Alia-Ranbir Wedding : రణబీర్ కపూర్, ఆలియా భట్ పెళ్లి వేడుక షురూ

బాలీవుడ్ లాంగ్ టైమ్ లవ్ బర్డ్స్ రణబీర్ కపూర్, ఆలియా భట్ మరికొన్ని గంటల్లో మూడు ముళ్ల బంధంతో ఒకటి కానున్నారు. వీళ్ల పెళ్లి తంతు షురూ అయ్యింది. బుధవారం ఉదయం నుంచి రణబీర్-ఆలియా పెళ్లికి సంబంధించిన పూజలు మొదలయ్యాయి. ముందుగా పితృ చేసిన తర్వాత…మెహందీ ఫంక్షన్ ప్రారంభించారు. ముంబైలోని బాంద్రాలో ఉన్న రణబీర్ ఇంట్లోనే ఈ పెళ్లి వేడుక జరగునుంది. ఈ మేరకు అక్కడ ఏర్పట్లన్నీ కూడా పూర్తయ్యాయి. గురువారం మధ్యాహ్నం మూడు గంటలకు ఇదే నివాసంలో రణబీర్-ఆలియా వివాహ బంధంతో ఒకటి కానున్నారు. ఆ తర్వాత మూడు రోజులకు బాలీవుడ్ ప్రముఖులకు తాజ్ హెటల్ లో ఈ జంట పార్టీ ఇవ్వబోతోంది.

నీతూకపూర్, రిద్దిమా కపూర్ సాహ్ని..రణబీర్-ఆలియా వివాహం గురువారం జరుగుతుందని మీడియాతో తెలిపారు. తన కోడలు గురించి నీతూ కపూర్ ను అడిగినప్పుడు మైన్ క్యా బోలో , షీ ఈజ్ ది బెస్ట్ అంటూ చెప్పింది. ఇక మెహందీ ఫంక్షన్ కు వైట్ కలర్ శారీలో నీతూ కపూర్ దగదగ మెరిసిపోయారు. బ్లాక్ అండ్ వైట్ కలర్ సారీ లో రిద్దిమా కపూర్ అందర్నీ ఆశ్చర్యపరిచింది. ఈ వేడుకలో కరీనాకపూర్, కరిష్మాకపూర్, కరణ్ జోహార్, పూజాభట్, మహేశ్ భట్, సోనీ రజ్దాన్ తోపాటు పలువురు ప్రముఖులు, కుటుంబ సభ్యులు హాజరయ్యారు. ఇక అటు ఇటుగా ఓ 40-45 మంది కుటుంబ సభ్యుల మధ్య గుంభనంగా రణబీర్ -ఆలియాల వివాహం జరగబోతోంది.

https://twitter.com/karanjohar/status/1514109443121635331