Jai Balayya: జై బాలయ్య.. ఇది స్లోగన్ మాత్రమే కాదు, ఓ ఎమోషన్!

జై బాలయ్య జై బాలయ్య.. ఇది సినిమా పాట మాత్రమే కాదు.. ఓ ఎమోషన్ కూడా. పిల్లల నుంచి పెద్దల వరకు ఇష్టపడే హీరోల్లో బాలయ్య బాబునే ముందుంటారని చెప్పక తప్పదు. సౌత్ ఇండియాలో రజనీకాంత్ తర్వాత అంతటి మాస్ అప్పీల్ ఈ నందమూరి హీరోకే దక్కుతుంది. తెలుగు అయినా, హిందీ అయినా, ఇంగ్లీష్ అయినా బాలయ్య డైలాగ్ చెబితే దానికో లెక్కుంటుంది. ఎన్ని భాషలున్నా తెలుగు లాంగ్వేజ్ పై ఆయనకున్న గ్రిప్ మరొకరికి ఉండదనే చెప్పాలి. తెలుగు ప్రేక్షకులు బాలయ్యను ప్రేమించడానికి ఒకటి కాదు.. రెండు కాదు.. చాలా కారణాలే ఉన్నాయి మరి.

బాలయ్య మంచి నటుడు మాత్రమే కాదు.. మానవత్వం ఉన్నవాడు కూడా. తన తల్లి పేరు మీరు ఏర్పాటైన క్యాన్సర్ ఆస్పత్రి ద్వారా ఎంతోమంది పేదలకు ఉచితంగా వైద్యసాయం చేస్తున్నాడు. ఆసుపత్రిలో అనేక మంది రోగులకు ఉచితంగా వైద్యం అందించిన సందర్భాలు అనేకం. బసవతారకం ఆస్పత్రి డెవలప్ మెంట్ కోసం విదేశాల్లో ప్రదర్శనలు చేస్తూ నిధులు సమకూరుస్తున్నాడు. ఇక తెలుగు రాష్రాల్లో ఏ పబ్ కు వెళ్లినా జై బాలయ్య అనే నినాదం మార్మోగాల్సిందే.  అంతేకాదు.. ఇతర హీరో ఆడియో ఫంక్షన్లలోనూ జై బాలయ్య స్లోగన్స్ వినిపిస్తున్నాయంటే ఈ హీరో సౌండ్ ఏపాటిదో అర్దం చేసుకోవచ్చు.

ఇక బాలయ్య ఓ రాజకీయ నాయకుడు కూడా. హిందుపురం ఎమ్మెల్యేగా ప్రజలకు సేవ చేస్తూ తనకంటూ గుర్తింపు తెచ్చుకున్నాడు. వైసీపీలోనూ బాలయ్యకు అభిమానులు ఉన్నారంటే ఆయన క్రేజ్ ఎంటో ఇట్టే తెలిసిపోతోంది.  ఎవరినైనా ఇట్టే యాక్సెస్ చేయగలడు, ప్రేమించగలడు. ఎవరితోనైనా కనెక్ట్ కాగలడు. ఆయనకు తెలుగు భాష, సాహిత్యం పట్ల అపారమైన గౌరవం, పరిజ్ఞానం ఉంది. రామాయణం నుండి మహాభారతం నుండి ఇటీవలి తెలుగు సాహిత్యం వరకు ఏదైనా పద్యం లేదా కథలను చదవగలడు. అందుకే జై బాలయ్య ఒక ఎమోషన్.

Also Read: Guntur Beauty: ఘాటెక్కిస్తున్న ‘గుంటూరు కారం’.. మ‌హేష్ మ‌ర‌ద‌లిగా శ్రీలీల!

Follow us