IRCTC iPay Autopay : డబ్బులు కట్ కాకుండానే టికెట్.. ఐఆర్‌సీటీసీ ‘ఐపే ఆటోపే’ ఫీచర్

Irctc Ipay Autopay

IRCTC iPay Autopay :  రైలు ప్రయాణికుల సౌకర్యార్ధం ఐఆర్‌సీటీసీ (ఇండియన్‌ రైల్వే క్యాటరింగ్‌ అండ్‌ టూరిజం కార్పొరేషన్‌) ‘ఐపే ఆటోపే’ అనే కొత్త  ఫీచర్​ను అందుబాటులోకి తీసుకొచ్చింది.  దీని ద్వారా మనం ఛార్జీని చెల్లించకుండానే ట్రైన్ టికెట్‌ను బుక్​ చేసుకోవచ్చు. టికెట్ బుకింగ్  కన్ఫామ్​ అయిన తర్వాతే పేమెంట్ చేయొచ్చు. దీనివల్ల ట్రైన్ టికెట్​ బుక్​ కాని పరిస్థితుల్లో మనం డబ్బులు కోల్పోయే ఛాన్స్ ఉండనే ఉండదు. రీఫండ్ కోసం ఎదురుచూడాల్సిన అవసరం కూడా ఉండదు. ఇంతకీ ఈ ఫీచర్‌ను ఎలా ఉపయోగించాలో ఇప్పుడు తెలుసుకుందాం.

We’re now on WhatsApp. Click to Join

ఐఆర్​సీటీసీ వెబ్​సైట్​, యాప్​‌‌లలో..

‘ఐపే ఆటోపే’ అనేది ఐఆర్‌సీటీసీ సొంత పేమెంట్​ గేట్​వే. ఇది ఐఆర్​సీటీసీ వెబ్​సైట్​, యాప్​లో అందుబాటులో ఉంటుంది.ఐపే పేమెంట్ గేట్​వేకు ఉన్న ప్రత్యేక ఫీచర్ ‘ఆటోపే’. ‘ఆటో పే’ ఫీచర్‌లో(IRCTC iPay Autopay) యూపీఐ, డెబిట్/ క్రెడిట్ కార్డ్ ద్వారా పేమెంట్ చేసే వెసులుబాటు ఉంటుంది. దీని ద్వారా ఎక్కువ విలువ కలిగిన లేదా వెయిట్ లిస్ట్​లో ఉన్న ట్రైన్ టికెట్​లను ఈజీగా, మనీ రిస్క్ లేకుండా బుక్​ చేయొచ్చు.  ఈ పద్ధతి ద్వారా ఒకవేళ మనం ట్రైన్ టికెట్ బుక్ చేసినా బ్యాంకు ఖాతా నుంచి డబ్బులు బదిలీ కావు. మన బ్యాంక్ ఖాతాలో ఉన్న టికెట్​ ఛార్జీ మొత్తంపై లైయెన్ విధిస్తారు. లైయెన్ అంటే బ్యాంక్ అకౌంట్​లోని డబ్బు వేరే చోట ఖర్చు చేయకుండా నియంత్రణ విధించడం. మన టికెట్ కన్ఫామ్​ కాకపోయినా, క్యాన్సిల్ అయినా డబ్బులపై ఉన్న నియంత్రణ తొలగిపోతుంది.

Also Read : Nikki Haley – Kamala Harris : నేను లేదా కమల.. అమెరికా అధ్యక్ష పీఠంపై మహిళ : నిక్కీ

‘ఆటోపే’ చేయడం ఇలా..  

• ఆటోపే ఫీచర్‌ను వాడుకునేందుకు మీరు తొలుత ఐఆర్​సీటీసీ వెబ్​సైట్​లోకి లాగిన్​ కండి.
• మీ ప్రయాణ వివరాలను సరిగ్గా ఎంటర్ చేయండి.
• మీ రైలు, కోచ్​, ప్రయాణికుల వివరాలను పొందుపర్చండి.
• పేమెంట్ బటన్​పై క్లిక్​ చేసి iPayను పేమెంట్ గేట్​వేలా సెలెక్ట్ చేసుకోండి.
• Autopay, క్రెడిట్ కార్డ్, డెబిట్ కార్డ్, ఐఆర్​సీటీసీ ముద్ర, నెట్​బ్యాంకింగ్ అనే ఆప్షన్లు కనిపిస్తాయి.
• Autopay ఆప్షన్​తో పాటు మీకు కావాల్సిన పేమెంట్ విధానం ఎంపిక చేయండి. అక్కడ మీకు  యూపీఐ, డెబిట్/ క్రెడిట్ కార్డ్ ఆప్షన్లు కనిపిస్తాయి.
• పేమెంట్ వివరాలను నమోదు చేస్తే మీ లావాదేవీ కంప్లీట్ అవుతుంది.
• వెంటనే మీ బ్యాంకు, టికెట్ డబ్బులపై నియంత్రణ విధిస్తుంది.
• టికెట్ బుక్​ అయిన తర్వాతే మీ బ్యాంకు అకౌంట్ నుంచి  డబ్బులు కట్ అవుతాయి.

Also Read : Election Schedule 2024 : మార్చి 9 తర్వాత లోక్​సభ ఎన్నికల షెడ్యూల్.. డేట్స్ ఫిక్స్ !

• ఒకవేళ వెయిట్​లిస్ట్​లో ఉన్న టికెట్‌ను బుక్ చేసిన సందర్భాల్లో అది కన్ఫామ్ కాకపోతే మీ డబ్బులు కట్ కావు. ఆటోపే నియంత్రణ తొలగిపోవడం వల్ల మీరు మీ డబ్బులను ఇతర అవసరాలకు వాడుకోవచ్చు.
• తత్కాల్ కోటాలో వెయిల్​లిస్ట్​లో ఉన్న టికెట్​ బుక్​ చేసినప్పుడు, ఒకవేళ అది కన్ఫామ్ కాకపోతే, మీరు కేవలం క్యాన్సలేషన్ ఫీజు, ఐఆర్​సీటీసీ కన్వీనియెన్స్ ఫీజు, మాండేట్ ఛార్జీలు కడితే చాలు. మిగతా డబ్బు మీ ఖాతాలోకి తిరిగి వచ్చేస్తుంది.
• ఇక వెయిట్​లిస్ట్​లో ఉన్న ట్రైన్ టికెట్‌ను బుక్ చేస్తే.. అది కన్ఫామ్ కానప్పుడు మన డబ్బులు వెంటనే రీఫండ్ అవుతాయి. కాకపోతే కనీసం 4 రోజులు వెయిట్ చేయాలి.

Follow us