Google: ఉద్యోగులకు షాకిచ్చిన గూగుల్.. 12వేల మంది ఇంటికి!

Google: మనకు ఎలాంటి ప్రశ్న వచ్చినా సమాధానం కోసం గూగుల్ ని చూస్తుంటాం. ప్రపంచంలోనే ఎక్కువ మంది వాడుతున్న సెర్చింజన్ గా గూగుల్ ఉంది. ఇక గూగుల్ లో లక్షల మంది ఉద్యోగులు పని చేస్తున్నారు. గూగుల్ లో ఉద్యోగం అంటే ప్రభుత్వ ఉద్యోగం కన్నా ఎక్కువ అని, అక్కడ ఉద్యోగులను ఎంతో గౌరవంగా చూస్తారని, ఉద్యోగులకు సకల సదుపాయాలు ఉంటాయని మందు నుండి వినిపిస్తున్న మాటలు. అయితే తాజాగా గూగుల్ ఉద్యోగులకు షాక్ ఇచ్చింది.

గూగుల్ మాతృసంస్థ అయిన ఆల్బాబెట్ షాకింగ్ నిర్ణయం తీసుకుంది. గూగుల్ లో పని చేస్తున్న దాదాపు 12 వేల మంది ఉద్యోగులను తొలగిస్తున్న కంపెనీ తెలిపింది. ఈ మేరకు గూగుల్ సీఈవో సుందర్ పిచాయ్ ఉద్యోగులకు ఇ-మెయిల్ ద్వారా విషయాన్ని చేరవేశాడు. ఖర్చులను తగ్గించుకోవడంతో పాటు ప్రతిభను, మూలధనాన్ని అధిక ప్రాధాన్యతల వైపు మళ్లించడంపై దృష్టి సారించాల్సిన సమయం ఆసన్నమైందని ఇ-మెయిల్ లో సుందర్ పిచాయ్ వివరించారు.

గూగుల్ 12వేల మంది ఉద్యోగులను తొలగించగా..రిక్రూటింగ్, కార్పోరేట్ కార్యకలాపాలు, ఇంజినీరింగ్. ప్రొడక్ట్స్ టీమకు చెందిన వివిధ విభాగాలకు చెందిన ఉద్యోగులు ఇందులో ఉన్నట్లు తెలుస్తోంది. అమెరికాతో సహా ప్రపంచవ్యాప్తంగా ఉద్యోగుల తొలగింపులు ఉండబోతున్నట్లు గూగుల్ తెలిపింది. ఉద్యోగుల తొలగించు అమెరికాలో వెంటనే ప్రభావంలోకి వస్తుందని, స్థానిక పరిస్థితులను బట్టి వివిధ దేశాల్లో అమల్లోకి వస్తుందని తెలుస్తోంది.

కాగా ఉద్యోగులను తొలగించిన గూగుల్.. తమ ఉద్యోగులు వేరే ఉద్యోగం చూసుకునేంత వరకు వారికి అండగా ఉంటున్నట్లు ప్రకటించింది. ఇందుకు కావాల్సిన సాయం చేస్తామని పేర్కొంది. అమెరికాలో 60రోజుల పూర్తి నొటిఫికేషన్ కాలానికి జీతం చెల్లించనున్నట్లు గూగుల్ ప్రకటించింది. అలాగే కాంపన్షేషన్ కింద 16 వారాల జీతంతో పాటు గూగుల్ పని చేసిన ఏడాదికి రెండు వారాల చొప్పున ఇస్తామంది. అయితే అమెరికాలో ఈ నిబంధనలు అమలు చేయనుండగా..వివిధ దేశాల్లో స్థానిక పరిస్థితులను బట్టి కాంపన్షేషన్ ప్రకటిస్తామంది.