KCR : కేటీఆర్, హరీశ్ రావుతో కేసీఆర్ మీటింగ్

Kcr Metting

భారత రాష్ట్ర సమితి (BRS) అధినేత, మాజీ ముఖ్యమంత్రి కల్వకుంట్ల చంద్రశేఖరరావు (KCR) ఎర్రవల్లి ఫామ్‌హౌస్‌లో కీలక సమావేశం నిర్వహించారు. రానున్న జూబ్లీహిల్స్ ఉప ఎన్నికల్లో పార్టీ తప్పనిసరిగా విజయం సాధించాలని స్పష్టమైన దిశానిర్దేశం చేశారు. ఈ సమావేశంలో పార్టీ వర్కింగ్ ప్రెసిడెంట్ కేటీఆర్‌తో పాటు సీనియర్ నేతలు హరీశ్ రావు, మహమూద్ అలీ, పద్మారావు గౌడ్, సబితా ఇంద్రారెడ్డి తదితరులు పాల్గొన్నారు. ఉపఎన్నికల్లో పార్టీ గెలుపు కోసం వ్యూహాత్మక చర్చలు జరిగినట్లు సమాచారం. ప్రతి బూత్ స్థాయి నుండి కార్యాచరణ ప్రారంభించి, ఓటర్లతో ప్రత్యక్షంగా మమేకం కావాలని KCR సూచించినట్లు తెలుస్తోంది.

Jubilee Hills Bypoll: బిఆర్ఎస్ అభ్యర్థిని ప్రకటించిన కేసీఆర్

జూబ్లీహిల్స్ నియోజకవర్గానికి ప్రత్యేక ప్రాధాన్యత ఉందని, ఇక్కడ గెలుపు సాధిస్తే తెలంగాణ రాజకీయాల్లో BRS మరింత బలంగా నిలుస్తుందని KCR స్పష్టం చేశారు. పార్టీ తాత్కాలిక పరాజయాలపై నిరుత్సాహం చెందకుండా, క్రమశిక్షణతో పనిచేస్తే గెలుపు ఖాయమని ఆయన ధైర్యం చెప్పినట్లు వర్గాలు వెల్లడించాయి. ఉపఎన్నిక ఫలితాలు పార్టీ భవిష్యత్తు దిశను నిర్దేశించే అవకాశం ఉన్నందున, అందరూ ఒకే వేదికపై పని చేయాలని KCR పిలుపునిచ్చారు. ఈ సందర్భంగా కేటీఆర్, హరీశ్ రావు తదితర నేతలు కూడా తమ అభిప్రాయాలను పంచుకుని, పార్టీ శ్రేణులకు పూర్తి స్థాయి మద్దతు అందిస్తామని హామీ ఇచ్చారు.

Sharmila Meets CBN : సీఎం చంద్రబాబును కలవబోతున్న షర్మిల..ఎందుకంటే !!

ఇక ఈ ఉపఎన్నికలో పార్టీ తరఫున పోటీ చేసే అవకాశం లభించిన మాగంటి సునీత, తనపై నమ్మకం ఉంచినందుకు KCRకు కృతజ్ఞతలు తెలిపారు. తన భర్త మాగంటి గోపాల్‌ గౌడ్ అనుకోని మరణం తర్వాత ఖాళీ అయిన ఈ స్థానంలో, ప్రజల ఆశలను నెరవేర్చేందుకు కృషి చేస్తానని ఆమె హామీ ఇచ్చారు. ప్రజలతో మమేకమై, వారి సమస్యలను పరిష్కరించేందుకు కట్టుబడి ఉంటానని సునీత స్పష్టం చేశారు. ఈ క్రమంలో ఉపఎన్నికలో BRS గెలుపు సాధించడానికి ప్రతి కార్యకర్త తనవంతు పాత్ర పోషించాలని ఆమె పిలుపునిచ్చారు. జూబ్లీహిల్స్ ఉపఎన్నిక రాష్ట్ర రాజకీయాల్లో కీలక మలుపుగా మారబోతోందని విశ్లేషకులు అభిప్రాయపడుతున్నారు.

Follow us