీరో కమల్ హాసన్.కమల్ హాసన్ కథానాయకుడి గా సక్సెస్ ఫుల్ దర్శకుడు లోకేష్ కనగరాజ్ దర్శకత్వంలో తెరకెక్కిన భారీ యాక్షన్ థ్రిల్లర్ ‘విక్రమ్’. కమల్ హాసన్ తో పాటు విజయ్ సేతుపతి, ఫహద్ ఫాసిల్ ప్రధాన పాత్రలలో రూపొందిన ఈ ప్రతిష్టాత్మక చిత్రాన్ని రాజ్ కమల్ ఫిల్మ్స్ ఇంటర్నేషనల్ బ్యానర్ పై ఆర్ మహేంద్రన్తో కలిసి కమల్ హాసన్ నిర్మించారు. స్టార్ హీరో సూర్య ఓ స్పెషల్ రోల్ చేస్తున్నారు. స్టార్ హీరో నితిన్ హోమ్ బ్యానర్ ‘శ్రేష్ఠ్ మూవీస్’ ఈ చిత్రాన్ని తెలుగు రాష్ట్రాల్లో భారీగా విడుదల చేయనుంది. జూన్ 3న ‘విక్రమ్’ ప్రపంచ వ్యాప్తంగా గ్రాండ్ రిలీజ్ అయ్యింది. ఈ సందర్భంగా మీడియాతో ‘విక్రమ్’ చిత్రం విశేషాలు పంచుకున్నారు కమల్ హాసన్. ఆయన చెప్పిన విక్రమ్ విశేషాలివి.

సూపర్ స్టార్ రజనీకాంత్ గారిని తాజాగా కలిశారు కదా.. మీ మధ్య ఎలాంటి అంశాలు చర్చలోకి వస్తుంటాయి?

మేము తరచుగా కలుస్తూనే వుంటాం. గత నలభై ఏళ్లుగా ఇది జరుగుతూనే వుంది. మా సినిమాలు గురించి, స్నేహితుల గురించి సరదాగా మాట్లాడుకుంటాం. ‘విక్రమ్ సినిమాకి చాలా మంచి వైబ్రేషన్స్ వున్నాయి, కంగ్రాట్యులేషన్స్ ” అని రజనీ చెప్పారు.

రాజకీయాలు గురించి కూడా మాట్లాడుతుంటారా ?

చాలా తక్కువ. మా ఇద్దరిది భిన్నమైన ఫిలాసఫీ. మేము ఎప్పుడూ పొలిటికల్ డిబేట్స్ జోలికి వెళ్ళం. మా స్నేహానికి గౌరవిస్తాం.

‘విక్రమ్’ ట్రైలర్ లో అడవిలో వేట అన్నట్టుగా చూపించారు.. వేటకి సంబధించిన ఫిలాసఫీ కూడా చెప్పారా ?

ఇది కాంక్రీట్ అడవి అనుకుంటే అనుకుంటే.. ఇది కూడా అడవే. క్రైమ్ విషయానికి వస్తే డ్రగ్స్ కానీ మరొకటి కానీ.. మనిషిని వేటాడే జంతువులా మారిపోయాడు మనిషి. అనుకోకుండా ఇలాంటి అడవిలో మనమంతా బాగస్వాములుగా వున్నాం. విలన్ అనే వాడు మార్స్ నుండి దిగిరాడు. విక్రమ్ కథలో ఇలాంటి అంశాలాన్నీ చూడబోతున్నాం. ఇందులో ప్రతి పాత్రకు రెండు కోణాలు వుంటాయి. విక్రమ్ డార్క్ మూవీ. దర్శకుడు లోకేష్ కనకరాజ్ అద్భుతంగా తీశారు. విక్రమ్ గ్రేట్ థియేటర్ ఎక్స్ పిరియన్స్ వున్న సినిమా. అందరూ థియేటర్స్ లో చూసి ఎంజాయ్ చేయండి.

ఇంతకీ ఇందులో విక్రమ్ ఎవరు ?

