Lottery: ఇది కదా అదృష్టం అంటే.. రాత్రికి రాత్రే అన్ని వేల కోట్లు గెలుచుకున్న వ్యక్తి?

అదృష్టం ఎప్పుడు ఎలా వర్తిస్తుందో చెప్పడం చాలా కష్టం. ఎందుకంటే ఒక్కొక్కసారి అదృష్టం ఉంటే రాత్రికి రాత్రి కోటీశ్వరులు అయిపోతూ ఉంటారు. అదృష్టం కోటీశ్వరులు అంటే మనకు గుర్తుకు వచ్చేది లాటరీ. ఈ లాటరీలు తగలడం వల్ల ఇప్పటికే ఎంతోమంది రాత్రికి రాత్రే కోటీశ్వరులుగా మారిపోయిన వారు ఉన్నారు. తాజాగా ఒక వ్యక్తికి లాటరీ తగిలింది. పూర్తి వివరాల్లోకి.. ఒక అమెరికాకు చెందిన వ్యక్తికి అదృష్టం వరించింది. ఏకంగా అతడు జాక్ పాట్ కొట్టాడు. రూ.13 వేల కోట్ల విలువ చేసే లాటరీ అతడిని వెతుక్కుంటూ వచ్చింది.

అమెరికా హిస్టరీలోనే అతిపెద్ద మూడో ప్రైజ్ మనీ అందించే ఈ లాటరీని మంగళవారం డ్రా తీశారు. అయితే ఇందులో ఫ్లొరిడాకు చెందిన వ్యక్తికి 1.58 బిలియన్ డాలర్ల లాటరీ తగిలింది. అనగా మన ఇండియన్ కరెన్సీలో దాదాపు 13 వేల 082 కోట్ల రూపాయలు. మెగా మిలియన్స్ గా పిలిచే ఈ లాటరీలో 13, 19, 20, 32, 33, 14 నెంబర్లు ఉన్న టికెట్లకు అదృష్టం వరించింది. వీరందరికీ భారీ మొత్తంలో ప్రైజ్ మనీ రానుంది. అయితే 1.58 బిలియన్ డాలర్లు గెలుచుకున్న వ్యక్తి ఎవరనేది ఇంకా తెలియరాలేదు. అతడిని గుర్తింపును ఇంకా ఆ సంస్థ వెల్లడించలేదు.

అయితే ఇంత పెద్ద మొత్తంలో ప్రైజ్ మనీని గెలుచుకున్నప్పటికీ అతడికి ఒకే సారి ఈ డబ్బులు అందవు. వీటిని అతడికి 30 ఏళ్ల పాటు ప్రతీ ఏడాది కొంత మొత్తంగా అందజేస్తారు. ఒక సారి కావాలంటే కూడా అందిస్తారు. కానీ దానికి ఒక కండీషన్ వర్తిస్తుంది. ఒకే సారి డబ్బులు కావలంటే అందులో సగం మాత్రమే ఇస్తారు. దాదాపుగా 783.3 మిలియన్ డాలర్లే అందజేస్తారు. భారత కరెన్సీలో చెప్పాలంటే రూ.6,488 కోట్లు మాత్రమే చెల్లిస్తారు. మరి ఆ విజేత ఏ ఆప్షన్ ఎంచుకుంటాడో తెలియాల్సి ఉంది.