AP : ప్రాథమిక ఆధారాలు లేకుండా ఎలా అరెస్ట్ చేస్తారు..? – చంద్రబాబు

చంద్రబాబు ను అరెస్ట్ చేస్తున్నారనే వార్త అర్ధరాత్రి నుండి తెలుగు రాష్ట్రాల్లో సంచలనంగా మారిన సంగతి తెలిసిందే. దాదాపు మూడు గంటలుగా నంద్యాల RK ఫంక్షన్ హల్ వద్ద ఉద్రిక్తత పరిస్థితులు నెలకొని ఉన్నాయి. కొద్దీ సేపటి క్రితం చంద్రబాబు బస్సు లో నుండి బయటకు వచ్చి డీఐజీ రఘురామరెడ్డి తో మాట్లాడారు.

అసలు ఏంజరుగుతుందో..? ఎందుకు వచ్చారు..? ఎందుకు అరెస్ట్ చేస్తారు..? మీ దగ్గర నన్ను అరెస్ట్ చేసేందుకు ఏ ఆధారాలు ఉన్నాయి..? ఏ కేసులో అరెస్ట్ చేస్తున్నారు..? ఏ నేరంలో ..తన వద్దకు వచ్చారు ..? మీరు అర్ధరాత్రి ఎందుకు రావాల్సి వచ్చింది..? నేను ఎక్కడికి పారిపోతున్నాను..? ఎఫైర్ లో నా పేరు లేదు..అయినప్పటికీ ఎందుకు అరెస్ట్ చేస్తారు..? అరెస్ట్ చేయడానికి ఏ ఆధారాలు ఉన్నాయి. అని చంద్రబాబు ప్రశ్నించారు. నేను తప్పు చేస్తే నడిరోడ్డు లో ఊరి తీయండి అని చంద్రబాబు అన్నారు.

సూపర్ వైజర్ రావాల్సిన అవసరం ఏముందని చంద్రబాబు ప్రశ్నించారు. ఏ చట్ట ప్రకారం అరెస్ట్ చేస్తారని చంద్రబాబు ప్రశ్న. చంద్రబాబు తరుపున పోలీసులతో వాదిస్తున్న టీడీపీ లాయర్లు. మమ్ముల్ని చుట్టుముట్టి బెదిరించడం సరికాదంటున్న పోలీసులు. తాము ఏమి బెదిరించడం లేదని..ఎందుకు అరెస్ట్ చేస్తున్నారో చెప్పాలని డిమాండ్ చేస్తున్నామని టీడీపీ నేతలు అంటున్నారు. హైకోర్టు కు ప్రాధమిక ఆధారాలు ఇచ్చామంటున్న పోలీసులు. రిమాండ్ రిపోర్ట్ లో అన్ని ఆధారాలు ఉన్నాయని చెపుతున్న పోలీసులు..అవి చూపించాలని చంద్రబాబు డిమాండ్ చేస్తున్నారు. కోర్ట్ లో ఏముందో చెప్పాలని కోరిన చంద్రబాబు.ఎఫ్ఐఆర్ లేకుండా ఎలా అరెస్ట్ చేస్తారని చంద్రబాబు ప్రశ్న. మాజీ ముఖ్యమంత్రికి , ప్రతిపక్షనేతకు ఇచ్చే గౌరవం ఇదేనా అని చంద్రబాబు సూటి ప్రశ్న. 24 గంటల్లో అన్ని ఇస్తామంటున్న పోలీసులు.

అంతకుముందు చంద్రబాబు బస చేసిన RKఫంక్షన్‌ హాల్‌ వద్ద తీవ్ర ఉత్కంఠ నెలకొంది. శుక్రవారం అర్ధరాత్రి దాటాక చంద్రబాబు బస చేస్తున్న ప్రదేశానికి అధికసంఖ్యలో పోలీసులు చేరుకున్నారు. అనంతపురం నుంచి పోలీసు బృందాలను నంద్యాలకు రప్పించారు. మొత్తం ఆరు బస్సుల్లో బలగాలు ఎస్పీ కార్యాలయం వద్దకు చేరుకున్నాయి. డీఐజీ రఘురామరెడ్డి, జిల్లా ఎస్పీ రఘువీరారెడ్డి ఆధ్వర్యంలో పోలీసులను మోహరించారు. ఎక్కడికక్కడ బారికేడ్లు, చెక్‌పోస్టులను ఏర్పాటు చేశారు.