Bheemla Nayak: పవన్ ‘భీమ్లా నాయక్’ విడుదలకు డేట్ ఫిక్స్..!

bheemla nayak

పవర్​స్టార్ పవన్​ కళ్యాణ్ నటించిన ‘భీమ్లా నాయక్​’ సినిమా కోసం ఆయన అభిమానులతో పాటు ప్రేక్షకులు ఎంతగా ఎదురు చూస్తున్నారో మనందరికీ తెలిసిన విషయమే. ఈ ఏడాది సంక్రాంతి సందర్భంగా జనవరి 12న విడుదల కావాల్సిన ఈ సినిమా… ‘RRR’, ‘రాధేశ్యామ్’ సినిమాల కోసం వాయిదా పడాల్సి వచ్చింది. దీంతో పవన్ ఫ్యాన్ తీవ్ర అసంతృప్తికి లోనయ్యారు. కరోనా పరిస్థితులు కూడా ఇంకో కారణంగా చెప్పవచ్చు. అయితే ఎట్టకేలకు ‘భీమ్లా నాయక్’ మూవీకి సంబంధించిన కొత్త రిలీజ్​ డేట్​ను ప్రకటించింది చిత్రబృందం. ఫిబ్రవరి 25న థియేటర్లలో రిలీజ్ చేయనున్నట్లు ప్రకటించింది.
మలయాళ హిట్ ‘అయ్యప్పనుమ్ కోశియుమ్’కు రీమేక్​గా తెరకెక్కుతున్న ఈ సినిమాలో పవన్​ పవర్ ఫుల్ పోలీస్​ ఆఫీసర్ గా నటిస్తున్నారు. అతడిని ఢీ కొట్టే పాత్రలో రానా దగ్గుబాటి కనిపించనున్నారు. సితార ఎంటర్టైన్మెంట్ బ్యానర్లో సూర్యదేవర నాగవంశీ ఈ సినిమాను నిర్మిస్తున్నారు. ఫిబ్రవరి 25న ప్రపంచవ్యాప్తంగా అత్యధిక థియేటర్లలో విడుదల చేయబోతున్నారు మూవీ మేకర్స్. హిందీలో కూడా అదే రోజు విడుదల చేసేందుకు సన్నాహాలు చేస్తున్నారు.

Follow us