Hollywood – 100 Years : హాలీవుడ్ సైన్ బోర్డ్ 100వ బర్త్ డే.. ఎంత చరిత్ర ఉందంటే ?

Hollywood – 100 Years : ప్రపంచ సినిమా చరిత్రలో ఎప్పటికీ నిలిచిపోయే పదం.. ‘హాలీవుడ్’ !! ‘హాలీవుడ్’ పేరుతో అమెరికాలోని లాస్ ఏంజిల్స్‌లో ఏర్పాటు చేసిన సైన్ బోర్డు రెండు రోజుల కిందటే (శుక్రవారం) 100వ బర్త్ డేను జరుపుకుంది. ఈ సైన్ బోర్డును 1923లో ఏర్పాటుచేశారు. తొలినాళ్లలో దీన్ని ‘హాలీవుడ్‌ ల్యాండ్’ అని పిలిచేవారు. లాస్ ఏంజిల్స్‌ నగర రియల్ ఎస్టేట్  డెవలప్మెంట్ ప్లాన్‌లో భాగంగా హాలీవుడ్ సైన్ బోర్డును ఏర్పాటు చేశారు. ఆ ప్లాన్ సక్సెస్ అయింది. సినిమా నిర్మాణ రంగానికి ప్రపంచ హబ్‌గా హాలీవుడ్ మారింది. లాస్ ఏంజిల్స్‌‌కు వెళ్లే టూరిస్టులు, సినీ ప్రియులు తప్పకుండా ఈ సింబల్‌ను చూస్తారు.

We’re now on WhatsApp. Click to Join.

సైన్ బోర్డు.. ఆసక్తికర విశేషాలు

• ‘హాలీవుడ్’ సైన్ బోర్డును లాస్ ఏంజిల్స్ రియల్ ఎస్టేట్ ప్రచారం కోసం ఏర్పాటు చేసిన తొలినాళ్లలో వేలాది బల్బులతో డెకొరేట్ చేసేవారు.
• 1940 నాటికి మెయింటెనెన్స్ లేక సైన్ బోర్డులోని అక్షరాలన్నీ చెదిరిపోయి గజిబిజిగా పడిపోయాయి.
• 1940వ దశకంలోనే గాలి తుఫానులకు సైన్ బోర్డులోని H అనే అక్షరం దెబ్బతింది. బాగా దెబ్బతిన్న ఆ బోర్డును తీసేయమని స్థానికులు రియల్ ఎస్టేట్ వాళ్లకు సూచించారు.
• సరిగ్గా ఇదే టైంలో హాలీవుడ్ ఛాంబర్ ఆఫ్ కామర్స్ కీలక నిర్ణయం తీసుకుంది. ‘హాలీవుడ్’ అనే పదాన్ని తమ ట్రేడ్‌మార్క్‌గా వాడుకోవచ్చని డిసైడ్ అయ్యింది.
• హాలీవుడ్ సైన్ బోర్డును 1949లో హాలీవుడ్ ఛాంబర్ ఆఫ్ కామర్స్ రిపేర్ చేయించింది.
• 1978లో హాలీవుడ్ సైన్ బోర్డు పునరుద్ధరణ కోసం అమెరికన్ సింగర్ ఆలిస్ కూపర్‌ రూ.23 లక్షలను విరాళంగా ప్రకటించాడు.
• హాలీవుడ్ సైన్ బోర్డు నిర్వహణ కోసం ప్రత్యేక  ట్రస్ట్ ఏర్పాటయింది. దీనిపేరే  హాలీవుడ్ సైన్ ట్రస్ట్ .
• హాలీవుడ్ సైన్ బోర్డు పెయింటింగ్ కోసం ఏటా 400 గ్యాలన్ల (1,500 లీటర్లు) పెయింట్, ప్రైమర్‌ను వాడుతారు.
• చాలామందికి తెలియని విషయం ఏమిటంటే.. 1932లో ఈ సైన్ బోర్డు(Hollywood – 100 Years) ఒక విషాద ఘటనకు కూడా వేదికగా మారింది. ఈ సైన్ బోర్డులోని H అక్షరం పై నుంచి దూకి బ్రిటీష్ సంతతికి చెందిన నటి పెగ్ ఎంట్విస్టిల్ తన ప్రాణాలను తీసుకుంది.

Also Read: Shooters Arrested : మర్డర్ చేసి మనాలీకి వెళ్లారు.. కర్ణి సేన చీఫ్ హంతకులు దొరికారు