Car Tips: కారును ఎక్కువగా ఎండలో పార్క్ చేస్తున్నారా..అయితే ఇది తెలుసుకోవాల్సిందే!

మామూలుగా మనం కొన్ని కొన్ని సార్లు కారు పార్కింగ్ చేయడానికి స్థలం లేకపోవడంతో ఎండలోనే కారుని పార్క్ చేస్తూ ఉంటాం. ఇంటి సమీపంలో అలాగే బయటకు ఎక్కడైనా వెళ్ళినప్పుడు కార్లని ఎక్కువగా ఎండలోనే పార్క్ చేస్తూ ఉంటారు. అయితే కారులో ఎక్కువ సేపు ఎండలో పార్కింగ్ చేయడం మంచిది కాదని అంటున్నారు. ఇలా ఎక్కువసేపు ఎండలో పార్కింగ్ చేయడం వల్ల రకరకాల నష్టాలు సంభవిస్తాయట. మరి కారును ఎక్కువసేపు ఎండలో పార్కింగ్ చేస్తే ఏం జరుగుతుందో ఎలాంటి సమస్యలు వస్తాయో ఇప్పుడు మనం తెలుసుకుందాం..

కారును ఎక్కువసేపు ఎండలో ఉంచడం వల్ల అది పెయింట్‌పై ప్రభావం చూపుతుందట. బలమైన సూర్య కాంతి కారు పెయింట్‌ ను క్రమంగా మసకబారేలా చేస్తుంది. కారు దాని మెరుపును కోల్పోతుంది. ఇది మీ కారు పాతదిగా, నిర్జీవంగా కనిపిస్తుంది. కారు లోపలి భాగం, ముఖ్యంగా డ్యాష్‌బోర్డ్, స్టీరింగ్ వీల్, సీట్లు కూడా సూర్యకాంతి వల్ల ప్రభావితమవుతాయట. సూర్యరశ్మి లోపలి పదార్థం పొడిగా, పగుళ్లు, మసకబారడానికి కారణం అవుతుందట. ప్లాస్టిక్, తోలు పదార్థాలు ఎక్కువగా ప్రభావితమవుతాయట. వాసన రావడం ప్రారంభమవుతుందని చెబుతున్నారు. అదేవిధంగా ఎండలో కార్లను ఎక్కువగా పార్కింగ్ చేయడం వల్ల టైర్ రబ్బరు నాణ్యత కూడా దెబ్బతింటుందట.

అధిక వేడి ఒత్తిడి ని పెంచుతుందని చెబుతున్నారు. టైర్ రబ్బరులో పగుళ్లు ఏర్పడుతుందని, టైర్ బ్లోఅవుట్ ప్రమాదాన్ని పెంచుతుందని చెబుతున్నారు. అలాగే అధిక వేడి కారు బ్యాటరీ జీవిత కాలాన్ని కూడా తగ్గిస్తుందట వేడి బ్యాటరీలోని రసాయనాల ప్రతిచర్యను వేగవంతం చేస్తుందట. దీని వలన బ్యాటరీ త్వరగా చెడిపోతుందని చెబుతున్నారు. అలాగే మీ కారును ఎండలో పార్క్ చేసినట్లయితే ఇంజిన్ చల్లబరచడానికి ఎక్కువ సమయం పడుతుంది. ఇది ఇంధన ఆర్థిక వ్యవస్థపై ప్రభావం చూపుతుంది. ఇంజిన్ వేడిగా ఉన్నప్పుడు ఎక్కువ ఇంధనం ఖర్చవుతుంది. అంతే కాకుండా ఎండలో పార్క్ చేసిన కారులోని ఇన్ఫోటైన్‌మెంట్ సిస్టమ్, ఏసీ కంట్రోల్ వంటి ఎలక్ట్రానిక్స్ కూడా అధిక వేడి కారణంగా పాడవుతాయని చెబుతున్నారు. కాబట్టి పైన చెప్పిన సమస్యలు రాకుండా ఉండాలంటే నీడ ఉన్న ప్రదేశంలో పార్క్ చేయడం లేదంటే కారుకు కవర్ వేయడం మంచిదని చెబుతున్నారు.