EV Charging: AC చార్జింగ్ DC చార్జింగ్ రెండింటిలో ఎలక్ట్రిక్ వాహనంకు ఏది బెస్ట్ అంటే?
దేశవ్యాప్తంగా రోజురోజుకీ ఎలక్ట్రిక్ వాహన వినియోగదారుల సంఖ్య విపరీతంగా పెరిగిపోతోంది. ఇందన ధరలు మండిపోతుండడంతో వాహన వినియోగదారులు ఎక్కువగా ఎ
- By Nakshatra Published Date - 05:15 PM, Tue - 30 May 23
దేశవ్యాప్తంగా రోజురోజుకీ ఎలక్ట్రిక్ వాహన వినియోగదారుల సంఖ్య విపరీతంగా పెరిగిపోతోంది. ఇందన ధరలు మండిపోతుండడంతో వాహన వినియోగదారులు ఎక్కువగా ఎలక్ట్రిక్ వాహనాల వైపు మొగ్గు చూపుతున్నారు. ఇకపోతే ఎలక్ట్రిక్ వాహనాలు గురించి మాట్లాడుకున్నప్పుడు ముఖ్యంగా దాని చార్జింగ్, ఇన్ఫ్రాస్ట్రక్చర్ సంబంధిత అంశాల గురించి ఖచ్చితంగా చర్చించడం అన్నది తప్పనిసరి. ఈవీ ని ఛార్జ్ చేయడానికి సాధారణ AC ఛార్జర్ లేదా ఫాస్ట్ DC ఛార్జర్ని ఉపయోగించాలా అనేది ఈ విషయాలలో ఎక్కువగా చర్చించుకునే అంశాలలో ఒకటి.
ఎందుకంటే చాలామందికి దీనిపై అనేక భిన్నాభిప్రాయాలు ఉంటాయి. కొందరు ఇది వాహనానికి సరైనదని భావిస్తే, కొందరు ప్రమాదం అని భావిస్తూ ఉంటారు. మీరు రోజూ eC3 కోసం డీసీ ఫాస్ట్ ఛార్జర్ని ఉపయోగించవచ్చని Citroën వంటి కొంతమంది ఆటోమేకర్లు చెబుతున్నారు. అయినప్పటికీ, డీసీ ఫాస్ట్ ఛార్జర్ లలో కూడా ఛార్జింగ్ వేగం చాలా ఎక్కువగా ఉండదు. దాదాపు 20kW వరకు పరిమితం చేయబడింది. ఏదైనా బ్యాటరీ ఛార్జింగ్ సమయంలో వేడిని ఉత్పత్తి చేస్తుందని అందరికీ తెలుసు, కాబట్టి ఫాస్ట్ ఛార్జింగ్ కార్లలో బ్యాటరీ దెబ్బతినే అవకాశం చాలా ఎక్కువ. అందుకే రోజువారీ వినియోగానికి మాత్రమే ఏసీ ఛార్జర్ను ఉపయోగించడం ఉత్తమమైనది.
చాలా మంది వాహన తయారీదారులు పబ్లిక్ ఛార్జింగ్ స్టేషన్లో వాహనాన్ని ఛార్జింగ్ చేసేటప్పుడు వంటి అత్యంత అవసరమైనప్పుడు మాత్రమే ఫాస్ట్ ఛార్జింగ్ని ఉపయోగించాలని అంటున్నారు. కార్ కంపెనీల ప్రకారం, కొన్ని ఫాస్ట్ ఛార్జింగ్ సైకిల్స్ తర్వాత, వాహనాన్ని సాధారణ ఏసీ ఛార్జర్తో 100 శాతం వరకు ఛార్జ్ చేయాలి. ఇది బ్యాటరీ హెల్త్ సమతుల్యం చేస్తుంది. ఎందుకంటే బ్యాటరీ ప్యాక్లోని సెల్లు కొంత సమయం తర్వాత వివిధ మార్గాల్లో క్షీణించడం మొదలవుతుంది. ఈ విధంగా, స్లో ఛార్జర్తో బ్యాటరీని ట్రికిల్ ఛార్జ్ చేయడం ద్వారా బ్యాటరీ ప్యాక్ బ్యాలెన్స్ అవుతుంది. దీని కారణంగా అన్ని సెల్లు సమానంగా ఛార్జ్ చేయబడతాయి. అంతేకాకుండా ఇది బ్యాటరీ జీవితాన్ని కూడా త్వరగా పాడుచేయదు.
Related News
Tech Tips: మీరు ల్యాప్టాప్ ఉపయోగిస్తున్నారా.. అయితే ఈ తప్పులు అస్సలు చేయకండి?
ప్రస్తుత రోజుల్లో చిన్న పెద్ద అని తేడా లేకుండా చాలామంది అనేక రకాలు వాటి కోసం ల్యాప్టాప్ లను వినియోగిస్తున్నారు. కొందరు సాఫ్ట్వేర్ వాళ్ళ