Atractive employer: అత్యంత ఆకర్షణీయ కంపెనీగా టాటా పవర్.. తర్వాత స్థానాలలో ఆ కంపెనీలు?

Atractive Employer

తాజాగా టాటా గ్రూప్ కి చెందిన టాటా పవర్ దేశంలోనే అత్యంత ఆకర్షణీయ కంపెనీగా నిలిచింది. ఇక రెండవ అత్యంత ఆకర్షణీయ కంపెనీగా ఇ – కామర్స్ దిగ్గజం అమెజాన్ సంస్థ నిలిచింది. ఆ తర్వాత మూడవ స్థానంలో టాటా గ్రూప్ కి చెందిన టాటా స్టీల్ నిలిచింది. కాగా ఈ మేరకు హెచ్‌ఆర్‌ సర్వీస్‌ ప్రొవైడర్‌ ర్యాండ్‌ స్టాడ్‌ ఇండియా.. ర్యాండ్‌ స్టాడ్‌ ఎంప్లాయిర్‌ బ్రాండ్‌ రీసెర్చి 2023 పేరుతో వార్షిక నివేదికను వెల్లడించింది.

ఆ నివేదికలో ఆర్థిక పరిపుష్టి, మంచి పేరు, ఉద్యోగంలో ఎదిగేందుకు ఉన్న అవకాశాలు వంటివి టాటా పవర్‌ను అగ్రస్థానంలో నిలబెట్టేందుకు దోహదం చేశాయని తెలిపింది. 2022లో ఈ కంపెనీ 9వ ర్యాంకు సాధించింది. అమెజాన్‌, టాటా స్టీల్‌ ఈ విషయంలో రెండు, మూడు స్థానాల్లో నిలిచాయి. ఆ తర్వాత టాటా కన్సల్టెన్సీ సర్వీసెస్‌, మైక్రోసాఫ్ట్‌, శాంసంగ్‌ ఇండియా, ఇన్ఫోసిస్‌, టాటా మోటార్స్‌, ఐబీఎం, రిలయన్స్‌ ఇండస్ట్రీస్‌ సంస్థలు టాప్‌-10లో స్థానాన్ని దక్కించుకున్నాయి.

కాగా స్టార్టప్‌ కంపెనీల్లో బిగ్‌ బాస్కెట్‌ అత్యంత ఆకర్షణీయ కంపెనీగా నిలిచింది. తాజాగా ర్యాండ్‌స్టాడ్‌ ప్రపంచవ్యాప్తంగా మొత్తం 1.63 లక్షల మందిపై ఈ సర్వేను నిర్వహించింది. 32 మార్కెట్లు, 75 శాతం గ్లోబల్‌ ఎకానమీని కవర్‌ చేస్తూ సర్వే చేసింది. ఇక భారత్‌ విషయానికొస్తే.. ఉద్యోగి కంపెనీని ఎంచుకునేముందు వర్క్‌, లైఫ్‌ బ్యాలెన్స్‌, కంపెనీకి ఉన్న పేరు, ఆకర్షణీయ వేతనం, ఇతర ప్రయోజనాలు అంశాల ఆధారంగా నిర్ణయం తీసుకుంటున్నారని నివేదికలో పేర్కొంది. మరి ముఖ్యంగా మహిళా ఉద్యోగులు వర్క్‌-లైఫ్‌ బ్యాలెన్స్‌కు అధిక ప్రాధాన్యం ఇస్తున్నట్లు పేర్కొంది. మరో పనిచేసుకోవడానికి, అదనపు ఆదాయం సమకూర్చుకోవడానికి అనుమతిస్తే ఆ కంపెనీకే జై కొడతామని 91 శాతం మంది అభిప్రాయం వ్యక్తం చేశారు.

Follow us