రవితేజ జోరు మాములుగా లేదు.. ‘ధమాకా’ ఫస్ట్ షెడ్యూల్ కంప్లీట్!

రవితేజ అంటే మాస్ మహారాజనే కాదు.. యంగ్ అండ్ ఎనర్జిటిక్ కూడా. వయసు మీద పడుతున్నా.. యంగ్ హీరోల్లో పోటీపడుతూ ‘తగ్గేదేలే’ అంటూ దూసుకుపోతున్నాడు. తెర మీద ఎంత ఎనర్జిటిగ్ ఉంటాడో, తెర వెనుక కూడా తాను అంతే స్పీడ్ అంటూ నిరూపించుకుంటున్నాడు. ప్రస్తుతం ఒకేసారి మూడు భారీ బడ్జెట్ ఎంటర్‌టైనర్‌లతో బిజీగా ఉన్నారు. ప్రస్తుతం ఆయన చేతిలో ‘ఖిలాడీ’, ‘రామారావు ఆన్ డ్యూటీ’ చిత్రాలతో పాటు ‘ధమాకా’ అనే ప్రాజెక్ట్ కూడా ఉంది. ఇందులో ఖిలాడీ, రామారావు ఆన్ డ్యూటీ చిత్రాలు రెండూ షూటింగ్ పూర్తయ్యే దశలో ఉండగా, ఆయన ఇటీవల ప్రకటించిన ‘ధమాకా’ చిత్రం షూటింగ్ జరుగుతోంది. అయితే ఈ మధ్యనే సినిమా షూటింగ్ ను ప్రారంభించిన ‘ధమాకా’ చూస్తుండగానే మొదటి షెడ్యూల్ పూర్తి చేసుకుంది. దీనికి కారణం హీరో రవితేజనే అని చెప్పక తప్పదు. చాలా తక్కువ టైమ్ లో ఫస్ట్ షెడ్యూల్ ను కంప్లీట్ చేశాడు.

Here’s the first look! #Dhamaka

Wishing you and your family a happy Dussehra😊 pic.twitter.com/oU0myUJqb8

— Ravi Teja (@RaviTeja_offl) October 15, 2021

 

‘ధమాకా’లో రవితేజ ‘పెళ్లి సందడి’ ఫేమ్ బ్యూటీ శ్రీ లీలతో రొమాన్స్ చేస్తున్నాడు. ఈ సినిమా మాస్ యాక్షన్ ఎంటర్‌టైనర్‌గా రూపొందుతోంది. దీనికి త్రినాధరావు నక్కిన దర్శకత్వం వహిస్తున్నారు. టిజి విశ్వ ప్రసాద్, అభిషేక్ అగర్వాల్ సంయుక్తంగా ఈ ప్రాజెక్టును నిర్మిస్తున్నారు. భీమ్స్ సిసిరోలియో సౌండ్‌ట్రాక్ కంపోజ్ చేస్తున్నాడు. తాజాగా మూవీకి సంబంధించి సెట్స్ ఫోటో ఒకటి విడుదల చేశారు. క్రాక్ మూవీలో శక్తివంతమైన ప్రాతలో నటించిన రవితేజ, ఆ తర్వాత రాబోయే సినిమాల్లో పవర్ ఫుల్ పాత్రలతో మెప్పించనున్నాడు.

తారాగణం: రవితేజ

సాంకేతిక సిబ్బంది:

రచయిత, దర్శకుడు: త్రినాధరావు నక్కిన

నిర్మాతలు: టిజి విశ్వ ప్రసాద్

బ్యానర్లు: పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్

సహ నిర్మాత: వివేక్ కూచిభొట్ల

కథ, మాటలు: ప్రసన్న కుమార్ బెజవాడ

సంగీత దర్శకుడు: భీమ్స్ సిసిరోలియో

సినిమాటోగ్రఫీ: కార్తీక్ ఘట్టమనేని

ప్రొడక్షన్ డిజైనర్: శ్రీనాగేంద్ర తంగాల

పీఆర్ఓ: వంశీ శేఖర్