Bigboss 9: బిగ్ బాస్ 9 సీజన్ సెప్టెంబర్‌లో స్టార్ట్.. హోస్ట్‌గా మళ్లీ నాగార్జుననే ఫిక్స్

Bigboss 9

Bigboss 9: తెలుగు బుల్లితెరపై ప్రేక్షకులను ఉర్రూతలూగించిన బిగ్ బాస్ రియాలిటీ షో మరోసారి సందడి చేయడానికి సిద్ధమవుతోంది. ఇప్పటికే ఎనిమిది సీజన్లను విజయవంతంగా పూర్తి చేసుకున్న బిగ్ బాస్‌ షో, తొమ్మిదో సీజన్‌తో మరింత అంచనాలను సృష్టిస్తోంది. తాజా సమాచారం ప్రకారం, బిగ్ బాస్ సీజన్ 9 ఈ సంవత్సరం సెప్టెంబర్ మొదటి వారంలో ప్రారంభం కానుంది.

ఇటీవల విడుదలైన ప్రోమోలో హోస్ట్ అక్కినేని నాగార్జున తన స్టైల్‌లో మళ్లీ ఎంట్రీ ఇస్తూ, “ఆటలో అలుపు వచ్చినంత సులువుగా గెలుపు రాదు… గెలుపు రావాలంటే యుద్ధం సరిపోదు, ప్రభంజనం సృష్టించాలి… ఈసారి చదరంగం కాదు రణరంగం!” అంటూ డైలాగ్‌తో హైప్ పెంచాడు. ఈ ప్రోమోతో నాగార్జునే మరోసారి హోస్ట్‌గా కొనసాగనున్నట్టు స్పష్టమైంది. ముందు విజయ్ దేవరకొండ, బాలకృష్ణ వంటి పేర్లు చర్చలోకి వచ్చినా, చివరికి మేకర్స్ నాగార్జునపైనే మళ్లీ నమ్మకం పెట్టుకున్నారు.

సీజన్ 9లో కనిపించనున్న కొత్త ముఖాలు?

ఈ సీజన్‌కు సంబంధించి కంటెస్టెంట్లపై ఇప్పటికే భారీ స్థాయిలో ఊహాగానాలు మొదలయ్యాయి. ‘కిర్రాక్ బాయ్స్ కిలాడీ గర్ల్స్ సీజన్ 2’, ‘కూక్ విత్ జాతిరత్నాలు’ వంటి షోలలో పాల్గొన్న వారిలో కొంతమంది బిగ్ బాస్ హౌస్‌లోకి ఎంట్రీ ఇవ్వనున్నట్టు సమాచారం. అలాగే సోషల్ మీడియాలో వివాదాస్పదంగా నిలిచిన సెలబ్రిటీలు, ఇన్‌ఫ్లుఎన్సర్లు కూడా ఈసారి బిగ్ బాస్ షోలో చోటు దక్కించుకునే అవకాశం ఉన్నట్లు టాక్.

‘బమ్ చిక్ బబ్లూ’, ‘పికిల్స్ ఫేమ్ రమ్య (అలేఖ్య చిట్టి)’ వంటి పాపులర్ సెలబ్రిటీలను బిగ్ బాస్ టీం సంప్రదించినట్టు వార్తలు వినిపిస్తున్నాయి. ఇకపోతే, గత సీజన్‌లో ఫేమ్ అయిన ప్రేరణ కంభం ఈసారి ‘బిగ్ బాస్ బజ్’ అనుబంధ షోకు హోస్ట్‌గా కనిపించే అవకాశముంది.

ఇటీవల ప్రోమోతో షోపై అంచనాలు భారీగా పెరిగిన సంగతి తెలిసిందే. కంటెస్టెంట్ల పూర్తి లిస్ట్ అధికారికంగా విడుదలయ్యే వరకూ ఈ ఆసక్తికరమైన వార్తల మాలిక కొనసాగుతూనే ఉంటుంది. మొత్తంగా బిగ్ బాస్ 9 మరింత గ్రాండ్‌గా, యువతను ఆకట్టుకునే ఫార్మాట్‌తో బుల్లితెరపై కొత్త సంచలనం సృష్టించేందుకు సిద్ధంగా ఉంది.

Tigers : కర్ణాటకలో దారుణం.. వన్యప్రాణులపై విషప్రయోగం

Follow us