Indian 2 Climax : ఇండియన్ 2 క్లైమాక్స్ సర్ ప్రైజ్ అదేనా..?

కమల్ హాసన్ శంకర్ ఇద్దరు కలిసి చేసిన ఇండియన్ 2 (Kamal Hassan Indian 2) సినిమా మరికొద్ది గంటల్లో ప్రేక్షకుల ముందుకు వస్తుంది. ఈ సినిమాలో సిద్ధార్థ్, రకుల్ ప్రీత్ సింగ్ కూడా ఇంపార్టెంట్ రోల్స్ లో నటిస్తున్నారు. ఇండియన్ 2 సినిమా శుక్రవారం ప్రపంచవ్యాప్తంగా రిలీజ్ కాబోతుంది. ఐతే ఈ సినిమా విషయంలో కమల్ ఫ్యాన్స్ మాత్రం సూపర్ కాన్ఫిడెంట్ గా ఉన్నారు. ఇండియన్ 2 సినిమా షూటింగ్ చాలా కాలం జరిగింది. మధ్యలో సినిమా పూర్తి చేయడం కుదరదని చేతులు ఎత్తేశారు.

కానీ కమల్ హాసన్ (Kamal Hassan) విక్రం సూపర్ హిట్ అవ్వడంతో మళ్లీ ఇండియన్ 2 మీద స్పెషల్ ఇంట్రెస్ట్ పెట్టారు. అలా శంకర్ ని కన్విన్స్ చేసి ఈ సినిమా పూర్తి చేశారు. ఐతే ఇండియన్ 2 సినిమా కథ కొనసాగిస్తూ ఇండియన్ 3ని కూడా పూర్తి చేశారట మేకర్స్. ఇండియన్ 2 ని ఒక సస్పెన్స్ ఫ్యాక్టర్ లో ఆపుతారని తెలుస్తుంది. అంతేకాదు ఇండియన్ 3 (Indian 3) కి లీడ్ ఇస్తూ ఇండియన్ 2కి ముగింపు ఇస్తారట.

ఇండియన్ 2 సినిమా క్లైమాక్స్ లోనే ఇండియన్ 3 సినిమా ట్రైలర్ ని వదులుతారట. అది కచ్చితంగా ఫ్యాన్స్ కి గూస్ బంప్స్ అందిస్తుందని అంటున్నారు. ఇండియన్ 2, 3 సినిమాలు రెండు కూడా డైరెక్టర్ Shankar, హీరో ఇద్దరికి మరో స్ట్రాంగ్ హిట్ అందిస్తుందని అంటున్నారు. ఇండియన్ 2 సినిమా మీద ఇప్పటికే ఆడియన్స్ లో మంచి బజ్ ఉంది. తప్పకుండా సినిమా నెక్స్ట్ లెవెల్ క్రేజ్ తెచ్చుకుంటుందని చెప్పొచ్చు.

ఇండియన్ 2 రిలీజ్ తర్వాత పెద్దగా గ్యాప్ లేకుండానే ఇండియన్ 3 సినిమాను రిలీజ్ చేసేలా మేకర్స్ ప్లాన్ చేస్తున్నారు. 2025 సమ్మర్ లో ఇండియన్ 3 రిలీజ్ ఉండొచ్చని అంటున్నారు. ఇండియన్ సినిమా 1996 మే 9న రిలీజై సూపర్ హిట్ కాగా ఇండియన్ 2 జూలై 12న ప్రేక్షకుల ముందుకు వస్తుంది. ఇండియన్ 2 సినిమాపై తెలుగులో కూడా బజ్ బాగానే ఉంది. సురేష్ బాబు తెలుగు రాష్ట్రాల్లో ఈ సినిమా రిలీజ్ చేస్తున్నారు.