Red Book : ఇప్పుడు ‘రెడ్ బుక్’ అనే టైటిల్‌తో ఓ సినిమా..!

ఇటీవల ఏపీ ఎన్నికల్లో టీడీపీ కూటమి భారీ విజయాని నమోదు చేసిన విషయం తెలిసిందే. వైసీపీ ప్రభుత్వం అవలంబించిన ప్రజా వ్యతిరేక విధానాలకు ప్రజలే బుద్ది చెప్పారు. 151 సీట్ల నుంచి 11 సీట్లకు తోసేసారు. అయితే.. ఏపీ ఎన్నికల ప్రచారంలో నారా లోకేష్‌ ప్రత్యేకంగా నిలిచారు. నారా లోకేష్ తన పాదయాత్రలో ‘రెడ్ బుక్’తో సంచలనం సృష్టించారు. లోకేష్ ఎప్పుడూ పుస్తకాన్ని తన వెంటే ఉంచుకుని ఆ పుస్తకంలో తప్పు చేసిన అధికారుల పేర్లు, టీడీపీ క్యాడర్‌ను ఇబ్బంది పెట్టే వారి పేర్లను రాస్తానని చెప్పేవారు. అధికారంలో ఉన్నప్పుడు పుస్తకాన్ని తెరిచి వారికి మూల్యం చెల్లిస్తానని హామీ ఇచ్చారు. ఎన్నికల తర్వాత ‘రెడ్ బుక్’ ఏపీ పాలిటిక్స్‌లో చర్చనీయాంశంగా మారింది.

We’re now on WhatsApp. Click to Join.

రెడ్ బుక్ అమలుపై టీడీపీ క్యాడర్ లో చర్చ మొదలైంది. వైఎస్‌ఆర్‌ కాంగ్రెస్‌ పార్టీ తాడేపల్లి కార్యాలయం కూల్చివేత, పిన్నెల్లి అరెస్టు, టిడిపి కార్యాలయంపై దాడి కేసును మళ్లీ తెరవడం, ఇంకా అనేక సంఘటనలు రెడ్‌బుక్ అమలు ఇప్పటికే ప్రారంభమైనట్లు సూచిస్తున్నాయి. కానీ టీడీపీ క్యాడర్‌కి మాత్రం ఇంకేం కావాలి. టీడీపీ గెలిచిన తర్వాత రెడ్ బుక్ పైనే ఎక్కువ చర్చ జరగడంతోపాటు రెడ్ బుక్ పేరుతో కొన్ని ప్రాంతాల్లో ఫ్లెక్సీలు కూడా చూశాం. కాగా, లోకేష్ రెడ్ బుక్ తరహాలో ‘బ్లాక్ బుక్’ను బీఆర్ఎస్ ఎమ్మెల్యే పాడి కౌశిక్ రెడ్డి ప్రారంభించారు. అది లోకేష్‌కి లభించిన ఆదరణ.

మరోవైపు తెలుగు ఫిల్మ్ ఛాంబర్ ఆఫ్ కామర్స్‌లో ప్రొడక్షన్ హౌస్ ‘రెడ్ బుక్’ టైటిల్‌ను రిజిస్టర్ చేసింది. కొన్ని పదాలు ప్రజల్లో సంచలనం కలిగించే పదాలుగా మారినప్పుడు ప్రొడక్షన్ హౌస్‌లు టైటిల్స్ రిజిస్టర్ చేసి వాటితో సినిమాలు తీసే ట్రెండ్ ఉంది. ‘రెడ్ బుక్’ అనే టైటిల్‌ను నమోదు చేయడం వల్ల ప్రజల్లో పదం చొచ్చుకుపోయిందని సూచిస్తుంది. 2019కి ముందు దురుద్దేశపూరిత ప్రచారానికి బలి కావడం, మంగళగిరి నుంచి ఓడిపోయి రికార్డు మెజారిటీతో గెలుపొందడం, ఈ స్థాయిలో ఆదరణ పొందడం వరకు నారా లోకేష్ సాగుతున్న తీరు సంచలనం.

Read Also : Almatti – Tungabhadra: ఆల్మట్టి, తుంగభద్ర దిగువ ప్రాజెక్టులకు పెద్ద ఎత్తున ఇన్‌ఫ్లో..!