War 2: జూనియర్ ఎన్టీఆర్ బర్త్ డేకు భారీ గిఫ్ట్ రెడీ చేస్తున్న హృతిక్ రోషన్!
జూనియర్ ఎన్టీఆర్ ప్రతి పుట్టినరోజుకూ ఓ బిగ్ అప్డేట్ వస్తుందన్నది మనందరికీ తెలిసిందే. ఈ రోజు, ఆ అంచనాలకు మరింత బలం చేకూర్చుతూ హృతిక్ రోషన్ ఓ ఆసక్తికరమైన ట్వీట్ చేశాడు.
- By Kode Mohan Sai Published Date - 03:59 PM, Fri - 16 May 25
War 2: జూనియర్ ఎన్టీఆర్ పుట్టినరోజు అంటే ఫ్యాన్స్‌కు ఏదో ఒక భారీ అప్డేట్ ఖచ్చితంగా ఉంటుందన్న విషయం తెలిసిందే. ఈ సంవత్సరం మే 20న జరగబోయే ఎన్టీఆర్ బర్త్‌డే సందర్భంగా వార్ 2 సినిమా నుంచి ఓ సర్‌ప్రైజ్ రాబోతోందని గత కొద్ది రోజులుగా గాసిప్స్ వినిపిస్తున్నాయి.
ఈ ఊహాగానాలకు తాజాగా బలమిచ్చాడు హృతిక్ రోషన్. ‘‘జూనియర్ ఎన్టీఆర్, మే 20న నీవేం ఆశిస్తున్నావో నాకు తెలుసు. నన్ను నమ్ము… నీకు తెలియని అద్భుతమైన గిఫ్ట్ రెడీ అవుతోంది’’ అంటూ తన ట్వీట్‌లో పేర్కొన్నాడు.
Thank you in advance @iHrithik sir!!!
Can’t wait to hunt you down to give you a special return gift Kabir… #War2 https://t.co/cLVtgTtgQd
— Jr NTR (@tarak9999) May 16, 2025
ఈ ట్వీట్‌కు జూనియర్ ఎన్టీఆర్ స్పందిస్తూ, ‘‘థాంక్యూ హృతిక్ రోషన్ సర్… నువ్వు ఇచ్చే గిఫ్ట్ కోసం వెయిట్ చేయలేకపోతున్నా కబీర్,’’ అని రిప్లై ఇచ్చాడు. ప్రస్తుతం ఈ ట్వీట్లు సోషల్ మీడియాలో వైరల్‌గా మారాయి.
గమనించదగిన విషయం ఏమిటంటే, వార్ సినిమాకు సీక్వెల్‌గా రూపొందుతున్న వార్ 2లో హృతిక్ రోషన్ సరసన జూనియర్ ఎన్టీఆర్ కీలక పాత్రలో నటిస్తున్నారు. ఈ మల్టీ స్టారర్ యాక్షన్ థ్రిల్లర్ చిత్రం ఆగస్టు 14న ప్రపంచవ్యాప్తంగా విడుదల కానుంది. ఇప్పుడు ప్రశ్న ఏంటంటే — ఎన్టీఆర్ బర్త్‌డేకు రాబోయే గిఫ్ట్ ఎంత పెద్దదో? ఇంకొన్ని రోజుల్లో ఆ రహస్యం వెల్లడి కానుంది!
