Hanuman: హనుమాన్ మూవీకి రవితేజ వాయిస్ ఓవర్

Hanuman

Hanuman: ఇప్పటికే పలు చిత్రాల్లో తన వాయిస్‌ ఓవర్‌తో రవితేజ (Ravi teja) అలరించిన సంగతి తెలిసిందే. ఇప్పుడు ‘హను-మాన్‌’లో మరోసారి తన వాయిస్‌తో ఆకట్టుకోవడానికి సిద్ధమయ్యారు. ఈ చిత్రంలో కోటి అనే కోతి పాత్రకు ఆయన వాయిస్‌ అందించనున్నారు. ఆ విషయాన్ని తెలుపుతూ మూవీ యూనిట్‌ ట్వీట్‌ చేసింది. రవితేజ ఈ సినిమాలో భాగం కావడంతో ఎంటర్‌టైన్‌మెంట్‌ పదిరెట్లు పెరగనున్నట్లు తెలిపింది. ఇటీవల విడుదల చేసిన ‘హను-మాన్‌’ ట్రైలర్‌కు భారీ స్పందన వచ్చింది.

యంగ్‌ హీరో తేజ సజ్జ నటిస్తోన్న సినిమా ‘హను-మాన్‌’ (Hanu Man). ప్రశాంత్ వర్మ దర్శకత్వంలో తెరకెక్కుతోన్న ఈ చిత్రం సంక్రాంతి కానుకగా జనవరి 12న విడుదల కానుంది. కొన్ని రోజులుగా వారానికో అప్‌డేట్‌ను అందిస్తోన్న చిత్రబృందం నేడు కూడా దీనికి సంబంధించిన ఓ వార్తను వెల్లడించింది. ఈ సినిమాలో రవితేజ భాగమైనట్లు తెలిపింది. అంజనాద్రి అనే ఓ కల్పిత ప్రదేశం నేపథ్యంలో సాగే చిత్రమిది.

Follow us