Kalki 2898 AD : కల్కి టీం కు షాక్ ఇచ్చిన దీపిక..నెక్స్ట్ ఎవరు..?

Deepika Kalki 2

కల్కి టీం కు దీపికా షాక్ ఇచ్చింది. “కల్కి 2898 AD” సీక్వెల్‌(Kalki 2898 AD Sequel)లో హీరోయిన్ దీపికా పాదుకోణ్ (Deepika padukone) భాగస్వామ్యం ఉండదని నిర్మాణ సంస్థ తెలిపింది. మొదటి భాగంలో ‘సుమతి’ పాత్రలో కనిపించిన దీపికా.. కథలో కీలకంగా నిలిచింది. ఆ పాత్రలో ఆమె గర్భిణీగా ఉండి, విశ్వవిఖ్యాతంగా చెప్పబడిన కల్కి అవతారానికి తల్లి అవుతుందని చూపించడం ద్వారా సినిమా భావోద్వేగానికి అడ్డం వేసింది. అందుకే సీక్వెల్‌లో ఆమె పాత్ర మరింత బలంగా ఉంటుందని అభిమానులు భావించారు. అయితే, నిర్మాతలు దీపికా వైదొలిగిన విషయాన్ని ధృవీకరించడం అభిమానుల్లో చర్చనీయాంశమైంది.

Heavy Rain : రాయలసీమలో కుండపోత వర్షం – రికార్డు స్థాయిలో వర్షపాతం

ఇది వరుసగా రెండోసారి దీపికా ఒక పెద్ద తెలుగు ప్రాజెక్ట్ నుండి తప్పుకోవడం గమనార్హం. ముందుగా సందీప్ రెడ్డి వంగా దర్శకత్వంలో రూపుదిద్దుకుంటున్న “స్పిరిట్” చిత్రంలోనూ ఆమె వైదొలిగింది. ఆ స్థానంలో త్రిప్తి డిమ్రిని ఎంపిక చేశారు. ఆ సమయంలో వంగా దీపికాపై తీవ్ర విమర్శలు గుప్పించారు. ఆమె ‘డర్టీ పీఆర్ గేమ్స్’ ఆడుతోందని, యువ నటిని కించపరుస్తూ కథనాన్ని తారుమారు చేయాలని చూశిందని ఆరోపించారు. అయితే దీపికా ఆ విమర్శలకు ఎలాంటి ప్రతిస్పందన ఇవ్వలేదు. పరిశ్రమలో వచ్చిన అనధికారిక కథనాల ప్రకారం, భారీ పారితోషికం, ఎనిమిది గంటల పని సమయం, లాభాల్లో వాటా వంటి డిమాండ్ల కారణంగానే ఈ వివాదాలు చెలరేగాయని ప్రచారం జరిగింది.

ఇక “కల్కి 2″లో దీపికా స్థానంలో ఎవరిని తీసుకుంటారన్న అంశంపై ఊహాగానాలు జోరందుకున్నాయి. ప్రబాస్, అమితాబ్ బచ్చన్, కమల్ హాసన్ వంటి దిగ్గజాలతో తెరకెక్కుతున్న ఈ ప్రాజెక్ట్‌పై దేశవ్యాప్తంగా ఆసక్తి నెలకొని ఉంది. నాగ్ అశ్విన్ దర్శకత్వం వహిస్తున్న ఈ భవ్యమైన మైథో-సైఫై ప్రాజెక్ట్‌లో సుమతి పాత్రను కొత్త నటి ఎలా మలుస్తారన్నది చూడాలి. దీపికా లేని లోటును తీర్చగలిగేంత శక్తివంతమైన నటన చూపగల హీరోయిన్ ఎంపిక అవుతుందా అన్నది సినీ ప్రేక్షకుల సందేహం.

Follow us