AP : పవన్ కు ‘నేను ఇచ్చిన సలహాలు’ నచ్చినట్లు లేవు…ఇక వారి ఖర్మ – హరిరామజోగయ్య

తన సలహాలు చంద్రబాబు (Chandrababu), పవన్‌ కళ్యాణ్ (Pawan Kalyan) కు నచ్చినట్టుగా లేవని.. ఇంక తాను చేయగలిగిందేమీ లేదని ‘అది వారి ఖర్మ’ అంటూ ఆగ్రహం వ్యక్తం చేసారు హరిరామజోగయ్య (Harirama Jogaiah) . జనసేన పార్టీ కి , పవన్ కళ్యాణ్ కు ముందు నుండి కాపుల సంక్షేమం కోసం పాటుపడే మాజీ ఎంపీ చేగొండి హరిరామజోగయ్య సపోర్ట్ చేస్తూ వస్తున్న సంగతి తెలిసిందే. టీడీపీ తో పొత్తు ప్రకటన తెలిపిన దగ్గరి నుండి కూడా పవన్ కళ్యాణ్ కు సీట్ల విషమై అనేక లేఖలు జోగయ్య రాసారు. అంతే కాకుండా పలు సలహాలు , సూచనలు కూడా తెలియజేసారు. కానీ వాటికీ పవన్ కళ్యాణ్ నుండి ఎలాంటి సమాధానం రాలేదు.

We’re now on WhatsApp. Click to Join.

ఇక నిన్న తాడేపల్లి గూడెంలో జరిగిన టీడిపి – జనసేన ఉమ్మడి సభలో పవన్ కళ్యాణ్ కీలక వ్యాఖ్యలు చేసారు. తను 24 సీట్లు తీసుకోవడంపై కొందరు తప్పు పడుతున్నారని.. తనకు, జనసేనకు సలహాలు, సూచనలు ఇచ్చే వారు అక్కర్లేదన్నారు. మీకేం తెలుసు ఈ జగన్ ఎలాంటివాడో! సొంత బాబాయ్ ని చంపాడు… సొంత చెల్లెలిని గోడకేసి కొట్టాడు. నేను ఎవడితో యుద్ధం చేస్తున్నానో నాకు తెలుసు. నాకు సలహాలు, సూచనలు ఇవ్వాలని చూడొద్దు. సొంతబాబాయ్ ని చంపి గుండెపోటు అన్నా, వేల కోట్లు దోచినా, దళిత డ్రైవర్ ను చంపి శవాన్ని డోర్ డెలివరీ చేసినా ఎవరూ ప్రశ్నించరు. ఏ తప్పు చేయని నన్ను ప్రశ్నిస్తారేంటి..? నాకు యుద్ధం చేసే వాళ్లు తనకు కావాలని, కుతకుతలాడే రక్తంతో గుండెలు చీల్చుకునే వాళ్లు కావాలన్నారు. దాష్టీకంపై పోరాడే యువకులు కావాలన్నారు. కత్తులు పట్టుకునే వీరమహిళలు కావాలంటూ చాల ఆవేశంగా పవన్ మాట్లాడారు.

పవన్ కళ్యాణ్ వ్యాఖ్యలపై పరోక్షంగా లేఖరాశారు జోగయ్య. తన సలహాలు చంద్రబాబు, పవన్‌కు నచ్చినట్టుగా లేవని.. ఇంక తాను చేయగలిగిందేమీ లేదని ఇక ‘అది వారి ఖర్మ’ అంటూ లేఖలో రాసుకొచ్చారు. దీనిబట్టి చూస్తే జనసేన కు జోగయ్య ఇక సలహాలు కానీ , సూచనలు కానీ చేయడని, అసలు ఉమ్మడి పొత్తు గురించే ఆలోచన చేయడనిపిస్తుంది. మరి నిజంగా పవన్ కళ్యాణ్ జోగయ్య సలహాలపైనే రియాక్ట్ అయ్యాడా..? లేక అభిమానులు , వైసీపీ నేతలు చేసే సలహాలపై రియాక్ట్ అయ్యాడా అనేది క్లారిటీ రావాల్సి ఉంది.

Read Also : Pawan Kalyan 4th Wife : నా నాల్గో భార్య జగన్ ఏమో – పవన్ కళ్యాణ్ మాములు సెటైర్ కాదు..!!