ఇది ముందే చెప్పేస్తే ఇంక మ్యాజిక్ పోతుంది. మెజీషియన్ తన హార్ట్ నుండి రాబిట్ తీస్తాడు. ఇది అసంభవమని మనకి తెలుసు. కానీ అది ఎలా తీశాడో మెజీషియన్ చెప్పడు. అదే మ్యాజిక్ (నవ్వుతూ). విక్రమ్ ఎవరో సినిమా చూసి తెలుసుకోవాల్సిందే. (నవ్వుతూ)

హీరో నితిన్ హోమ్ బ్యానర్ ‘శ్రేష్ఠ్ మూవీస్’ ఈ చిత్రాన్ని తెలుగులో భారీగా విడుదల చేస్తున్నారు కదా ?

హీరో నితిన్, వారి నాన్న గారు సుధాకర్ రెడ్డి గారికి సినిమాపై ప్యాషన్ వుంది. వారి నిర్మాణంలో చాలా మంచి సినిమాలు వచ్చాయి. వారికి సినిమాల పట్ల మంచి అభిరుచి వుంది. ‘విక్రమ్’ ని దాదాపు 400పైగా థియేటర్స్ లో భారీ విడుదల చేయడం ఆనందంగా వుంది. వారికి స్పెషల్ థ్యాంక్స్.

ఒక సినిమా ఒప్పుకునేటప్పుడు ఏదైనా ఒక ఛాలెంజ్ ఉండేలా చూసుకుంటారు కదా.. విక్రమ్ లో మీకు ఛాలెంజ్ అనిపించిన అంశం ఏమిటి ?
ఈ రోజుల్లో సినిమా బాగా ఆడటం, సినిమా బావుండటం రెండూ ఛాలెంజులే. మంచి సినిమా తీస్తే ఆడదనే నమ్మకం డిస్ట్రిబ్యూటర్స్ కి వుంది. అలా కాదని నిరూపించడానికి కాస్త ధైర్యం కావాలి. అంత ధైర్యం వున్న బాలచందర్, విన్సెంట్ మాస్టర్ లాంటి వాళ్ళు చాలా తక్కువ.

విక్రమ్ లో విజయ్ సేతుపతి, ఫహద్ ఫాసిల్ లాంటి స్టార్లు కూడా వున్నారు కదా.. వాళ్ళ పాత్రలకు ఎలాంటి ప్రాధాన్యత వుంటుంది ?

నా సినిమాల్లో అన్ని పాత్రలకు ప్రాధాన్యత వుంటుంది. నా సినిమాల విషయానికి వస్తే నన్ను నేను ఎప్పుడూ స్టార్ అనుకోను. నేను ఒక ఆర్టిస్ట్ ని. కానీ అభిమానులు ప్రేమతో స్టార్ అని పిలుస్తారు. కానీ లోపల నేనెప్పుడూ ఒక కళాకారుడినే. కళాకారుడికి నాటకం ముఖ్యం. నేను స్వయంగా రాసిన చిత్రాలలో కూడా పవర్ ఫుల్ పాత్రలు రాశాను. నా చిత్రాలతో చాలా మంది నటీనటులు పరిచయమయ్యారు. హీరోలయ్యారు. పోతురాజు సినిమాలో పశుపతి, అన్బే శివంలో మాధవన్ పాత్రలు ఎంతో బలమైనవి.

సూర్య పాత్ర ఎలా ఉండబోతుంది ?

సూర్య స్పెషల్ ఎప్పిరియన్స్ లో కనిపిస్తారు. నిజానికి హీరో ని బుక్ చేసేటప్పుడు నేరుగా కలసి బోకే ఇచ్చి బుక్ చేస్తారు. నేను కూడా సూర్యకి ఒక బోకే ఇద్దామని అనుకున్నా. విక్రమ్ స్పెషల్ రోల్ గురించి కలసి మాట్లాడదామని ఫోన్ చేశా. కానీ ఫోన్ కాల్ లోనే అంతా అయిపొయింది. ”నేను చేస్తా అన్నయ్యా” అన్నారు. నేను వెళ్ళేటప్పటికి మొత్తం అయిపొయింది. బోకే ఇవ్వడం ఇంక కుదరలేదు(నవ్వుతూ). షేక్ హ్యాండ్ తో సరిపెట్టుకున్నాం.

