Racism : భారతీయుడిపై అమెరికన్ జాత్యహంకారం
అమెరికన్లు తమ దేశంలోనే కాకుండా ఇతర దేశాల్లోని భారతీయులపై కూడా జాత్యహంకారాన్ని ప్రదర్శిస్తున్నారు.
- Author : HashtagU Desk
Date : 04-09-2022 - 2:30 IST
Published By : Hashtagu Telugu Desk
లండన్: అమెరికన్లు తమ దేశంలోనే కాకుండా ఇతర దేశాల్లోని భారతీయులపై కూడా జాత్యహంకారాన్ని ప్రదర్శిస్తున్నారు. తాజాగా పోలండ్లో ఓ భారతీయ యువకుడిపై అమెరికాకు చెందిన ఓ వ్యక్తి దుర్భాషలాడాడు. ‘‘మీరు పరాన్నజీవులు, చొరబాటుదారులు. మీరు మీ దేశానికి వెళ్లిపోండి’’ అని హెచ్చరించాడు. ఈ ఘటన పోలండ్ రాజధాని వార్సాలో జరిగింది.‘‘అమెరికాలో కూడా మీవాళ్లు చాలా మంది ఉన్నారు. ఇక్కడ ఎందుకున్నారు? మీరు మీ దేశానికి ఎందుకు వెళ్లరు?’’ అని ఆ అమెరికన్ గట్టిగా గద్దించాడు. ‘మా దేశాల్లోకి చొరబడుతున్నారు. తెల్ల వాళ్ల దేశాలకు ఎందుకు వస్తున్నారు? మీరు యూరప్లో ఉండొద్దు, పోలండ్ పోలిష్లకు మాత్రమే’ అంటూ దురుసుగా మాట్లాడాడు.
He's from America but is in Poland because he's a white man which makes him think he has the right to police immigrants in "his homeland"
Repulsive behavior, hopefully, he is recognized pic.twitter.com/MqAG5J5s6g— 🥀_ Imposter_🥀 (@Imposter_Edits) September 1, 2022
ఐరోపా దేశంలో ఓ భారతీయుడిపై తెల్లజాతి వ్యక్తి జాతి వివక్షకు పాల్పడిన ఈ వీడియో ఇంటర్నెట్లో వైరల్ అవుతోంది. ప్రస్తుతం సోషల్ మీడియాలో విపరీతంగా వైరల్ అవుతున్న నాలుగు నిమిషాల ఈ వీడియోపై తేదీ లేదు. ఈ వీడియోను వార్సాలోని అట్రియమ్ రెడూట షాపింగ్ సెంటర్ (Atrium Reduta Shopping Centre) వెలుపల చిత్రీకరించినట్లు భావిస్తున్నారు. భారతీయుడి అనుమతిలేకుండా ఈ వీడియోను తీసినట్లు కనిపిస్తోంది.
Follow us
