Khasta Kachori: వేడివేడిగా స్నాక్స్ తినాలని అనుకుంటున్నారా.. ఖస్తా కచోరీ ట్రై చేయాల్సిందే?

మామూలుగా సాయంత్రం అయింది అంటే చాలు కాదు చిన్నపిల్లల నుంచి పెద్దవారి వరకు ప్రతి ఒక్కరు కూడా ఏదైనా స్నాక్స్ తినాలని అనుకుంటూ ఉంటారు. అయితే ఎప్పుడూ ఒకే విధమైన స్నాక్స్ కాకుండా ఏదైనా స్పైసీగా కరకరలాడే విధంగా సరికొత్త రెసిపీలు ట్రై చేయాలని అనుకుంటూ ఉంటారు. ఇంట్లో స్త్రీలు కూడా భర్తలకు పిల్లలకు ఏదైనా కొత్తగా తయారుచేసి పెట్టాలని అనుకుంటూ ఉంటారు. అలాంటి వారి కోసం ఈ రెసిపీ. క్రిస్పీగా టేస్టీగా ఉండే ఖస్తా కచోరీ ని ఇలా చేస్తే చాలు లొట్టలు వేసుకొని మరి తినేయాల్సిందే. మరి ఈ రెసిపీ ఎలా తయారు చేయాలి అన్న విషయానికి వస్తే..

ఖస్తా కచోరీకి కావాల్సిన పదార్థాలు:

మైదాపిండి – 1 కప్పు
పెసర పప్పు – 1కప్పు
శనగ పప్పు – 2 టేబుల్ స్పూన్స్
కారం పొడి – పావు టీ స్పూన్
జీలకర్ర – 1 టేబుల్ స్పూన్
సోంపు – 1 టేబుల్ స్పూన్
పసుపు – హాఫ్ టీ స్పూన్
కొత్తిమీర – 1 టీస్పూన్
ఇంగువ – చిటికెడు
యాలకుల పొడి – హాఫ్ టీ స్పూన్
నూనె – వేయించడానికి సరిపడా
ఉప్పు – రుచికి సరిపడా

ఖస్తా కచోరీ తయారీ విధానం:

ఇందుకోసం ముందుగా పెసరపప్పును మూడు గంటల పాటు నానబెట్టాలి. తర్వాత పప్పులో నీటిని తీసి మీక్సీలో మెత్తగా రుబ్బుకొని పక్కన పెట్టుకోవాలి. ఇప్పుడు మరో పాత్ర తీసుకుని అందులో మైదాపిండి వేసి ఒక టేబుల్ స్పూన్ నూనె, రుచికి సరిపడా ఉప్పు వేసి బాగా కలపాలి. కొద్దిగా నీరు పోస్తూ పిండిని గట్టిగా కలపాలి. తర్వాత దానిపై ఒక గుడ్డతో కప్పండి. ఇప్పుడు ఒక పాన్ తీసుకుని అందులో నూనె పోసి మీడియం మంట మీద వేడి చేయాలి. నూనె వేడెయ్యాక అందులో జీలకర్ర, పెసరపప్పు, ధనియాలు పొడి, కొత్తిమీర, ఎర్రకారం, పసుపు శెనగపిండి వేసి కలపాలి. అందులో శెనగపిండిని వేసినప్పుడు స్టౌ సిమ్ లో పెట్టండి. ఇప్పుడు ఈ మిశ్రమానికి ముందుగా గ్రైండ్ చేసి పక్కన పెట్టిన పెసరపప్పు పేస్టు వేసి కలుపుతూ ఉడికించండి. తర్వాత యాలకుల పొడి, ఉప్పు వేసి మరోసారి కలపండి. దగ్గరకు వచ్చిన తర్వాత తీసి పక్కన పెట్టండి. ఇప్పుడు కలిపి పక్కన పెట్టిన పిండిని తీసుకుని రౌండ్ బంతుల్లా తయారు చేసుకోండి. ఒక బంతిని తీసుకుని అర చేతిలో నొక్కి రౌండ్ చేసుకుండి. అందులో ఈ మిశ్రమాన్ని పెట్టి గ్రుండంగా చేయండి. అరచేతిలో ఉంచి అంచులను నొక్కి పూరి ఆకారంలో రోలో చేయండి. రోల్ చేసేప్పుడు కొద్దిగా మందంగా ఉండాలి. అన్నింటిని ఆ విధంగా చేసి కాగుతున్న నూనెలో వేయండి. మీడియం మంటపై వేయించండి. రెండు వైపులా బంగారు రంగు వచ్చేంత వరకు వేయించాలి. అంతే ఎంతో క్రిస్పీ క్రిస్పీ గా ఉండే ఖస్తా కచోరీ.