Indian 2 : కమల్ ఇండియన్ 2కి రిలీజ్ డేట్ ఫిక్స్ అయ్యిందట.. ఎప్పుడంటే..!

Indian 2 : శంకర్ దర్శకత్వంలో కమల్ హాసన్ హీరోగా 1996లో తెరకెక్కిన బ్లాక్ బస్టర్ మూవీ ‘ఇండియన్’. కమలహాసన్ డ్యూయల్ రోల్ చేసిన ఈ చిత్రం దేశభక్తి, లంచం వంటి సోషల్ మెసేజ్ పాయింట్స్ తో ఆడియన్స్ ముందుకు వచ్చి ఎన్నో ప్రశంసలు అందుకని ఒక కల్ట్ క్లాసిక్ గా నిలిచింది. దాదాపు 28 ఏళ్ళ తరువాత ఈ చిత్రానికి సీక్వెల్ ని తీసుకు వస్తున్నారు కమల్ అండ్ శంకర్. అయితే ఈ సీక్వెల్ ని రెండు భాగాలుగా ఆడియన్స్ ముందుకు తీసుకు రాబోతున్నారు. ఇండియన్ 2, ఇండియన్ 3 టైటిల్స్ తో ఈ సినిమాలను రూపొందిస్తున్నారు.

ఆల్రెడీ ఈ రెండు భాగాలకు సంబంధించిన షూటింగ్ మొత్తం పూర్తి అయ్యింది. ప్రస్తుతం ఇండియన్ 2 పోస్ట్ ప్రొడక్షన్ వర్క్స్ జరుగుతున్నాయి. కాగా ఈ మూవీ రిలీజ్ డేట్ ని ఇప్పటివరకు మేకర్స్ అనౌన్స్ చేయలేదు. ఆమధ్య ఈ సినిమాని ఆగష్టులో రిలీజ్ చేస్తారంటూ టాక్ వినిపించింది. కానీ ఇప్పటివరకు అప్డేట్ లేదు. తాజాగా వినిపిస్తున్న వార్త ఏంటంటే.. ఈ సినిమాని సమ్మర్ హాలిడేస్ లో తీసుకు వచ్చేందుకు సిద్దమవుతున్నారట.

మే 24న ఈ సినిమాని రిలీజ్ చేయడానికి మేకర్స్ డేట్ లాక్ చేసారని తమిళ్ ఫిలిం వర్గాల్లో గట్టిగా వార్తలు వినిపిస్తున్నాయి. ఆ సమయానికి ఎన్నికల పోలింగ్ కూడా అయ్యిపోతుంది. ఆ తరువాత కౌంటింగ్ అండ్ రిజల్ట్ డేట్స్ తో మూవీ రిలీజ్ కి ఎటువంటి ఇబ్బంది ఉండదు. ఇక్కడ మరో విశేషం ఏంటంటే.. ఇండియన్ 1 సినిమా కూడా మే నెలలోనే రిలీజ్ అయ్యింది. ఇప్పుడు ఇండియన్ 2ని ఇదే నెలలో రిలీజ్ చేసి హిట్ కొట్టాలని చూస్తున్నట్లు తెలుస్తుంది. మరి నిజంగానే ఈ సినిమాని మే నెలలోనే రిలీజ్ చేస్తారా లేదా చూడాలి.

Also read : Adivi Sesh : అడివి శేష్‌ని సర్‌ప్రైజ్ చేసిన పవన్ తనయుడు అకిరా.. ఫిదా అయిపోయిన శేష్..