Aratikaya Ava Kura: వెరైటీగా ఉండే అరటికాయ ఆవకూర.. ఇలా చేసుకోండి?

మామూలుగా మనం పండిన అరటిపండ్లను ఎంతో ఇష్టంగా తింటూ ఉంటాం. అయితే మార్కెట్లో మనకు పచ్చి అరటిపండ్లు కూడా అమ్ముతూ ఉంటారు. ఈ పచ్చి అరటికాయలను ఉపయోగించి అనేక రకాలు వంటలు కూడా చేస్తూ ఉంటారు. అరటి వేపుడు అరటి మసాలా కూర, అరటికాయ చిప్స్ లాంటివి కూడా చేస్తూ ఉంటారు. అయితే ఎప్పుడైనా అరటి ఆవకూర తిన్నారా. వినడానికే వెరైటీగా ఉన్న ఈ రెసిపీని ఇంట్లోనే ఎలా తయారు చేసుకోవాలో అందుకు ఏఏ పదార్థాలు కావాలో ఇప్పుడు మనం తెలుసుకుందాం..

అరటికాయ ఆవకూరకి కావలసిన పదార్దాలు :

అరటికాయలు – 2
పచ్చి మిర్చి – ౩
అల్లం ముక్కలు – కొద్దిగా
చింతపండు రసం – రుచికి సరిపడా
ఉప్పు – 1/2 చెంచాలు
పసుపు – చిటికెడు
ఇంగువ – సరిపడా
పోపుగింజలు – తగినన్ని
నూనె – తగినంత

అరటికాయ ఆవకూర తయారీ విధానం :

ఇందుకోసం ముందుగా అరటికాయలను తొక్క తీసి ముక్కలుగా చేసి ఉడికించి ప్రక్కన పెట్టుకోవాలి. ఆ తరువాత మూకుడులో నూనె వేసి తాలింపు దినుసులు వేసి మిర్చి, అల్లం, కరివేపాకు వేసి ఇష్టమైతే ఇంగువ కూడా జోడించి వేయించుకోవాలి. పోపు వేగాక అరటికాయ ముక్కలు వేసి పసుపు, ఉప్పు, చింతపండు రసం జోడించి మూతపెట్టి 5 నిమిషాలు ఉడికించుకోవాలి. తర్వాత కూర బాగా కలిపి ఆవపొడి లేక ఆవముద్ద కలిపి స్టవ్ ఆఫ్ చేసుకోవాలి. అంతే అరటికాయ ఆవకూర రెడీ.