సూర్యతో ఫుల్ లెంత్ సినిమా భవిష్యత్ లో వుంటుందా ?

మా బ్యానర్ లో సూర్యతో సినిమా చేయాలనీ ఎప్పటినుండో అనుకుంటున్నాం. చర్చలు నడుస్తున్నాయి. ఈ లోగా విక్రమ్ లో స్పెషల్ ఎప్పిరియన్స్ రోల్ చేశారు. ఐతే సూర్యతో తప్పకుండా సినిమా చేస్తాం. దాదాపు ఐదుగురు దర్శకులతో మాట్లాడాం.
మహేశ్ నారాయణ్ తో మా బ్యానర్ నెక్స్ట్ సినిమా చేస్తున్నాం. మలయాళంలో మాలిక్ లాంటి విజయవంతమైన చిత్రాన్ని అందించారాయన. మహేశ్ నారాయణ్ గతంలో విశ్వరూపంకు ఎడిటర్ గా కూడా పని చేశారు. కోవిడ్ సమయంలో సినిమాటోగ్రఫీ కూడా నేర్చ్సుకున్నారు.

తెలుగులో నేరుగా సినిమా ఎప్పుడు చేయబోతున్నారు ?
నాకూ చేయాలనే వుంది. నేరుగా తెలుగులో సినిమా చేసి చాలా కాలమైయింది. దీని కోసం ప్రయత్నాలు జరుగుతున్నాయి.

మీరు చేసే ప్రతి సినిమా ప్రతి భాషలోకి వెళుతుంది. ఇది ఎప్పటి నుండో వుంది. కానీ ఇప్పుడది పాన్ ఇండియా ట్రెండ్ అయ్యింది. దిన్ని ఎలా చూస్తారు ?

ట్రెండ్ అనేది కొత్త న్యూస్ అంతే. చరిత్ర చూస్తే ఇది ఎప్పటి నుండో వుంది. ఏ ఎన్ ఆర్ గారి దేవదాస్ తెలుగు వెర్షన్ చెన్నైలో మూడేళ్ళు ఆడింది. ‘మరో చరిత్ర’కి కూడ ఇదే జరిగింది. ‘సాగర సంగమం’ డబ్ చేశారు. ఇది కూడా అక్కడ సిల్వర్ జూబ్లీ విజయాన్ని అందుకుంది. అలాగే స్వాతిముత్యం. పాన్ ఇండియా అనేది బాలచందర్ లాంటి దర్శకులు ఎప్పుడో ప్రూవ్ చేశారు.

మీరు కూడా తెలుగు, తమిళ అని కాకుండా ఇండియన్ సినిమా అనడానికే ఇష్టపడతారు కదా ?

అవునండీ. ప్రస్తుతం హైదరాబాద్ నేషనల్ ఫిలిం మేకింగ్ హబ్ గా వుంది. ముందు చెన్నై వుండేది. నాగిరెడ్డి గారి లాంటి దర్శకులు మాయాబజార్ లాంటి చిత్రాలని తెలుగు తమిళ్ లో తీసేవారు. రాముడు భీముడు తెలుగు , ఎంగవిట్టి పిళ్ళై తమిళ్ , రామ్ ఆర్ శ్యామ్ హిందీ .. ఈ చిత్రాలన్నీ ఒకే నిర్మాణ సంస్థ తీసింది. చంద్రలేఖ మొదటి పాన్ ఇండియా సినిమా. అలాగే ఇప్పుడు బాహుబలి. పాన్ ఇండియా సినిమా అనేది ఎప్పటి నుండో వుంది. బాలీవుడ్ నిర్మాణ సంస్థలు లాంగ్వేజ్ సినిమాలు తీయలేదు కానీ సౌత్ నుండి అన్ని భాషల చిత్రాలు తెరకెక్కాయి.రామానాయడు గారు అన్ని భాషల చిత్రాలు తీశారు. ఆయన నేషనల్ ప్రోడ్యుసర్, పాన్ ఇండియా ప్రోడ్యుసర్.

