Gemini TEA : మీ చాయ్‌లో రంగులు కలుస్తున్నాయా?: టీ కల్తీపై ‘టాటా టీ చక్ర గోల్డ్ జెమిని’ మెగా అవేర్‌నెస్ డ్రైవ్!

Gemini Tea

ఆంధ్రప్రదేశ్‌లో అత్యంత ఆదరణ పొందిన తేయాకు బ్రాండ్ ‘టాటా టీ చక్ర గోల్డ్ జెమిని’ వినియోగదారుల ఆరోగ్యంపై ప్రత్యేక దృష్టి సారించింది. మార్కెట్లో లభించే కొన్ని రకాల లూజ్ టీ పొడిలో కృత్రిమ రంగులు, ప్రమాదకర రసాయనాలు కలుస్తున్నాయనే వార్తలపై స్పందిస్తూ, ప్రజల్లో చైతన్యం తెచ్చేందుకు ఒక బృహత్తర అవగాహన కార్యక్రమాన్ని ప్రారంభించింది. టీ బోర్డ్ ఆఫ్ ఇండియా (Tea Board of India) జారీ చేసిన నివేదికల ప్రకారం.. నాసిరకం తేయాకుకు మంచి రంగు, మెరుపు తీసుకురావడం కోసం బిస్మార్క్ బ్రౌన్, పొటాషియం బ్లూ, పసుపు, ఇండిగో, మరియు ప్లంబాగో వంటి నిషేధిత రంగులను వాడుతున్నట్లు తేలింది. ఆహార భద్రతా నిబంధనల (FSSAI) ప్రకారం ఇవి పూర్తిగా చట్టవిరుద్ధం. ఇటువంటి రసాయన రంగుల వల్ల ప్రజారోగ్యం తీవ్రంగా దెబ్బతినే ప్రమాదం ఉందని హెచ్చరిస్తూ, సురక్షితమైన ప్యాకేజ్డ్ టీ వైపు వినియోగదారులు మొగ్గు చూపేలా ఈ ప్రచారాన్ని డిజైన్ చేశారు.

కల్తీ టీ పొడిని ఇంట్లోనే సులభంగా గుర్తించేందుకు టాటా టీ చక్ర గోల్డ్ జెమిని ఒక సరళమైన పద్ధతిని ప్రజల్లోకి తీసుకెళ్తోంది. ‘చల్లని నీటి పరీక్ష’ (Cold Water Test) గా పిలిచే ఈ విధానం ద్వారా కల్తీ లేని స్వచ్ఛమైన టీ పొడికి, రంగులు కలిపిన నాసిరకం పొడికి గల తేడాను సులభంగా తెలుసుకోవచ్చు. సాధారణంగా స్వచ్ఛమైన తేయాకు వేడి నీటిలో మరిగించినప్పుడే రంగు, రుచిని ఇస్తుంది, కానీ కృత్రిమ రంగులు కలిపిన పొడి చల్లని నీళ్లలో వేయగానే రంగును విడుదల చేస్తుంది. ఈ చిన్న పరీక్షపై అవగాహన కల్పించేందుకు ప్రతినిధులు నేరుగా రంగంలోకి దిగి, ఆంధ్రప్రదేశ్‌ వ్యాప్తంగా దాదాపు 30,000 కి పైగా కుటుంబాలను స్వయంగా కలిసి లైవ్ డెమోలు నిర్వహించారు. ఈ వినూత్న ప్రచారం ద్వారా గృహిణులు, టీ ప్రియులు తమ రోజువారీ చాయ్‌ స్వచ్ఛతను స్వయంగా పరీక్షించుకునే వీలు కలిగింది.

టాటా టీ కుటుంబానికి ఉన్న నమ్మకమైన చరిత్రను కొనసాగిస్తూ, చక్ర గోల్డ్ జెమిని వినియోగదారుల ఆరోగ్య రక్షణే పరమావధిగా ముందుకు సాగుతోంది. అస్సాంలోని బ్రహ్మపుత్ర నదీ లోయల్లో పండే అత్యుత్తమ, ప్రీమియం నాణ్యత గల తేయాకులతో ఈ టీని సిద్ధం చేస్తారు. ఎలాంటి కృత్రిమ రంగులు లేకుండా, పారదర్శకమైన పద్ధతుల్లో ప్యాక్ చేయడం వల్ల ఇది ఎల్లప్పుడూ సురక్షితమైనదిగా నిలుస్తోందని సంస్థ ప్రతినిధులు తెలిపారు. మార్కెట్లో లభించే లూజ్ టీ పొడి పట్ల అప్రమత్తంగా ఉండాలని, కేవలం ఐఎస్‌ఐ (ISI), ఎఫ్‌ఎస్‌ఎస్‌ఏఐ (FSSAI) గుర్తింపు పొందిన ప్యాకేజ్డ్ బ్రాండ్లను మాత్రమే ఎంచుకోవడం ద్వారా కుటుంబ ఆరోగ్యాన్ని కాపాడుకోవచ్చని ఈ కార్యక్రమం ద్వారా టాటా టీ చక్ర గోల్డ్ జెమిని బలమైన సందేశాన్ని ఇచ్చింది.

Follow us