Helicopter on Highway: జస్ట్ మిస్.. హైవేపైకి దూసుకొచ్చిన హెలికాప్టర్, తప్పిన ప్రమాదం!

రష్యా, ఉక్రెయిన్ దేశాల మధ్య యుద్ధం కొనసాగుతన్న విషయం తెలిసిందే. అక్కడ ఎప్పుడు ఏం జరుగుతుందో తెలియక ప్రజలు బిక్కుబిక్కుమంటూ బతుకీడుస్తున్నారు. తాజాగా ఓ ఘటన ప్రతిఒక్కరినీ ఆశ్చర్యరానికి గురిచేస్తోంది. ఉక్రెయిన్ లో ఓ హెలికాప్టర్ వ్యతిరేక పవన దిశలో ప్రయాణించింది. ఏ కారణమో తెలియదు కానీ.. ఒకేసారి హైవేపై కి దూసుకొచ్చింది హెలికాప్టర్. అంతేకాదు.. కారును కూడా ఢీకొట్టబోయింది. ఇంతలో పైలట్ అలర్ట్ అయి ప్రమాదం నుంచి బయటపడేలా తెలివిగా వ్యవహరించాడు.

లేకపోతే ఆ హెలికాప్టర్ కుప్పకూలిపోయేది. అందుకు సంబంధించిన వీడియోని ఉక్రెయిన్‌ మంత్రిత్వ శాఖ ‘వెల్‌కమ్‌ టు ఉక్రెయిన్‌’ అనే క్యాప్షన్‌ని జోడించి మరీ పోస్ట్‌ చేసింది. దీంతో ఈ వీడియో నెట్టింట తెగ వైరల్‌ అవుతోంది. ఐతే నెటిజన్లు మాత్రం పైలట్ ను పొగిడేస్తున్నారు. ఏమాత్రం ఆలస్యమైనా పెద్ద ప్రమాదం జరిగి ఉండేదని నెటిజన్స్ కామెంట్స్ చేస్తున్నారు.

Welcome to Ukraine 🇺🇦 pic.twitter.com/LdFhrzwn2m

— Defense of Ukraine (@DefenceU) October 20, 2022