HBD Janhvi: శ్రీవారి సేవలో జాన్వీ కపూర్.. వీడియో వైరల్!
జాన్వీ కపూర్ తన పుట్టినరోజు సందర్భంగా దేవుడి ఆశీర్వాదం కోసం తిరుమల తిరుపతికి చేరుకుంది.
- By Balu J Published Date - 01:06 PM, Sun - 6 March 22
జాన్వీ కపూర్ తన పుట్టినరోజు సందర్భంగా దేవుడి ఆశీర్వాదం కోసం తిరుమల తిరుపతికి చేరుకుంది. బాలీవుడ్‌లో తన నటనతో ఆకట్టకున్న జాన్వీ ఆధ్యాత్మిక సేవలో తరిస్తూ తన పుట్టినరోజును జరుపుకుంటోంది. ప్రస్తుతం సోషల్ మీడియాలో ఓ వీడియో వైరల్ అవుతోంది. ఇందులో శ్రీదేవి గారాలబిడ్డ జాన్వీ తిరుపతి బాలాజీని సందర్శించిన వీడియోను చూడొచ్చు. జాన్వీకి దేవుడంటే చాలా నమ్మకం. అందుకే ఆమె తరచుగా వేంకటేశ్వర స్వామిని చూసేందుకు వస్తుంది. జాన్వీ గుడి ముందు నిల్చుని వేంకటేశ్వరుడికి మొక్కుతుంది. తిరుమలకు వచ్చిన జాన్వీ సౌత్ ఇండియన్ లుక్‌లో కనిపించింది. ఆకుపచ్చ చీరలో చాలా అందంగా ఉంది. అయితే కరోనా నిబంధనలను పాటిస్తూ మాస్క్ ధరించి కనిపించింది.
ఆమెతో పాటు కొందరు కుటుంబ సభ్యులు, స్నేహితులు కూడా ఉన్నారు. బాలాజీని దర్శించుకున్న తర్వాత జాన్వీ కపూర్ కూడా ప్రసాదం తీసుకున్నారు. ఆ తర్వాత ఆమె కారులో కూర్చుని అక్కడి నుండి బయలుదేరింది. శ్రీదేవి దక్షిణాది కుటుంబానికి చెందిన వ్యక్తి అని అందరికీ తెలిసిందే. జాన్వీ 1997 మార్చి 6న ముంబైలో జన్మించింది. ధడక్ సినిమాతో బాలీవుడ్‌లోకి అడుగుపెట్టింది. జాన్వీ మొదటి సినిమా హిట్టయ్యింది. అప్పటి నుండి ఆమె చాలా చిత్రాలలో కనిపించింది. ప్రేక్షకులు ఆమెను ప్రతిసారీ ఇష్టపడుతున్నారు.
అయితే జాన్వీ పుట్టినరోజున మాత్రమే కాకుండా, ఇతర అకేషన్స్ లోనూ తిరుమలకు వస్తుంటారు. ఆమెకు చిన్నప్పట్నుంచే వేంకటేశ్వరుడి స్వామి పట్ల భక్తి ఎక్కువ. అయితే ఓ ఇంటర్వ్యూలో తిరుమల గురించి మాట్లాడుతూ… తనకు లార్డ్ బాలజీ అంటే చాలా ఇష్టమని, భవిష్యత్తులో మనసుకు నచ్చిన వ్యక్తిని పెళ్లి చేసుకొని, తిరుమల సమీపంలో సెటిల్ అవుతానని తన మనసులోని మాట బయటపెట్టింది జాన్వీ.
25वें बर्थडे पर तिरुपति बालाजी मंदिर पहुंचीं जाह्नवी कपूर, वायरल हुआ वीडियो#JanhviKapoor #ViralVideo pic.twitter.com/SVFuzAioBD
— Zee News (@ZeeNews) March 6, 2022
