Devara : దేవర 10 డేస్ కలెక్షన్స్ ..ఎన్టీఆరా..మజాకా

బాక్స్ ఆఫీస్ వద్ద దేవర (Devara) వసూళ్ల ప్రభంజనం సృష్టిస్తుంది. ప్రస్తుతం సినిమా కు హిట్ టాక్ వస్తే తప్ప ప్రేక్షకులు , అభిమానులు థియేటర్ కు వెళ్లి సినిమా చూడడం లేదు..అలాగే ఇంటర్ నెట్ లో సినిమా రిలీజ్ రోజే మంచి క్వాలిటీ తో సినిమా ప్రింట్ వస్తుండడంతో థియేటర్ కు వెళ్లి వందలు ఖర్చు పెట్టుకొని సినిమా చూసే బదులు ఫోన్లలోనే సినిమా చూస్తే అయిపోద్ది కదా అని చెప్పి చాలామంది థియేటర్ వైపే చూడడం లేదు. ఇలాంటి ఈ పరిస్థితుల్లో కూడా ఎన్టీఆర్ దేవర బాక్స్ ఆఫీస్ వద్ద వసూళ్ల సునామి సృష్టించడం..అది కూడా నెగిటివ్ టాక్ తో..అందర్నీ ఆశ్చర్య పరుస్తుంది.

దాదాపు ఆరేళ్ల తర్వాత ఎన్టీఆర్ నుండి వచ్చిన మూవీ దేవర. ఎన్టీఆర్ – కొరటాల శివ (NTR – Koratala Shiva) కాంబినేషన్ లో భారీ అంచనాలతో తెరకెక్కిన ఈ సినిమాను యువ సుధ ఆర్ట్స్, ఎన్టీఆర్ ఆర్ట్స్ కలిసి నిర్మించాయి. తారక్ తో జాన్వి కపూర్ జత కట్టగా సైఫ్ అలీ ఖాన్ విలన్ గా నటించారు. అనిరుద్ రవిచంద్రన్ మ్యూజిక్ అందించిన ఈ సినిమా టీజర్, ట్రైలర్ అంచనాలు పెంచాయి. దీంతో సినిమా ఏ రేంజ్ లో ఉంటుందో అని అభిమానులు ఎదురుచూసారు. కానీ శివ మాత్రం అందరి అంచనాలు తలకిందులు చేసాడు. కథ – కథనం కొత్తగా లేకపోవడం..నిడివి కూడా ఎక్కువగా ఉండడం తో బోర్ ఫీల్ అయ్యారు. మొదటిరోజే అభిమానుల నుండి నెగిటివ్ టాక్ వచ్చింది. మొదటి రోజు వచ్చిన ఈ టాక్ తో మేకర్స్ ఖంగారు పడ్డారు. ఈ టాక్ ఫలితం కలెక్షన్ల పై ఏ రేంజ్ ప్రభావం చూపుతుందో అని అనుకున్నారు. కానీ టాక్ తో సంబంధం లేకుండా వసూళ్లు రాబోతుండడం తో అంత హ్యాపీ గా ఉన్నారు. ముఖ్యంగా దసరా సెలవులు ఉండడం తో థియేటర్స్ జనాలతో కళాకలాడుతున్నాయి. ఈ చిత్రానికి పది రోజుల్లో రూ.466 కోట్లు వచ్చినట్లు మేకర్స్ ప్రకటిస్తూ ఓ పోస్టర్ రిలీజ్ చేశారు. కాగా, ఈ శుక్రవారం కొత్త సినిమాలు విడుదల కానుండగా థియేటర్లు తగ్గే అవకాశం ఉందని సినీవర్గాలు చెబుతున్నాయి.

Read Also : Raashi Khanna : చూపుల అందాల వలతో కుర్రాళ్లను ఆకట్టుకుంటున్న రాశి ఖన్నా