Coconut Oil: కొబ్బరి నూనెతో మీ అందాన్ని రెట్టింపు చేసుకోవచ్చని మీకు తెలుసా?
కొబ్బరి నూనెను ఉపయోగించి మీ చర్మ సౌందర్యాన్ని మరింత రెట్టింపు చేసుకోవచ్చని నిపుణులు చెబుతున్నారు. మరి అందుకోసం ఏం చేయాలి అన్న విషయానికి వస్తే..
- By Anshu Published Date - 03:54 PM, Mon - 16 December 24
కొబ్బరి నూనె వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. కొబ్బరి నూనెను చాలామంది వంటల తయారీలో కూడా ఉపయోగిస్తూ ఉంటారు. దీనిని తరచుగా ఉపయోగించడం వల్ల అనేక రకాల ప్రయోజనాలను కూడా పొందవచ్చు. అయితే ఎక్కువ శాతం కొబ్బరి నూనె బ్యూటీ కోసమే ఉపయోగిస్తూ ఉంటారు. చర్మసంరక్షణ కోసం హెయిర్ ప్రాబ్లమ్స్ కోసం వినియోగిస్తూ ఉంటారు. అయితే కొబ్బరి నూనె చర్మ సమస్యలను తగ్గించడంలో ఎంతో బాగా ఉపయోగపడుతుందట.
కొబ్బరి నూనె చర్మాన్ని హైడ్రేట్ గా ఉంచుతుంది. దీనిలోని ఔషద గుణాలు చర్మ ఆరోగ్యాన్ని కాపాడుతాయి. దీన్ని చర్మానికి అప్లై చేయడం వల్ల చర్మం కాంతివంతంగా, అందంగా కనిపిస్తుందట. కొబ్బరి నూనె చర్మ రంగును కూడా మెరుగుపరుస్తుందట. కొబ్బరి నూనె ఒక అద్భుతమైన మాయిశ్చరైజర్. ఇది చర్మానికి మంచి పోషణను అందించి, అలాగే చర్మాన్ని మృదువుగా, కాంతివంతంగా, హైడ్రేటెడ్ గా ఉంచుతుందట. ముఖ్యంగా పొడిగా, పొరలుగా ఉండే చర్మానికి కొబ్బరి నూనె మంచి ప్రయోజనకరంగా ఉంటుందని చెబుతున్నారు.
యాంటీ ఆక్సిడెంట్లు, విటమిన్లు కొబ్బరి నూనెలో పుష్కలంగా ఉంటాయట. ఇది ఫ్రీ రాడికల్స్ తో పోరాడటానికి సహాయపడుతుంది. దీన్ని ఉపయోగించి ముఖంపై ముడతలు, సన్నని గీతలు వంటి అకాల వృద్ధాప్య సంకేతాలను తగ్గిస్తుందని చెబుతున్నారు. అలాగే కొబ్బరి నూనె సున్నితమైన, సమర్థవంతమైన మేకప్ రిమూవర్ గా కూడా పనిచేస్తుందట. అలాగే ఇది చికాకు కలిగించకుండా మొండి మేకప్ ను, మలినాలను సులువుగా పోగొడుతుందని, దీంతో మీ చర్మం తాజాగా కనిపిస్తుందని చెబుతున్నారు. కొబ్బరి నూనెలో శోథ నిరోధక లక్షణాలు పుష్కలంగా ఉంటాయి. కొబ్బరి నూనెను ఉపయోగించి తామరను తగ్గించుకోవచ్చు. కొబ్బరి నూనె చర్మశోథ, వడదెబ్బలు వంటి చర్మపు చికాకులను కూడా తగ్గిస్తుందట. అలాగే చర్మం తొందరగా కోలుకోవడానికి కూడా సహాయపడుతుందని చెబుతున్నారు. అదేవిధంగా కొబ్బరి నూనెను క్రమం తప్పకుండా ఉపయోగించడం వల్ల చర్మ స్థితిస్థాపకత మెరుగుపడుతుందట. ఇది చర్మం మరింత యవ్వనంగా, ప్రకాశవంతంగా కనిపించేలా చేస్తుందట.
