Baazigar 30 Years : బాజీగర్ మూవీకి 30 ఏళ్లు.. కాజోల్ షేర్ చేసిన ఫొటోలివీ
Baazigar 30 Years : షారుఖ్ ఖాన్ సూపర్హిట్ మూవీ ‘బాజీగర్’ గురించి తెలియని వారు ఎవరు ఉంటారు !
- By Pasha Published Date - 04:54 PM, Sun - 12 November 23
Baazigar 30 Years : షారుఖ్ ఖాన్ సూపర్హిట్ మూవీ ‘బాజీగర్’ గురించి తెలియని వారు ఎవరు ఉంటారు ! ఆ సినిమా రిలీజై నేటికి సరిగ్గా 30 ఏళ్లు పూర్తయ్యాయి. 1992 సంవత్సరంలో నవంబరు 12న బాజీగర్ రిలీజై సంచలనం క్రియేట్ చేసింది. కలెక్షన్ల వర్షం కురిపించింది. ఆ మధుర క్షణాలను కాజోల్ ఆదివారం రోజు గుర్తు చేసుకున్నారు. తన కెరీర్లో ముఖ్యమైన మైలురాయిగా నిలిచిన బాజీగర్ మూవీ 30వ వార్షికోత్సవం గురించి ఆమె ట్విట్టర్ వేదికగా ఒక పోస్ట్ చేశారు. ఆ మూవీతో తనకు ఉన్న అనుబంధాన్ని గుర్తు చేసుకున్నారు. తనకు ఆ సినిమా అందించిన గుర్తింపు గురించి కాజోల్ వివరించారు. బాజీగర్ మూవీని మరువలేనని పేర్కొన్నారు. ట్విట్టర్ వేదికగా కాజోల్ చేసిన ఈ పోస్టులో షారుఖ్ ఖాన్, శిల్పాశెట్టిలతో కలిసి తాను దిగిన ఫొటోలను షేర్ చేశారు. ఆ ఫొటోలు మధుర జ్ఞాపకాలను మిగిల్చాయని చెప్పుకొచ్చారు. ‘బాజీగర్ మూవీలోని ప్రతి పాట, ప్రతి డైలాగ్ నాకు ఎంతో సంతోషాన్ని ఇచ్చింది. ఆ సిినిమా షూటింగ్ను మా మూవీ యూనిట్ చాలా ఎంజాయ్ చేసింది.
We’re now on WhatsApp. Click to Join.
#Baazigar completes 30 years.. This set was a whole lot of firsts .. The first time I worked with Saroj Ji, the first time I met @iamsrk . The first time I met @The_AnuMalik … and me all of 17 when I started the film .. Abbas bhai and Mustan bhai actually treated me with all the… pic.twitter.com/OR5YWfbzlW
— Kajol (@itsKajolD) November 12, 2023
బాజీగర్ మూవీ ఆసక్తికర అంశాలు..
- బాజీగర్ మూవీ షారుఖ్ ఖాన్ సినీ కెరీర్కు టర్నింగ్ పాయింట్ లాంటిది.
- 1992లో ప్రముఖ హిందీ సినీ నిర్మాతలు అబ్బాస్-మస్తాన్లు కలిసి ‘బాజీగర్’ మూవీని నిర్మించారు. ఇందులో షారుఖ్ ఖాన్, కాజోల్, శిల్పాశెట్టి, రాఖీ గుల్జార్, జానీ లీవర్, దిలీప్ తాహిల్ వంటి నటీనటులు నటించారు.
- బాజీగర్ బాక్సాఫీస్ వద్ద ఘన విజయం సాధించింది. షారూఖ్ ఖాన్ మొదటి సూపర్ హిట్ మూవీ ఇది.
- వాస్తవానికి షారుఖ్ కంటే ముందు.. సూపర్ స్టార్ సల్మాన్ ఖాన్ కు ‘బాజీగర్’లో హీరోగా నటించే ఆఫర్ వచ్చింది. ఈవిషయాన్ని కపిల్ శర్మ షోలో సల్మాన్ స్వయంగా వెల్లడించారు.
- బాజీగర్ కంటే ముందు ‘మైనే ప్యార్ కియా’ మూవీతో సల్మాన్ ఖాన్ రొమాంటిక్ హీరోగా తనదైన ముద్ర వేశారు. అటువంటి పరిస్థితిలో బాజీగర్లో యాంటీ హీరో పాత్రలో నటించలేనని సల్మాన్ స్పష్టం చేశారు. దీంతో ఆ ఛాన్స్ షారుఖ్ ఖాన్కు దక్కింది.
- శిల్పాశెట్టి ‘బాజీగర్’ సినిమాతో బాలీవుడ్లోకి అడుగుపెట్టారు.
- ‘రోజా’ సినిమాతో తనదైన ముద్ర వేసిన నటి మధుకి బాజీగర్లో ‘సీమ’ పాత్రలో యాక్ట్ చేసే ఆఫర్ ఇచ్చారు. కానీ కొన్ని కారణాల వల్ల సీమ పాత్రను చేయలేనని మధు చెప్పారు. దీంతో సీమ పాత్ర శిల్పాశెట్టికి(Baazigar 30 Years) దక్కింది.
Also Read: Ben Stokes: త్వరలో వన్డే క్రికెట్కు వీడ్కోలు పలకనున్న స్టోక్స్.. క్లారిటీగా చెప్పేశాడు..!
Related News
Aamir Khan : ‘పఠాన్’ సినిమాలో మా అక్క నటించింది మీకు తెలుసా.. ఆమిర్ ఖాన్
'పఠాన్' సినిమాలో మా అక్క నటించింది మీకు తెలుసా అంటున్న ఆమిర్ ఖాన్. షారుఖ్ ఖాన్ కి తాయత్తు కట్టి..