Chiranjeevi Numerology: న్యూమరాలజీలో ‘చిరు’ లక్!

టాలీవుడ్ హీరోలకు సెంటిమెంట్స్ కొత్తేమీ కాదు. పలానా తేదీకి సినిమాకు కొబ్బరికాయ కొట్టాలని, సినిమా టైటిల్స్ కూడా పలానా అక్షరంతో మొదలుకావాలని బలంగా నమ్ముతుంటారు. అంతేకాదు.. తమ పేర్లను కూడా మార్చుకోవడానికి ఏమాత్రం వెనుకాడరు. మెగా హీరో సాయిధరమ్ తేజ్ తన కెరీర్‌ ఎదుగుదల కోసం ‘సాయి తేజ్‌’గా పేరు మార్చుకున్నాడు. దర్శకుడు మారుతీ కూడా తన పేరును ‘మారుతి’గా మార్చుకుని విజయాలు సాధించాడు.

ఇది నిజంగా న్యూమరాలజీ ప్రభావమా లేక కేవలం యాదృచ్చికమా అనేది ఎవరికీ తెలియదు. కానీ వారి పేర్ల స్పెల్లింగ్ మార్పు వారి జీవితాలను మారుస్తుందని నమ్మేవారు చాలా మంది ఉన్నారు. అయితే ఇప్పుడు వెండితెరపై అజేయంగా వెలుగొందుతున్న మెగాస్టార్ చిరంజీవి తన పేరు లో మరో అక్షరం చేర్చారు.  తాజాగా విడుదలైన గాడ్‌ఫాదర్‌ ఫస్ట్‌లుక్‌లో స్పష్టంగా కనిపిస్తుంది. సైరా, ఆచార్య పరాజయాల తర్వాత మెగా స్టార్ న్యూమరాలజీ బాట పట్టాడని ఇండస్ట్రీలో అనేక చర్చలు జరుగుతున్నాయి.