ఓటీటీ లో కూడా ఇంత మార్పు వస్తుందని మీరు ముందే గ్రహించారు కదా ?

ఓటీటీ మార్పు రావాలని నేనేం పట్టుపట్టలేదు. అది కచ్చితంగా రావాలి. ఇప్పుడు వచ్చింది. ఐతే ఎన్ని మార్పులు వచ్చినా దేని ప్రాధన్యత దానికి వుంటుంది. చేతికి పెట్టుకునే వాచ్ వచ్చిందని టవర్ క్లాక్ కి డిమాండ్ తగ్గలేదు కదా. తిరుపతి క్యాలెండర్ ఇంట్లో ఉన్నంత మాత్రాన అక్కడ భక్తుల రద్దీ తగ్గిపోదు కదా. థియేటర్ ఎక్స్ పీరియన్స్ కూడా అంతే. థియేటర్ అనేది గుడి కంటే గొప్ప చోటని భావిస్తా. ఎందుకంటే పక్కనున్నవాడు ఏ జాతి, మతం అనే పట్టింపు ఎవరికీ వుండదు. ఇది కేవలం స్పోర్ట్స్, సినిమా థియేటర్ లోనే సంభవిస్తుంది,

ఒకప్పుడు మీ సినిమాని నేరుగా టీవీ లో రిలీజ్ చేస్తామంటే గొడవ జరిగింది.. కానీ ఇప్పుడు నేరుగా ఓటీటీలోనే విడుదల చేస్తున్నారు కదా ?

కొత్తది ఏది వచ్చినా మొదట భయం వేస్తుంది. పిజ్జా ని చూసి కూడా మొదట ఇలానే ఫీలై ఉంటాము కదా.. అయితే కేవలం ఫిజ్జానే తినాలంటే ఒప్పుకోము. మనకి ఉలవచారు కూడా ఇష్టం. అన్నీ రుచులు వుంటాయి. అయితే ఫైనల్ గా ఒక ఒరిజినల్ రుచి బయటికి వస్తుంది. ప్రేక్షకుడు అంతిమంగా సినిమాని థియేటర్ లో చూడటానికే ఇష్టపడతాడు. మనందరికీ కిచెన్ వుంటుంది. కానీ ఒకరోజు ఫ్యామిలీ అంతా వెళ్లి హాయిగా హోటల్ లో భోజనం చేస్తాం కదా. ఇదీ అంతే.

అనిరుద్ మ్యూజిక్ గురించి చెప్పండి ?

అనిరుద్ పెద్ద కళాకారుల కుటుంబం నుండి వచ్చారు. ఆయన గ్రేట్ గ్రాండ్ ఫాదర్ సుబ్రహ్మణ్యం గారు చాలా అద్భుతమైన కళాకారుడు. చాలా గొప్ప సినిమాలకు పని చేశారు. అనిరుద్ మంచి మ్యూజిక్ ఇవ్వడంలో నాకు ఎలాంటి ఆశ్చర్యం లేదు. అంత గొప్ప కళాకారుల కుటుంబం నుండి వచ్చిన వ్యక్తి ఖచ్చితంగా మంచి సంగీతం అందించాలి.

విక్రమ్ లో పాట కూడా పాడారు ?

కే విశ్వనాద్ గారి నుండి నాకు ఒకటే అలవాటు. సినిమా కోసం ఏదైనా చేయమంటే తప్పకుండా చేస్తాను. విక్రమ్ లో పాట పాడమని అడిగారు. పాడాను.

విశ్వనాద్ గారిని కలుస్తుంటారా ?

