Pawan Kalyan : పవన్ కళ్యాణ్ కు ఘోర అవమానం !!

Pawan Kalyan Ustaad Bhagat

టాలీవుడ్ పవర్ స్టార్ పవన్ కళ్యాణ్ నటించిన ‘ఉస్తాద్ భగత్ సింగ్’ విడుదల విషయంలో నిర్మాతలు తీసుకున్న నిర్ణయం ఇప్పుడు చర్చనీయాంశంగా మారింది. ‘టాక్సిక్’ సినిమా వాయిదా పడటంతో, డిస్ట్రిబ్యూటర్ల ఒత్తిడి మేరకు ఉగాది కానుకగా మార్చి 19న ఈ చిత్రాన్ని ప్రేక్షకుల ముందుకు తెచ్చారు. ఇతర భాషా చిత్రాల పోటీ ఉన్నప్పటికీ, తెలుగు రాష్ట్రాల్లో పవన్ కళ్యాణ్ క్రేజ్ ముందు మరే సినిమా నిలబడలేదని చిత్ర యూనిట్ గట్టిగా నమ్మింది. అందుకే రిస్క్ అని తెలిసినా, ఆఘమేఘాల మీద పోస్ట్ ప్రొడక్షన్ పనులు పూర్తి చేసి విడుదలకు సిద్ధం చేశారు. అయితే బాక్సాఫీస్ వద్ద వాస్తవ పరిస్థితులు మాత్రం చిత్ర యూనిట్ ఊహించిన దానికి భిన్నంగా కనిపించడం ట్రేడ్ వర్గాలను విస్మయానికి గురిచేస్తోంది.

ఈ పరిణామాల్లో ప్రధానంగా రెండు అంశాలు కీలకంగా మారాయి. ఒకటి ‘ఉస్తాద్ భగత్ సింగ్’ సినిమాపై అతిగా అంచనాలు పెట్టుకోవడం, రెండు ‘ధురంధర్: ది రివెంజ్’ ప్రభావాన్ని తక్కువ అంచనా వేయడం. ధురంధర్ మొదటి భాగం థియేటర్లలో మిస్ అయిన వారు సైతం ఓటీటీలో చూసి సీక్వెల్ మీద విపరీతమైన ఆసక్తిని పెంచుకున్నారు. దీని ఫలితంగా హైదరాబాద్ వంటి నగరాల్లోనే కాకుండా, బిసి సెంటర్లలో కూడా రణ్వీర్ సింగ్ సినిమాకు హౌస్ ఫుల్ బోర్డులు దర్శనమిచ్చాయి. డిమాండ్‌కు అనుగుణంగా కొన్ని చోట్ల ఉస్తాద్ షోలను తగ్గించి మరీ ధురంధర్ సినిమాకు థియేటర్లను కేటాయించాల్సి రావడం పవన్ కళ్యాణ్ సినిమాకు ఎదురైన అనూహ్య పరిణామం.

చివరగా, విడుదల తేదీ విషయంలో జరిగిన పొరపాటు వసూళ్లపై తీవ్ర ప్రభావం చూపింది. ఉగాది సీజన్‌ను సంక్రాంతి స్థాయిలో ఊహించుకోవడం, పైగా అది ఆదివారంతోనే ముగిసిపోవడం ‘ఉస్తాద్’కు మైనస్‌గా మారింది. ఒకవేళ మార్చి 26న సినిమాను విడుదల చేసి ఉంటే, పోటీ తగ్గి వసూళ్లు మెరుగ్గా ఉండేవనే అభిప్రాయం వ్యక్తమవుతోంది. అంచనాల త్రాసులో బరువు రాళ్లను సరిగ్గా పెట్టుకోకపోవడం వల్ల, భారీ హైప్ ఉన్న పవన్ సినిమాకు ఆశించిన స్థాయిలో ఓపెనింగ్స్ రాకపోగా, నెగిటివ్ డిబేట్లకు దారితీసింది. బాక్సాఫీస్ వద్ద ఎప్పుడూ ‘కంటెంట్’ మరియు ‘టైమింగ్’ రెండూ ముఖ్యమని ఈ ఉదంతం మరోసారి నిరూపించింది.

Follow us