Luxury Cars : అబ్బ.. ఉద్యోగులకు లగ్జరీ కార్లు గిఫ్ట్ ఇచ్చిన కంపెనీ! చాల గ్రేట్ కదా !!
రాష్ట్రంలోనే మొట్టమొదటి 'వూల్స్టాన్ గ్రీన్ మెటాలిక్' రంగు కలిగిన ఈ కారును ఒక సీనియర్ ఉద్యోగికి అందించారు. వీటితో పాటు ఆడి (Audi), మెర్సిడెస్ బెంజ్ (Mercedes-Benz), రేంజ్ రోవర్ స్పోర్ట్ (Range Rover Sport) వంటి అంతర్జాతీయ బ్రాండ్ల కార్లను కూడా పంపిణీ చేశారు.
- Author : Sudheer
Date : 16-02-2026 - 11:46 IST
Published By : Hashtagu Telugu Desk
Kerala’s Hi-Lite Group Gifts 47 Cars Including Land Rover Defender To Its Employees : కేరళకు చెందిన ప్రముఖ రియల్ ఎస్టేట్ మరియు హాస్పిటాలిటీ దిగ్గజం ‘హై-లైట్ (Hi-LITE) గ్రూప్’ తమ ఉద్యోగుల పట్ల చూపిన ఉదారత ఇప్పుడు దేశవ్యాప్తంగా చర్చనీయాంశమైంది. సంస్థ స్థాపించి 30 ఏళ్లు పూర్తయిన సందర్భాన్ని పురస్కరించుకుని, కంపెనీ ఎదుగుదలలో కీలక పాత్ర పోషించిన 47 మంది నిబద్ధత గల ఉద్యోగులకు యాజమాన్యం ఖరీదైన లగ్జరీ కార్లను బహుమతిగా ఇచ్చి సర్ప్రైజ్ చేసింది. కేవలం సాధారణ కార్లు మాత్రమే కాకుండా, కోట్లాది రూపాయల విలువైన బ్రాండెడ్ వాహనాలను కానుకగా ఇవ్వడం గమనార్హం.
ఈ బహుమతులలో అత్యంత ఆకర్షణీయమైనది రూ. 2 కోట్ల విలువైన ల్యాండ్ రోవర్ డిఫెండర్. కేరళ రాష్ట్రంలోనే మొట్టమొదటి ‘వూల్స్టాన్ గ్రీన్ మెటాలిక్’ రంగు కలిగిన ఈ కారును ఒక సీనియర్ ఉద్యోగికి అందించారు. వీటితో పాటు ఆడి (Audi), మెర్సిడెస్ బెంజ్ (Mercedes-Benz), రేంజ్ రోవర్ స్పోర్ట్ (Range Rover Sport) వంటి అంతర్జాతీయ బ్రాండ్ల కార్లను కూడా పంపిణీ చేశారు. సంస్థ చైర్మన్ పీ. సులైమాన్ మరియు సీఈఓ అజిల్ ముహమ్మద్ స్వయంగా ఈ కార్ల కీలను ఉద్యోగులకు అందజేస్తూ, తమ సిబ్బందిని కేవలం పనివారలలా కాకుండా తమ ‘కుటుంబ సభ్యులు’గా అభివర్ణించారు.
సాధారణంగా కంపెనీలు పండుగలకు బోనస్లు లేదా చిన్నపాటి బహుమతులు ఇస్తుంటాయి, కానీ ఇలా 10 కోట్ల రూపాయల కంటే ఎక్కువ విలువైన లగ్జరీ కార్లను ఒకేసారి గిఫ్ట్గా ఇవ్వడం కార్పొరేట్ రంగంలో అరుదైన విషయం. ఈ పరిణామం సోషల్ మీడియాలో వైరల్ కావడంతో నెటిజన్లు “బాస్ అంటే ఇలా ఉండాలి” అంటూ ప్రశంసల జల్లు కురిపిస్తున్నారు. ఉద్యోగుల కష్టాన్ని గుర్తించి గౌరవించే ఇలాంటి సంస్థలు ఇతర కంపెనీలకు కూడా స్ఫూర్తిదాయకంగా నిలుస్తాయని విశ్లేషకులు అభిప్రాయపడుతున్నారు.
Follow us
