Nose Ring Secrets : ముక్కు పుడక..ఎడమ వైపే ఎందుకంటే ?

కుడి చేయి శుభప్రదం అయినప్పుడు.. కుడి వైపు ఉండే  ముక్కు పుట శుభప్రదం కావాలి.

కానీ ముక్కు పుడక విషయంలో మాత్రం ఎడమవైపు ఉండే ముక్కు పుటకే ప్రాధాన్యత ఇస్తున్నారు. 

• బంగారం, వెండి కలిపిన ముక్కు పుడకను ధరించడం మంచిదని అంటారు. బంగారం వల్ల శరీరానికి శక్తి.. వెండి వల్ల  శరీరానికి చల్లదనం వస్తాయి. ఇక పూర్తిగా వెండితో తయారు చేసిన ముక్కు పుడకను ధరించడం వల్ల మానసిక ప్రశాంతత లభిస్తుందని అంటారు.
• ముక్కు యొక్క ఎడమ పుటకు ఋతుస్రావంతో సంబంధం ఉంటుందని నమ్ముతారు. ముక్కు ఎడమ పుటను కుట్టిస్తే.. రుతుక్రమం కంట్రోల్ లోకి వస్తుందని చెబుతారు. దీనివల్ల మహిళలకు బహిష్టు సమయంలో వచ్చే సమస్యల నుంచి ఉపశమనం లభిస్తుందని అంటారు.
• జననాంగాలు, గర్భాశయానికి సంబంధించిన నాడికి ముక్కు ఎడమ భాగంతో సంబంధం ఉంటుందని.. ముక్కుకు ఎడమవైపున  పుడకను ధరిస్తే గర్భకోశవ్యాధులు తగ్గుతాయని విశ్వసిస్తారు.
• పురిటి నొప్పులు ఎక్కువ కలగకుండా సుఖ ప్రసవం అవడానికి ఇది సహకరిస్తుందట.
• ముక్కు పుడకను ధరించడం వల్ల నాసికా బిందువుపై ఒత్తిడి ఏర్పడుతుంది. తద్వారా ఆడవారు తమ కోపాన్ని కంట్రోల్ చేసుకోగలుగుతారని అంటారు.
• ఈ ఆభరణం ఆడవారి శ్వాస నాళాలకు రక్షణ కల్పిస్తుంది.  తద్వారా వాయుమార్గంలో ఎటువంటి సమస్యలు తలెత్తవు. సైనస్, ఇస్నోఫీలి వంటి ముక్కుకు సంబంధించిన సమస్యల నుంచి రక్షణ లభిస్తుంది.

గమనిక: ఈ కథనంలో ఉన్న ఏదైనా సమాచారం/మెటీరియల్/లెక్కల యొక్క ఖచ్చితత్వం లేదా విశ్వసనీయతకు హామీ లేదు. ఈ సమాచారం వివిధ మాధ్యమాలు/జ్యోతిష్యులు/పంచాంగాలు/ఉపన్యాసాలు/నమ్మకాలు/గ్రంధాల నుండి సేకరించిన తర్వాత మీ ముందుకు తీసుకురాబడింది. మా లక్ష్యం సమాచారాన్ని అందించడం మాత్రమే, దాని వినియోగదారులు దానిని కేవలం సమాచారంగా తీసుకోవాలి. అదనంగా, దాని యొక్క ఏదైనా ఉపయోగం వినియోగదారు యొక్క పూర్తి బాధ్యత.