కలెక్షన్ల సునామీ.. రూ.1,000 కోట్ల దిశగా ‘ధురంధర్’
రణ్వీర్ సింగ్ నటించిన 'ధురంధర్' సినిమా కలెక్షన్ల సునామీ సృష్టిస్తోంది. ప్రపంచవ్యాప్తంగా 3 వారాల్లో రూ.925 కోట్ల (గ్రాస్)ను సాధించింది. రెండుమూడు రోజుల్లో రూ.వెయ్యి కోట్ల మార్క్ చేరనున్నట్లు బాలీవుడ్ వర్గాలు చెబుతున్నాయి
- Author : Sudheer
Date : 24-12-2025 - 3:36 IST
Published By : Hashtagu Telugu Desk
- ధురంధర్ లేటెస్ట్ కలెక్షన్స్ రిపోర్ట్
- యానిమల్ కలెక్షన్స్ క్రాస్
రణవీర్ సింగ్ ఖాతాలో అరుదైన విజయం
రణవీర్ సింగ్ పవర్ఫుల్ పర్ఫార్మెన్స్తో తెరకెక్కిన ‘ధురంధర్’ బాక్సాఫీస్ వద్ద వసూళ్ల ప్రభంజనం సృష్టిస్తుంది. విడుదలైన కేవలం మూడు వారాల్లోనే ప్రపంచవ్యాప్తంగా రూ. 925 కోట్ల గ్రాస్ వసూళ్లను సాధించి సరికొత్త చరిత్ర సృష్టించింది. ట్రేడ్ వర్గాల అంచనా ప్రకారం, మరో రెండు మూడు రోజుల్లోనే ఈ చిత్రం రూ. 1000 కోట్ల క్లబ్లో చేరడం ఖాయంగా కనిపిస్తోంది. ఈ భారీ వసూళ్లతో బాలీవుడ్ స్టార్ హీరోల సరసన రణ్వీర్ సింగ్ తన స్థానాన్ని మరింత సుస్థిరం చేసుకున్నారు.
Ranveer Dhurandhar
కలెక్షన్ల పరంగా చూస్తే, ఈ చిత్రం ఇప్పటికే బ్లాక్ బస్టర్ హిట్ అయిన ‘యానిమల్’ (రూ. 917 కోట్లు) రికార్డులను అధిగమించి, భారతీయ సినిమా చరిత్రలో అత్యధిక వసూళ్లు సాధించిన చిత్రాల జాబితాలో 9వ స్థానానికి చేరుకుంది. మాస్ ఆడియన్స్తో పాటు క్లాస్ ప్రేక్షకులను కూడా ఆకట్టుకోవడంతో, థియేటర్ల వద్ద వసూళ్ల వర్షం కురుస్తోంది. సినిమాలోని యాక్షన్ సన్నివేశాలు మరియు రణ్వీర్ మేనరిజమ్స్ ప్రేక్షకులను విశేషంగా అలరిస్తుండటమే ఈ స్థాయి విజయానికి ప్రధాన కారణం.
ప్రస్తుతం ఉన్న జోరును బట్టి చూస్తే, భారతీయ సినిమా రికార్డులను తిరగరాసిన కేజీఎఫ్-2, జవాన్, పఠాన్, కల్కి వంటి భారీ చిత్రాల లైఫ్ టైమ్ కలెక్షన్లను కూడా ‘ధురంధర్’ బ్రేక్ చేసే అవకాశం ఉందని సినీ విశ్లేషకులు భావిస్తున్నారు. లాంగ్ రన్ కొనసాగితే, ఈ చిత్రం మరిన్ని కొత్త మైలురాళ్లను అధిగమించి టాప్ 5 స్థానాల వైపు దూసుకెళ్లే అవకాశం ఉంది. రానున్న రోజుల్లో ఈ సినిమా ఎన్ని సంచలనాలు సృష్టిస్తుందో చూడాలి.
Follow us
