World Lion Day 2025 : సింహాలు ప్రతిరోజు ఎన్ని కేజీల మాంసం తింటాయో తెలుసా..?
World Lion Day 2025 : సింహాల ప్రాధాన్యతను, వాటి మనుగడకు ఉన్న అవసరాన్ని గుర్తించి వాటి గురించి అవగాహన కల్పించే ఉద్దేశంతో 2013లో ఈ దినోత్సవాన్ని ప్రారంభించారు
- By Sudheer Published Date - 11:26 AM, Sun - 10 August 25
ప్రపంచ వ్యాప్తంగా ఆగస్టు 10న ప్రపంచ సింహాల దినోత్సవాన్ని (World Lion Day) జరుపుకుంటారు. సింహాల ప్రాధాన్యతను, వాటి మనుగడకు ఉన్న అవసరాన్ని గుర్తించి వాటి గురించి అవగాహన కల్పించే ఉద్దేశంతో 2013లో ఈ దినోత్సవాన్ని ప్రారంభించారు. ఈ సందర్భంగా సింహాల గురించి కొన్ని ఆసక్తికరమైన విషయాలను తెలుసుకుందాం. సింహాలు ప్రతిరోజు 7-8 కిలోల మాంసం తింటాయి. నీరు లేకుండా నాలుగు రోజుల వరకు జీవించగలిగేవి, ఒక రోజులో దాదాపు 20 గంటల పాటు విశ్రాంతి తీసుకుంటాయి. గంటకు 80 కిలోమీటర్ల వేగంతో పరుగెత్తే సింహాలు, 36 అడుగుల దూరం వరకు దూకగలవు. వీటి బరువు 150 నుంచి 250 కిలోల వరకు ఉంటుంది. అడవికి రారాజులైనప్పటికీ, ఇవి ఎక్కువగా మైదానాల్లో జీవించేందుకే ఇష్టపడతాయి.
దంతాల వల్ల సింహాలు చనిపోతాయా?
సాధారణంగా సింహం, పులి వంటి మాంసాహార జంతువులు తమ దంతాల సహాయంతోనే వేటాడి ఆహారాన్ని తింటాయి. అయితే, చాలామందికి తెలియని విషయం ఏంటంటే.. సింహాలు కూడా మనుషుల మాదిరిగానే దంతక్షయంతో బాధపడతాయి. ఈ దంతాల సమస్యల కారణంగా అవి మరణించే అవకాశం కూడా ఉందని నిపుణులు చెబుతున్నారు. పిల్లి జాతికి చెందిన జంతువుల లాలాజలంలో అధిక pH విలువ ఉండటం వల్ల వాటి దంతాలకు పుచ్చు పట్టే సమస్య చాలా తక్కువగా ఉంటుంది. అయినప్పటికీ, కొన్ని సందర్భాల్లో సింహాల దంతాలు దెబ్బతిని, పుచ్చిపోవడం వల్ల ఇన్ఫెక్షన్లు వ్యాప్తి చెంది అవి చనిపోతాయి.
Congress : జూబ్లీహిల్స్ ఉపఎన్నికలు గెలుపు కోసం పక్కా వ్యూహంతో కాంగ్రెస్..హోంమంత్రి పదవి ‘ఆఫర్’
దంత సమస్యలు – మనుగడకు సవాలు
అడవిలో జీవించే సింహాలు వేటాడేందుకు ఆరోగ్యవంతమైన దంతాలు చాలా అవసరం. ఒకవేళ ప్రమాదాల వల్ల లేదా వయస్సు పెరగడం వల్ల వాటి దంతాలు కుళ్ళిపోవడం లేదా ఊడిపోవడం జరిగితే ఆహారం తినడం కష్టం అవుతుంది. ఇలా ఆహారం సరిగా తీసుకోకపోవడం వల్ల వాటి ఆరోగ్యం క్రమంగా క్షీణించి చివరకు మరణానికి దారితీస్తుంది. ఈ విధంగా దంత సమస్యలు సింహాల మనుగడకు ఒక పెద్ద సవాలుగా మారుతాయి.
జంతు ప్రదర్శనశాలల్లో సింహాల జీవితం
అడవి సింహాలతో పోలిస్తే, జంతు ప్రదర్శనశాలల్లోని సింహాలు ఎక్కువ కాలం జీవిస్తున్నాయి. దీనికి ప్రధాన కారణం అక్కడ వాటికి మృదువైన ఆహారం లభించడం వల్ల దంత సమస్యలు తక్కువగా ఉంటాయి. అంతేకాకుండా, జూలో పశువైద్యులు అందుబాటులో ఉండి, ఎప్పటికప్పుడు జంతువుల ఆరోగ్య పరిస్థితిని పర్యవేక్షిస్తారు. అవసరమైనప్పుడు దంతాల చికిత్స కూడా చేస్తారు. కానీ అడవుల్లో ఈ సదుపాయాలు ఉండవు. అందువల్ల, దంతాల ఇన్ఫెక్షన్ల వల్ల అడవి సింహాల సంఖ్య తగ్గుతోందని నిపుణులు విశ్లేషిస్తున్నారు. ఈ అంశాలు సింహాల సంరక్షణలో దంతాల ఆరోగ్యం యొక్క ప్రాధాన్యతను నొక్కి చెబుతున్నాయి.
AP Free Bus For Women : మహిళలకు బిగ్ షాక్.. ఆ బస్సుల్లో..ఆ రూట్లలో ఉచిత ప్రయాణం లేనట్లేనా..?
