Hurricane Idalia: అమెరికాకు తప్పని ముప్పు.. ముంచుకొస్తున్న ఇడాలియా?
ప్రస్తుతం అమెరికా ఒకదాని తర్వాత ఒకటి వరుస విపత్తులతో అతలాకుతులమవుతోంది. వరుస విపత్తులు అమెరికాను వేధిస్తున్నాయి. హరికేన్ ఇడాలియా,
- By Nakshatra Published Date - 04:40 PM, Wed - 30 August 23
ప్రస్తుతం అమెరికా ఒకదాని తర్వాత ఒకటి వరుస విపత్తులతో అతలాకుతులమవుతోంది. వరుస విపత్తులు అమెరికాను వేధిస్తున్నాయి. హరికేన్ ఇడాలియా, ఫ్లోరిడా తీరంవైపు దూసుకొస్తోంది. గల్ఫ్ ఆఫ్ మెక్సికోలో ఏర్పడిన వాతావరణ పరిస్థితుల కారణంగా ఈ హరికేన్ ప్రస్తుతం కేటగిరీ-3 తుపానుగా మారింది. కొద్దిగంటల్లో ఇది ఫ్లోరిడా తీరాన్ని తాకనుంది. దాంతో లోతట్టు ప్రాంత ప్రజలను స్థానిక యంత్రాంగం సురక్షిత ప్రాంతాలకు తరలిస్తోంది. ఇప్పటికే లోతట్టు ప్రాంతాల ప్రజలకు హెచ్చరికలను జారీ చేసింది.
ఈ హరికేన్ కారణంగా 120 mph వేగంతో బలమైన గాలులు వీస్తున్నాయి. ఈ హరికేన్ ప్రమాదకర తుపానుగా మారడంతో తీరాన్ని తాకే వేళ బీభత్సం సృష్టిస్తుందని జాతీయ వాతావారణ శాఖ హెచ్చరించింది. ఇది కేటగిరీ 4గానూ మారే అవకాశం ఉందని అధికారులు అంచనా వేస్తున్నారు. కాగా ఈ సమయంలో సూపర్ మూన్ అధికారులను మరింత కలవరపెడుతోంది. హరికేన్ తీరాన్ని తాకే వేళ ఈ బ్లూ మూన్ ఏర్పడుతుండటంతో తుపాను తీవ్రత మరింత పెరగనుందని ఆందోళన వ్యక్తం అవుతోంది.
జాబిల్లి చంద్రుడికి సమీపించిన సమయంలో గురుత్వాకర్షణ తీవ్రత అధికంగా ఉండటంతో సముద్రం ఆటుపోట్లకు గురవుతుంది. ఇప్పుడు ఈ పౌర్ణమి ఎఫెక్ట్ ఫ్లోరిడాతో పాటు జార్జియా, సౌత్ కరోలినాపై కూడా ఉండే అవకాశముందని వాతావరణ శాఖ అంచనా వేస్తోంది. ఈ వాతావరణ పరిస్థితుల నేపథ్యంలో విపత్తు నిర్వహణ సిబ్బందిని అప్రమత్తంగా ఉంచినట్లు ఫ్లోరిడా గవర్నర్ రాన్ డిసాంటిస్ వెల్లడించారు.
Related News
Donald Trump: అమెరికా మాజీ అధ్యక్షుడు ట్రంప్ కీలక వ్యాఖ్యలు.. వారిని అమెరికా నుంచి తరిమేస్తాం..!
నవంబర్లో అమెరికాలో అధ్యక్ష ఎన్నికలు జరగనున్నాయి. ఈ ఎన్నికలకు సంబంధించి ఇప్పటికే వాతావరణం ఉత్కంఠగా మారింది.