చెన్నైలో ఉండేటప్పుడు వారానికి, నెలకి ఒకసారైన కలిసేవాడిని. ఇప్పుడు ఆయన హైదరాబాద్ వచ్చారు. ఫోన్ లో తరుచూ మాట్లాడుతూవుంటాం.

నటన, నిర్మాణం, రాజకీయం.. వీటిని ఎలా బ్యాలన్స్ చేస్తున్నారు ?

సౌత్ లో ఇది కొత్త కాదు. సౌత్ లో సినిమా రాజకీయం విడదీయరాని ఒక కలయిక. నా ముందు తరం నటులు, నిర్మాతలు, పెద్దవాళ్ళు అందరూ చేసిందే నేను చేస్తున్నా.

భారతీయుడు 2 దర్శకత్వం మీరే చేస్తున్నారా ?

నా నుండి ప్రేక్షకులు ఏడాది కి రెండు సినిమాలైనా కోరుకుంటున్నారు. దర్శకత్వ బాధ్యతలు తీసుకుంటే ఇది సాధ్యపడదు. అందుకే దర్శకత్వం వేరే వాళ్లకు అప్పగించి నటనపై ద్రుష్టిపెట్టాలని భావిస్తున్నా.

భారతీయుడు 2ఈ ఏడాది పూర్తవుతుందా ?
పూర్తి చేయడానికే ప్రయత్నిస్తున్నాం.


Follow us
HashtagU Telugu Google News HashtagU Telugu Facebook twitter-icon instagram whatsapp telugu-hashtagu

Tags

  • interview
  • kamal hassan
  • latest tollywood news
  • vikram

Related News

    Latest News

    • AP : రాష్ట్రంలో యూరియా కొరతపై ‘అన్నదాత పోరు’: వైసీపీ ఆందోళనకు సిద్ధం

    • CM Siddaramaiah : చలానాలపై రాయితీ ప్రకటించిన కర్ణాటక ప్రభుత్వం

    • Green Chillies : ప్రతిరోజూ పచ్చిమిర్చి తినడం ఆరోగ్యానికి మంచిదేనా?..అస‌లు రోజుకు ఎన్ని తిన‌వ‌చ్చు..?

    • Khairatabad ganesh : గంగమ్మ ఒడికి చేరిన శ్రీ విశ్వశాంతి మహాశక్తి గణపతి

    • Renault Cars : జీఎస్టీ 2.0 ఎఫెక్ట్.. రెనో కార్లపై భారీ తగ్గింపు

    Trending News

      • Chandra Grahan 2025 : 7న సంపూర్ణ చంద్రగ్రహణం..జ్యోతిష్య ప్రభావంతో ఏ రాశులకు శుభం? ఏ రాశులకు అశుభం?..!

      • Yograj Singh: ధోనితో సహా చాలా మంది ఆటగాళ్లు వెన్నుపోటు పొడిచారు: యువ‌రాజ్ తండ్రి

      • Sara Tendulkar: సచిన్ కుమార్తె సారా టెండూల్కర్‌కు నిజంగానే ఎంగేజ్‌మెంట్ జ‌రిగిందా?

      • IPL Tickets: క్రికెట్ అభిమానులకు తీపి, చేదు వార్త.. ఐపీఎల్‌పై జీఎస్టీ పెంపు, టికెట్లపై తగ్గింపు!

      • New GST: జీఎస్టీలో కీల‌క మార్పులు.. రూ. 48,000 కోట్లు న‌ష్టం?!

    HashtagU Telugu
    • Contact Us
    • About Us
    • Privacy & Cookies Notice
    Category
    • Telangana News
    • Andhra Pradesh News
    • National News
    • South
    • Entertainment News
    • Trending News
    • Special News
    • Off Beat
    • Business News
    Trending News
    • Health Tips
    • Movie Reviews
    • 2024 Olympics
    • Life Style
    • Nara Lokesh
    • Nara Chandrababu Naidu
    • Revanth Reddy
    • kcr

    follow us

    • Copyright © 2025 Hashtag U. All rights reserved.
    • Powered by Veegam Software Pvt Ltd