Kannappa : కన్నప్ప సెట్స్ లోకి అడుగుపెట్టిన అక్షయ్ కుమార్..

Akshay Kumar Entered Into Manchu Vishnu Kannappa Movie Sets

Kannappa : ఆంధ్రప్రదేశ్ శ్రీకాళహస్తి శివ క్షేత్రం చరిత్ర ఆధారంగా తెరకెక్కుతున్న మూవీ ‘కన్నప్ప’. మంచు విష్ణు ప్రధాన పాత్రలో నటిస్తున్న ఈ చిత్రాన్ని మోహన్ బాబు దాదాపు 150 కోట్ల భారీ బడ్జెట్ తో నిర్మిస్తున్నారు. బాలీవుడ్ దర్శకుడు ముఖేష్ కుమార్ సింగ్ ఈ చిత్రాన్ని భారీ తారాగణంతో తెరకెక్కిస్తున్నారు. సౌత్ టు నార్త్ స్టార్ కాస్ట్ ఈ సినిమాలో కనిపించబోతున్నారు.

ఇప్పటికే మోహన్ లాల్, శివరాజ్ కుమార్, మోహన్ బాబు, శరత్ కుమార్, ప్రభాస్, ముఖేష్ రుషి, బ్రహ్మానందం, నయనతార, మధుబాల, ప్రీతీ ముకుందన్, భాస్కరన్ ఐశ్వర్య.. వంటి భారీ తారాగణం ఈ మూవీలో భాగమయ్యారు. ఇప్పుడు తాజాగా బాలీవుడ్ స్టార్ హీరో కూడా ఈ సినిమా సెట్స్ లోకి అడుగుపెట్టారు. బాలీవుడ్ కా ఖిలాడీ అక్షయ్ కుమార్.. ఈ సినిమాలో ఓ ముఖ్య పాత్ర పోషించబోతున్నారు. ఇక ఈ పాత్రకి సంబంధించిన షూటింగ్ చేయడం కోసం అక్షయ్.. రీసెంట్ గా ఈ మూవీ సెట్స్ లోకి అడుగుపెట్టారు.

అక్షయ్ కుమార్ నటిస్తున్న మొదటి తెలుగు మూవీ ఇది. ఇక మొదటిసారి ఓ తెలుగు సినిమాలో నటించబోతున్న బాలీవుడ్ ఖిలాడీకి కన్నప్ప టీం గ్రాండ్ గా వెల్కమ్ పలికింది. అందుకు సంబంధించిన వీడియోని మంచు విష్ణు తన సోషల్ మీడియా ద్వారా షేర్ చేసారు. ప్రస్తుతం ఈ వీడియో నెట్టింట వైరల్ గా మారింది.

 

View this post on Instagram

 

A post shared by Vishnu Manchu (@vishnumanchu)

కాగా గతంలో రెబల్ స్టార్ కృష్ణంరాజు కన్నప్ప స్టోరీతో ‘భక్త కన్నప్ప’ అనే సినిమాని తెలుగు ఆడియన్స్ ముందుకు తీసుకు వచ్చారు. అప్పటిలో ఆ సినిమా ప్రభంజనం సృష్టించింది. తెలుగు సినిమా చరిత్రలో ఓ క్లాసిక్ గా నిలిచిపోయింది. ఆ తరువాత ఆ సినిమాని మళ్ళీ రీమేక్ చేద్దామని చాలామంది ట్రై చేసినా.. అది కార్యరూపం దాల్చలేదు. ఇన్నాళ్ల తరువాత మంచి విష్ణు ఆ కథని మళ్ళీ రీమేక్ చేస్తున్నారు. మరి భక్త కన్నప్పని ఈ కన్నప్ప మెప్పిస్తుందా లేదా చూడాలి.

Also read : Charlie Chaplin Birthday Today : మాట్లాడకుండా ..పొట్టచెక్కలు చేస్తాడు

Follow us