BRO Trailer : ఈ థియేటర్స్ లలో ‘బ్రో’ ట్రైలర్ ను ప్రదర్శించబోతున్నారు

పవర్ స్టార్ పవన్ కళ్యాణ్ , సాయి ధరమ్ తేజ్ ప్రధాన పాత్రల్లో సముద్రఖని డైరెక్ట్ చేసిన మూవీ బ్రో (BroTheAvatar ). మామా అల్లుళ్లు ఫస్ట్ టైం కలిసి నటిస్తున్న ఈ మూవీ జులై 28న వరల్డ్ వైడ్ గా భారీ ఎత్తున రిలీజ్ కాబోతుంది. ఈ మూవీ ని ఎప్పుడెప్పుడా చూద్దామా అని ఫ్యాన్స్ ఆతృతగా ఎదురు చూస్తున్నారు. ఇప్పటీకే విడుదలై సాంగ్స్ , స్టిల్స్ , మేకింగ్ సినిమా ఫై ఆసక్తి పెంచాయి. ఇక రేపు ఈ చిత్ర ట్రైలర్ (Bro Trailer)విడుదల కాబోతుంది.

ఈ ట్రైలర్ కోసం ఫ్యాన్స్ ఎంతగానో ఎదురు చూస్తున్నారు.ఈ ట్రైలర్ (BroTheAvatar ) ని రేపు రెండు తెలుగు రాష్ట్రాల్లో ఉన్న పలు థియేటర్స్ లో గ్రాండ్ గా విడుదల చేయబోతున్నారు. ప్రస్తుతానికి కొన్ని థియేటర్స్ లిస్ట్ బయటకు వచ్చింది. ఆ లిస్ట్ చూస్తే..హైదరాబాద్ లోని ఆర్టీసీ క్రాస్ లో ఉండే దేవి 70 ఏంఏం , అలాగే వైజాగ్ లో జగదాంబ థియేటర్, గుంటూరు లో భాస్కర్ థియేటర్, భీమవరం లో విజయలక్ష్మి థియేటర్, తెనాలి లో సంగమేశ్వరా థియేటర్స్ లలో ట్రైలర్ ను ప్రదర్శిస్తారట. వీటితో పాటు మరికొన్ని థియేటర్స్ లలో రిలీజ్ చేయబోతున్నారు. కాకపోతే ఆ థియేటర్స్ ఏంటి అనేది తెలియాల్సి ఉంది. గతంలో పవన్ కళ్యాణ్ హీరో గా నటించిన ‘వకీల్ సాబ్’ సినిమాకి ఇలాగే చేసారు. ఇక ఇప్పుడు అలాగే చేయబోతున్నారు.

ఇక ఈ మూవీ టికెట్స్ (Bro Movie Tickets) ధరల ఫై కూడా నిర్మాత టీజీ విశ్వప్రసాద్ క్లారిటీ ఇచ్చారు. మూవీ ని పరిమిత బడ్జెట్ లోనే తీశామని , అందుకే ఈ మూవీ టికెట్ల ధరను పెంచకూడదని నిర్ణయించినట్లు తెలిపాడు. ఈ మధ్య కాలంలో ఏ పెద్ద హీరో, భారీ బడ్జెట్ సినిమాలు రిలీజైనా టికెట్ల ధరలను భారీగా పెంచుతున్నారు. కనీసం తొలి వారం రోజుల పాటు పెరిగిన టికెట్ల ధరలు అమల్లో ఉంటున్నాయి. బ్రో మూవీ మేకర్స్ మాత్రం ప్రస్తుత ధరలకే సినిమాను రిలీజ్ చేస్తున్నారు. ఈ మూవీ లో కేతికా శర్మ, ప్రియా ప్రకాశ్ వారియర్ హీరోయిన్స్ గా నటించగా , తమన్ మ్యూజిక్ అందించాడు. తమిళంలో వచ్చిన వినోదాయ సిద్ధం మూవీకి ఈ బ్రో తెలుగు రీమేక్.

Read Also : Baby : విశ్వక్ సేన్ కౌంటర్ ఇచ్చింది బేబీ డైరెక్టర్‌ కేనా..?