JioHotstar : జియో హాట్స్టార్ సేవలు ప్రారంభం
JioHotstar : ఈ రెండు ప్రముఖ స్ట్రీమింగ్ సర్వీసులు కలిపి ఒక పెద్ద యూజర్ బేస్ను సృష్టించాయి
- Author : Sudheer
Date : 14-02-2025 - 1:26 IST
Published By : Hashtagu Telugu Desk
జియో సినిమా మరియు డిస్నీ+ హాట్స్టార్ సేవలు (Jiohotstar launch) ఇప్పుడు ఒకే సంస్థగా మారాయి. ఈ విలీనంతో జియో హాట్స్టార్ పేరుతో కొత్త సేవలు వినియోగదారులకు అందుబాటులోకి వచ్చాయి. ఈ రెండు ప్రముఖ స్ట్రీమింగ్ సర్వీసులు కలిపి ఒక పెద్ద యూజర్ బేస్ను సృష్టించాయి. రాబోయే కాలంలో ఈ సేవలు మరింత ప్రజాదరణ పొందుతాయి అని అంచనా వేయవచ్చు. గతంలో జియో సినిమా మరియు హాట్స్టార్ కోసం వేర్వేరు సబ్స్క్రిప్షన్ ప్లాన్లు ఉండేవి, అయితే ఇప్పుడు ఈ రెండు సేవలు ఒకే ప్లాన్లో కలవడం ద్వారా యూజర్లు మరింత సౌకర్యంగా కంటెంట్ను ఆస్వాదించవచ్చు.
జియో హాట్స్టార్ సేవలు మరియు సబ్స్క్రిప్షన్ ప్లాన్లు
జియో హాట్స్టార్ సేవలు రూ.149 నుండి ప్రారంభమవుతాయి. ఈ సబ్స్క్రిప్షన్ ప్లాన్ మొబైల్ ప్లాన్గా పిలువబడతుంది. ఇది మూడు నెలల వ్యాలిడిటీతో అందుబాటులో ఉంటుంది. అలాగే, ఏడాది పాటు సేవలు పొందాలనుకుంటే రూ.499లో ఈ ప్లాన్ సబ్స్క్రైబ్ చేసుకోవచ్చు. అయితే ఈ ప్లాన్లలో కంటెంట్ యాడ్స్తో ఉంటుంది. అలాగే ఒక్క మొబైల్లో మాత్రమే వీటి సేవలను చూడవచ్చు.
రెండు డివైజ్లలో స్ట్రీమింగ్ :
జియో హాట్స్టార్ ద్వారా మరిన్ని ప్లాన్లను ప్రకటించారు. 3 నెలల వ్యాలిడిటీతో రూ.299 ప్లాన్, 1 సంవత్సరానికి రూ.899 ప్లాన్ అందుబాటులో ఉన్నాయి. ఈ ప్లాన్లను ఎంచుకున్న వినియోగదారులు రెండు డివైజ్లలో కంటెంట్ను వీక్షించవచ్చు. మొబైల్, డెస్క్టాప్ లేదా టీవీ వంటి రెండు డివైజ్లలో స్ట్రీమింగ్ చేయడం వీలు పడుతుంది. ఈ ప్లాన్లు యాడ్స్తో కూడి ఉంటాయి.
ప్రీమియం ప్లాన్లు: యాడ్-ఫ్రీ ఎంటర్టైన్మెంట్
జియో హాట్స్టార్ ప్రీమియం ప్లాన్లు యాడ్స్ లేకుండా కంటెంట్ను చూడాలనుకునే వారికి అనుకూలంగా ఉన్నాయి. రూ.299తో నెలపాటు యాడ్స్ లేకుండా కంటెంట్ను ఆస్వాదించవచ్చు. 3 నెలల పథకం కోసం రూ.499, ఏడాది సబ్స్క్రిప్షన్ కోసం రూ.1499 పెరిగినట్లు ప్రకటించారు. ఈ ప్రీమియం ప్లాన్లు 4 డివైజ్లలో స్ట్రీమింగ్ చేయడం సాధ్యం చేస్తాయి. ఇక జియో హాట్స్టార్ విలీనం తరువాత భారతదేశంలో అత్యధిక యూజర్ బేస్ ఉన్న స్ట్రీమింగ్ సర్వీస్గా నిలుస్తోంది. వినియోగదారులు తమకి అనుకూలమైన ప్లాన్ ఎంచుకుని, అవి అందించే అనేక వినోదాలను ఎంజాయ్ చేసుకోవచ్చు.
Follow us
