Chiru Vs Balaiah: సంక్రాంతి రేసులో చిరంజీవి, బాలయ్య.. హిట్ కొట్టెదేవరు!
సంక్రాంతి పండుగ అంటే కొళ్లపందాలు.. గాలిపటాలు మాత్రమే కాదు. బాక్సాఫీస్ వద్ద దుమ్మురేపే సినిమాలు కూడా.
- By Balu J Published Date - 03:54 PM, Fri - 14 October 22
సంక్రాంతి పండుగ అంటే కోళ్లపందాలు.. గాలిపటాలు మాత్రమే కాదు. బాక్సాఫీస్ వద్ద దుమ్మురేపే సినిమాలు కూడా. అందుకే టాలీవుడ్ లో పెద్ద పెద్ద సినిమాలు సైతం సంక్రాంతికి రిలీజ్ అయ్యేలా ప్లాన్ చేసుకుంటాయి. చాలా మంది స్టార్స్ తమ సినిమాలను సంక్రాంతికి రిలీజ్ చేయడానికి ఆరు నెలల ముందే ప్లాన్ లో ఉంటారు. ఇక వచ్చే ఏడాది సంక్రాంతికి వస్తే నందమూరి బాలకృష్ణ తన రాబోయే చిత్రం NBK107 మూవీ కోసం సంక్రాంతి రేసులో నిలుస్తున్నారు. ఇప్పటికే ఈ మూవీ శరవేగంగా షూటింగ్ జరుపుకుంటోంది. అయితే నిర్మాతలు ఇంకా విడుదల తేదీని ప్రకటించలేదు. కానీ బాలయ్య సంక్రాంతికి సినిమాలు రిలీజ్ చేయాలని ఆసక్తితో ఉన్నాడు.
ఆశ్చర్యకర విషయం ఏమిటంటే.. మెగా154తో సంక్రాంతి బరిలో నిలిచేందుకు టాలీవుడ్ గాడ్ ఫాదర చిరంజీవి కూడా సిద్ధమవుతున్నాడు. సినిమా డబ్బింగ్ పనులు ప్రారంభమయ్యాయని, వచ్చే సంక్రాంతికి విడుదల చేయడానికి సిద్ధంగా ఉన్నామని చిత్ర నిర్మాతలు అఫీషియల్ అనౌన్స్ మెంట్ ఇచ్చేందుకు రెడీ అవుతున్నారు. ఇద్దరు సీనియర్ హీరోలు సంక్రాంతి రేసులో ఉండటం మరింత ఆసక్తిని రేపుతోంది. ఇప్పటికే గాడ్ ఫాదర్ సక్సెస్ ఫామ్ లోకి వచ్చిన చిరు మరో హిట్ కొడతారని చిరు అభిమానులు పేర్కొంటుండగా, సంక్రాంతి అంటే బాలయ్యకు సెంటిమెంట్ అని.. సంక్రాంతిలో బాలయ్య సక్సెస్ కొట్టడం ఖాయమని నందమూరి అభిమానులు ధీమా తో ఉన్నారు. సంక్రాంతి బరిలో హిట్ కొట్టెదెవరు సాధారణ ప్రేక్షకులు ఆసక్తిగా ఎదురుచూస్తున్నారు.
Related News
Yamudiki Mogudu : 36ఏళ్ళ ‘యముడికి మొగుడు’.. ఇప్పటి హీరో తండ్రే ఆ సినిమా దర్శకుడు..
36ఏళ్ళు పూర్తి చేసుకున్న 'యముడికి మొగుడు'. ఈ ఇండస్ట్రీ హిట్ సినిమాని డైరెక్ట్ చేసింది ఆ హీరో తండ్రి అన్న విషయం మీకు తెలుసా..?