Pawan Kalyan : ఈరోజు పవన్ అభిమానులకు డబుల్ ధమాకా

Hhvm Prereleaseevent

పవర్ స్టార్ పవన్ కళ్యాణ్‌ (Pawan Kalyan) అభిమానులకు ఈ రోజు (జూలై 21) పెద్ద పండగ అని చెప్పాలి. రాజకీయాల్లో బిజీగా ఉన్న పవన్, ఈరోజు తన నటనా జీవితానికి సంబంధించి రెండు కీలక ఈవెంట్లలో పాల్గొననున్నారు. ఉదయం 10 గంటలకు జరగనున్న ప్రెస్‌మీట్లో పాల్గొన్న తర్వాత, సాయంత్రం 6 గంటలకు హరి హర వీరమల్లు(Harihara Veeramallu ) ప్రీ-రిలీజ్ వేడుకలో కనిపించనున్నారు. ఈ సందర్భంగా పవన్ ఏమి మాట్లాడతారోనని అభిమానులు ఎంతో ఉత్కంఠగా ఎదురుచూస్తున్నారు. ఈ సినిమా జూలై 24న విడుదల కానుంది.

ఈ వేడుక ప్రత్యేకత ఏమంటే.. పలువురు రాజకీయ ప్రముఖులు ఇందులో పాల్గొనబోతున్నారు. ఏపీ డిప్యూటీ సీఎం అయిన పవన్ కళ్యాణ్‌తో పాటు, ఏపీ సినిమాటోగ్రఫీ మంత్రి కందుల దుర్గేష్, తెలంగాణ సినిమాటోగ్రఫీ మంత్రి కోమటిరెడ్డి వెంకట రెడ్డి, కర్ణాటక ఫారెస్ట్ మంత్రి ఈశ్వర్ ఖండ్రే వంటి ప్రముఖులు ఈ వేడుకకు ఆహ్వానితులుగా రానున్నారు. సినిమా రంగం నుండి రాజకీయ రంగానికి చేరిన పవన్ కళ్యాణ్‌ సినిమా ఫంక్షన్‌కు మరోసారి జనసేన నేతగా కాకుండా హీరోగా రావడం అభిమానులను మరింత ఉత్సాహపరిచింది.

Amaravati : ఆగస్టు 15న అమరావతిలో తొలి శాశ్వత భవనం ప్రారంభం!

సినీ రంగానికి సంబంధించి కూడా ఈ ఈవెంట్‌ ఘనంగా జరుగనుంది. ప్రత్యేకంగా ఎస్.ఎస్. రాజమౌళి, త్రివిక్రమ్ శ్రీనివాస్ వంటి దిగ్గజులు హాజరుకానున్నారు. కాగా మెగాస్టార్ చిరంజీవి వస్తారని ప్రచారం జరిగినా, ఆయన రాకపై స్పష్టత లేదు. వీరమల్లు హీరోయిన్ నిధి అగర్వాల్, దర్శకుడు జ్యోతికృష్ణ, నిర్మాత ఏయం రత్నం, సంగీత దర్శకుడు ఎంఎం కీరవాణి తదితర చిత్రబృందం సభ్యులు ఈ వేడుకలో పాల్గొంటారు. వేడుక స్థలం హైదరాబాద్‌ శిల్పకళావేదిక, మరియు ఈవెంట్‌ నిర్వహణ బాధ్యతలు యూవీ మీడియా తీసుకున్నారు.

ఈ వేడుకకు పాసులు ఉన్న అభిమానులు మాత్రమే అనుమతించబడతారు. గతంలో జరిగిన అనుభవాలను పరిగణనలోకి తీసుకొని చిత్రబృందం భద్రతా ఏర్పాట్లలో నిర్లక్ష్యం లేకుండా ముందస్తు జాగ్రత్తలు తీసుకుంది. పవన్ కళ్యాణ్‌ను ప్రత్యక్షంగా చూడాలన్న అభిమానుల ఉత్సాహం ఎక్కువగా ఉండటంతో, పాసులు లేకుండా రావద్దని స్పష్టంగా తెలియజేశారు. అభిమానులు శాంతియుతంగా వ్యవహరించి ఈ వేడుకను విజయవంతం చేయాలని చిత్రబృందం కోరుతోంది.

WTC Final: 2031 వ‌ర‌కు అక్క‌డే.. డ‌బ్ల్యూటీసీ ఫైన‌ల్ వేదిక‌ను ప్ర‌క‌టించిన ఐసీసీ!

Follow us