A Prostitute Story : ఆస్కార్‌లో ‘పంచ్’ విసిరిన వేశ్య కథ.. ‘అనోరా’ స్టోరీ ఇదీ

A Prostitute Story : ఆస్కార్‌ 2025 అవార్డుల్లో అమెరికా మూవీ  ‘అనోరా’ (Anora) హవా వీచింది. ఈ సినిమా ఏకంగా ఐదు కేటగిరీల్లో అవార్డులను కైవసం చేసుకుంది.   ఉత్తమ మూవీ, ఎడిటింగ్‌, స్క్రీన్‌ ప్లే, దర్శకుడు, ఉత్తమ నటి విభాగాల్లో అనోరా విజయపతాకం ఎగరేసింది. ఈ మూవీ స్టోరీ ఒక వేశ్యకు సంబంధించింది. ఇంతకీ ఈ స్టోరీలో ఉన్న మస్త్ మసాలా ఏమిటి ? ఈ కథనంలో తెలుసుకుందాం..

Also Read :Galwan Clash: భారత సైనికుల దెబ్బతో కోమాలోకి.. ఆ చైనీయుడికి వరుస సత్కారాలు

అనోరా మూవీ స్టోరీ

• అనోరా సినిమా ఒక రొమాంటిక్‌ కామెడీ డ్రామా.
• ‘అని’ అనే పేరు కలిగిన 23 ఏళ్ల వేశ్య చుట్టూ ఈ సినిమా కథ తిరుగుతుంది.
• న్యూయార్క్ పరిధిలోని బ్రూక్లిన్‌లో ‘అని’ నివసిస్తుంటుంది.
• వేశ్య వృత్తి చేయడం అమెరికాలో లీగల్.
• వేశ్య పనిలో భాగంగా ‘అని’..  వాన్య అనే వ్యక్తిని కలుస్తుంది. వాన్య ఒక రష్యన్‌ ఓలిగార్క్‌ కుమారుడు. ఓలిగార్క్ అంటే బాగా సంపన్నుడు.
•  అనిపై వాన్య ప్రేమను పెంచుకుంటాడు. రహస్యంగా ఆమెను పెళ్లి చేసుకుంటాడు.
• ఈ పెళ్లిపై అంతటా చర్చ జరుగుతుంది. చివరకు రష్యాలో ఉండే వాన్య తల్లిదండ్రులకు ఈవిషయం తెలుస్తుంది.
• ‘‘మా కొడుకు అమాయకుడు. మాయమాటలు చెప్పి వాన్యను పెళ్లి చేసుకున్నావ్’’ అని  వాన్య తల్లిదండ్రులు అనిని నిందిస్తారు. తమ కొడుకును వదిలేస్తే 10 వేల డాలర్లు ఇస్తామంటారు.
• ఈ ఆఫర్‌కు అని ఎలా స్పందించింది ? అని జీవితం ఎలాంటి మలుపులు తిరిగింది? అనేది ఈ సినిమా స్టోరీలో ఉంటుంది.

Also Read :Medha Patkar : ‘మూసీ’ అలర్ట్.. హైదరాబాద్‌లో మేధాపాట్కర్.. అడ్డుకున్న పోలీసులు

మరెన్నో అవార్డులు

2024 అక్టోబర్‌ నెలలో అనోరా(A Prostitute Story) మూవీ విడుదలైంది. దాదాపు రూ.52 కోట్లతో ఈ సినిమా తీయగా, రూ.358 కోట్ల కలెక్షన్లు వచ్చాయి. 2024 మేలో జరిగిన కేన్స్‌ ఫిల్మ్‌ ఫెస్టివల్‌లో ‘పామ్ డి ఓర్’ అవార్డును ఈ మూవీ దక్కించుకుంది. 2024లో నేషనల్‌ బోర్డ్‌ ఆఫ్‌ రివ్యూ రూపొందించిన 10 అత్యుత్తమ చిత్రాల జాబితాలో ఇది చోటు దక్కించుకుంది. రెండు బ్రిటిష్‌ అకాడమీ ఫిల్మ్‌ అవార్డ్స్‌ను ఈ సినిమా టీమ్ అందుకుంది.

ఎక్కడ చూడాలి ?

అనోరా సినిమాను అమెజాన్‌ ప్రైమ్‌, యాపిల్‌ టీవీ+లో చూడొచ్చు. అద్దె ప్రాతిపదికన ఓటీటీ ప్లాట్‌ఫామ్‌లలో ఈ మూవీ లభిస్తుంది.