Pawan : ఆక్రమణలను నివారించేందుకు కృషి చేస్తున్నాం – డిప్యూటీ సీఎం పవన్

Pawan Kalyan

ఆంధ్రప్రదేశ్ డిప్యూటీ ముఖ్యమంత్రి పవన్ కళ్యాణ్ ప్రకృతి పరిరక్షణపై ప్రత్యేక దృష్టి పెట్టారు. ప్రపంచ చిత్తడి నేలల దినోత్సవం సందర్భంగా ట్వీట్ చేసారు. ఈ ట్వీట్ లో పర్యావరణ పరిరక్షణ బాధ్యత ప్రభుత్వం మాత్రమే కాదు, ప్రజలందరిది కూడా అని స్పష్టం చేశారు. చిత్తడి నేలలు ప్రకృతిలో విలువైన పర్యావరణ వ్యవస్థలలో ఒకటని మరియు వాటి రక్షణకు ప్రత్యేక శ్రద్ధ అవసరమని ఆయన తెలిపారు.

ఆంధ్రప్రదేశ్ రాష్ట్రంలో 25,000 ఎకరాలకు పైగా చిత్తడి నేలలు ఉన్నాయని , ఈ చిత్తడి నేలలు పర్యావరణ సమతుల్యతను కాపాడడంలో ముఖ్యమైన పాత్ర పోషిస్తాయని అన్నారు. అయితే ఈ ప్రాంతాలు ఆక్రమణలకు గురవుతున్నాయని మరియు వాటి భౌగోళిక పరిమితులు అస్పష్టంగా ఉండడం వల్ల సమస్యలు ఏర్పడుతున్నాయని ఆయన తెలిపారు. ఈ సమస్యలను పరిష్కరించడానికి ప్రభుత్వం చర్యలు తీసుకుంటోందని ఆయన స్పష్టం చేశారు. చిత్తడి నేలల ఆక్రమణలను నివారించేందుకు ప్రభుత్వం కృషి చేస్తోందని పవన్ కళ్యాణ్ తెలిపారు. ఈ ప్రాంతాల భౌగోళిక పరిమితులను కచ్చితంగా నిర్ధారించడం ద్వారా, వాటిని రక్షించడానికి ప్రయత్నాలు జరుగుతున్నాయని ఆయన పేర్కొన్నారు. చిత్తడి నేలలు పర్యావరణ వ్యవస్థకు ముఖ్యమైనవి కాబట్టి, వాటిని కాపాడటం ప్రతి ఒక్కరి బాధ్యత అని ఆయన ప్రజలను కోరారు.

Follow us