Vampire Skeleton: వామ్మో..తవ్వకాల్లో బయటపడ్డ రక్త పిశాచి అస్థికలు.. ఎక్కడో తెలుసా?

ఈ భూమి మీద శాస్త్రవేత్తలు ఎన్నో రకాల విషయాలు కనుగొన్నప్పటికీ ఇంకా శాస్త్రవేత్తలకు తెలియని అంతుచిక్కని రహస్యాలు, మిస్టరీలు కూడా ఎన్నో ఉన్నాయి. కాగా ఈ భూమిపై ఉన్న అంతుచిక్కని మిస్టరీల గురించి తెలుసుకోవడానికి శాస్త్రవేత్తలు నిరంతరం కృషి చేస్తూనే ఉన్నారు. అలా తాజాగా పరిశోధలకు ఒక ఆడ వాంపైర్‌ అస్థిపంజరం ఒకటి దొరికింది. వాంపైర్‌ అనగా రక్త పిశాచి. అయితే ఈ అతిపంజరం అసాధారణ రీతిలో తవ్వకాల్లో బయటపడింది. పూర్తి వివరాల్లోకి వెళితే..

యూరప్‌ దేశం పోలాండ్‌లోని ఒస్ట్రోమెక్కో పరిధిలోని పెయిన్‌ అనే గ్రామంలోని ఓ స్మశానానికి ఆనుకుని ఉన్న నిర్జన ప్రదేశంలో వ్యాంపైర్‌ సమాధిని గుర్తించారు. అయితే టోరన్‌ లోని నికోలస్‌ కోపర్నికస్‌ యూనివర్సిటీకి చెందిన ఆర్కియాలజీ బృందం ఈ పరిశోధన చేపట్టగా అది 17వ శతాబ్దానికి చెందిన ఒక యువతి అస్థిపంజరంగా గుర్తించారు. ఆ అస్తిపంజరం లో ఆమె మెడ చుట్టురా కొడవలి చుట్టి, ఆమె ఎడమ పాదం బొటనవేలుకి తాళం వేసి ఉంది. అయితే ఆగష్టు లోనే ఈ అస్థికలు బయటపడ్డప్పటికీ తాజాగా ఇందుకు సంబంధించిన డాక్యుమెంటరీ, ఫొటోలు బయటపెట్టారు. వ్యాంపైర్‌ అనగా కోరల్లాంటి పళ్లతో రక్తం పీల్చి బతికే పిశాచి అని అర్థం.

అస్తిపంజరం పై పరిశోధనలు అస్తిపంజరం పై పరిశోధనలు తెలిపిన పరిశోధకులు 17వ శతాబ్దంలో పాశ్చాత్య ప్రపంచంలో మూఢనమ్మకాలు తారాస్థాయిలో ఉండేవని ఆ యువతిని వాంపైర్‌ గా అనుమానించి అంత ఘోరంగా చంపేసి ఉంటారు. ఆమెను వ్యాంపైర్‌గా భావించి ఎక్కడ సమాధి నుంచి లేచి వస్తుందో అనే భయంతో మెడలో కొడవలిని అలాగే ఉంచేశారు తెలిపారు.