TDP : వర్మకు చంద్రబాబు బంపర్ ఆఫర్..?

Varma

ఏపీ రాజకీయాలు కూటమి ప్రభావంతో రోజుకో కొత్త మలుపు తిరుగుతోంది. ముఖ్యంగా పిఠాపురం(Pithapuram )లో జనం రాజకీయాలపై ఉత్కంఠగా చర్చించుకుంటున్నారు. పవన్ కళ్యాణ్ (Pawan Kalyan)ప్రాతినిధ్యం వహిస్తున్న పిఠాపురంలో గతంలో సీటు వదులుకున్న వర్మ(Varma)కు, ఇప్పుడు న్యాయం జరగలేదనే ఆరోపణలతో ఆయన మద్దతుదారులు ఆందోళన వ్యక్తం చేస్తున్నారు. ఆయనకు హామీగా చెప్పిన ఎమ్మెల్సీ సీటు ఇప్పటివరకు రాలేదు. ఈ నేపథ్యంలో టీడీపీ (TDP) నుండి వర్మకు కొత్తగా ఓ కీలక నియోజకవర్గ బాధ్యత ఇవ్వనున్నట్లు సమాచారం. ఇది జిల్లాలోనే కాదు, రాష్ట్ర రాజకీయాల్లోనూ చర్చనీయాంశంగా మారింది.

Pawan Kalyan : పవన్ తనయుడు మార్క్ శంకర్ హెల్త్ అప్డేట్.. మరో మూడు రోజులు వైద్యుల పర్యవేక్షణలోనే..

ఇటీవల మెగా బ్రదర్ నాగబాబు పిఠాపురంలో పర్యటించడంతో పరిస్థితి మరింత ఉద్రిక్తంగా మారింది. అధికారిక కార్యక్రమాల్లో పాల్గొన్న నాగబాబు హోదాపై ప్రశ్నలు వినిపిస్తున్నాయి. వర్మ మద్దతుదారులు ఈ కార్యక్రమాల నుంచి పూర్తిగా తప్పించబడినట్లయ్యారు. జనసేన ప్లీనరీ వేదికగా వర్మను ఉద్దేశించి చేసిన వ్యాఖ్యలు కూడా మద్దతుదారుల కోపాన్ని తెప్పించాయి. గతంలో స్వతంత్ర అభ్యర్థిగా గెలిచిన వర్మ ప్రస్తుతం పార్టీ మద్దతుతో పోటీ చేయాలన్న అభిప్రాయంతో ఉన్నప్పటికీ, వారి గణనలో స్థానం లేకపోవడాన్ని ఆయన మద్దతుదారులు జీర్ణించుకోలేకపోతున్నారు.

ప్రస్తుతం వర్మ రాజకీయ భవిష్యత్తుపై అనేక అనుమానాలు అవలంబిస్తున్నట్లు తెలుస్తోంది. నియోజకవర్గాల పునర్విభజనలో వర్మకు కొత్త బాధ్యతలు ఇవ్వనున్నట్లు సంకేతాలు కనిపిస్తున్నాయి. దీంతో ఆయన కొంతకాలం వేచి ఉండే అవకాశముంది. పిఠాపురం వర్మకు రాజకీయంగా బలమైన కంచుకోటగా ఉన్నప్పటికీ, పవన్ ప్రాముఖ్యతతో అక్కడ నుంచి అవకాశం దక్కదన్న మాట వర్మకు కూడా తెలుసు. ప్రస్తుతం టీడీపీ ఏ విధమైన నిర్ణయం తీసుకుంటుందన్నదే కీలకం కానుంది. మరోవైపు వైసీపీ కూడా ఈ పరిణామాలపై నిశితంగా దృష్టి పెట్టినట్లు రాజకీయ వర్గాలు విశ్లేషిస్తున్నాయి.

Follow us