Gold Missing : ఏంటి మీ బంగారం పోయిందా..? అయితే మీరు పెనుప్రమాదంలో పడబోతున్నట్లే..!!
Gold Missing : ఇది కేవలం వస్తువు కోల్పోవడమే కాకుండా, ఆర్థిక, మానసిక సమస్యలకు సంకేతంగా మారవచ్చని పండితులు హెచ్చరిస్తున్నారు.
- By Sudheer Published Date - 01:14 PM, Sat - 19 July 25
బంగారం అంటే ప్రతి కుటుంబానికి ప్రత్యేకమైన భావోద్వేగం ఉంటుంది. అది కేవలం ఆభరణంగా కాకుండా, మన సంపదకు, అదృష్టానికి, లక్ష్మీదేవి అనుగ్రహానికి ప్రతీకగా భావిస్తారు. అలాంటి బంగారం ఆకస్మాత్తుగా ఇంట్లో నుంచి పోయిందంటే అది చాలామందిని కలవరపెడుతుంది. చాలామంది దీనిని ఓ అసాధారణ సంఘటనగా కాకుండా, భవిష్యంలోని కష్టాలకి సంకేతంగా పరిగణిస్తారు. ఇది కేవలం వస్తువు కోల్పోవడమే కాకుండా, ఆర్థిక, మానసిక సమస్యలకు సంకేతంగా మారవచ్చని పండితులు హెచ్చరిస్తున్నారు.
వాస్తు శాస్త్రం ప్రకారం.. ఇంట్లోని దక్షిణ-తూర్పు మూలం (అగ్నికోణం) సంపద, శక్తి, ఆరోగ్యానికి ప్రతినిధిగా ఉంటుంది. ఈ దిక్కులో చెత్త నిల్వ చేయడం, పొరుగున వాస్తు విరుద్ధ నిర్మాణాలు ఉండడం వంటివి, ఇంట్లో శుభశక్తి క్షీణించడానికి దారి తీస్తాయని నిపుణులు చెబుతారు. ఫలితంగా ఇంట్లో విలువైన వస్తువులు మాయమవడం, బంగారం పోవడం వంటి సంఘటనలు జరుగవచ్చు. ఇది ఇంట్లో కలహాలు, ఒత్తిడి, అనారోగ్యం వంటి అనేక సమస్యలకు ఊతమిచ్చేలా పని చేస్తుంది. అంటే బంగారం పోవడం అనేది ఆ ఇంట్లో శక్తుల సమతుల్యత దెబ్బతిన్నదనే సంకేతంగా భావించవచ్చు.
జ్యోతిష్య శాస్త్రానుసారం.. రాహు, కేతు వంటి గ్రహాలు శుభ గ్రహాలైన బుధ, గురు, సూర్యులపై ప్రతికూలంగా ప్రభావం చూపినపుడు, ఆర్థిక నష్టాలు, ఆస్తి నష్టం, బంగారం పోవడం వంటి అనేక సమస్యలు ఎదురయ్యే అవకాశముందని చెబుతారు. ఇది వ్యక్తిగత గ్రహ దశలు, గోచారాల ఆధారంగా నిర్ణయించబడుతుంది. ముఖ్యంగా, శనిగ్రహ దోషం ఉన్నపుడు, ఆదాయం తగ్గడం, ఖర్చులు పెరగడం, విలువైన వస్తువులు పోవడం వంటి అనుభవాలు ఎదురవుతాయి. ఇది ఒక రకంగా జాగ్రత్తగా ఉండాలన్న హెచ్చరికగా పరిగణించవచ్చు.
ఈ పరిస్థితులను ఎదుర్కొనడానికి కొన్ని వాస్తు మరియు ఆధ్యాత్మిక పరిష్కారాలు ఉన్నాయి. ముఖ్యంగా, అగ్నికోణాన్ని శుభ్రంగా ఉంచటం, అక్కడ ఎరుపు రంగు వస్తువులు లేదా ప్రకాశవంతమైన దీపాలను వెలిగించటం మంచిదని నిపుణులు సూచిస్తున్నారు. అలాగే, తులసి మొక్కను పెంచటం, ఇంట్లో శుభ వాతావరణాన్ని కలిగించేందుకు శ్లోకాల పారాయణం చేయడం, ధూపదీపాలు వేయడం ద్వారా నెగటివ్ ఎనర్జీని తగ్గించవచ్చు. ఇలా చేయడం వల్ల ఆర్థికంగా, మానసికంగా సానుకూలత ఏర్పడుతుంది. అందుకే బంగారం పోయిందంటే గుండెల్లోనుంచి ఆందోళనకే కాదు, ఇంట్లోని శక్తులను సమతుల్యం చేయాలన్న హెచ్చరికగా భావించి జాగ్రత్తలు తీసుకోవాలి.
