Street Vendors : వీధి వ్యాపారులకు శుభవార్త.. రూ.30వేలతో యూపీఐ క్రెడిట్ కార్డులు
ఈ పథకం ద్వారా వీధి వ్యాపారులు(Street Vendors) రూ. 80,000 వరకు పూచీకత్తు లేని రుణాలు పొందొచ్చు.
- By Pasha Published Date - 12:12 PM, Sat - 1 February 25
Street Vendors : వీధి వ్యాపారులకు కేంద్ర బడ్జెట్ నుంచి గుడ్ న్యూస్ వినిపించింది. వారికి రూ.30వేలు విలువైన యూపీఐ లింక్డ్ క్రెడిట్ కార్డులను జారీ చేస్తామని ఆర్థిక మంత్రి నిర్మలా సీతారామన్ ప్రకటించారు. ఈ కార్డులలోని డబ్బులను వీధి వ్యాపారులు తమ వ్యాపార అవసరాల కోసం వాడుకోవచ్చు. ఈ క్రెడిట్ కార్డులను సరిగ్గా వాడుకొని, తదుపరిగా క్రెడిట్ లిమిట్‌ను పెంచుకోవచ్చు. ప్రత్యేకించి పట్టణాలు, నగరాల్లోని వీధి వ్యాపారులను ఈ క్రెడిట్ కార్డులను జారీ చేస్తారు.
Also Read :Hyderabad Mosque : హైదరాబాదీ మసీదుకు స్పెయిన్ టూరిస్టుల క్యూ.. ఎందుకు ?
జీవిత బీమా కవరేజీ కూడా..
‘ప్రధానమంత్రి వీధి వ్యాపారుల ఆత్మనిర్భర్ నిధి’ (PM SVANIdhi) అనే పథకం ద్వారా అర్హులైన వీధి వ్యాపారులకు ఈ క్రెడిట్ కార్డులను జారీ చేస్తారు. వీధి వ్యాపారులు ఇకపై ప్రభుత్వం గుర్తింపు కార్డులను పొందొచ్చు. కేంద్ర ప్రభుత్వానికి చెందిన ఈ-శ్రమ్ పోర్టల్‌లో తమ వివరాలను నమోదు చేసుకోవచ్చు. అసంఘటిత రంగంలో ఉన్న దాదాపు 1 కోటి మంది వీధి వ్యాపారులకు జీవిత బీమా కవరేజీని కూడా అందిస్తామని ఆర్థిక మంత్రి నిర్మల ప్రకటించారు. 2020 జూన్‌లోనే ‘ప్రధానమంత్రి స్వనిధి’ పథకాన్ని ప్రారంభించారు. అప్పట్లో కరోనా సంక్షోభం వల్ల వీధి వ్యాపారుల వ్యాపారాలు దెబ్బతిన్నాయి. దీంతో వారిని ఆదుకునేందుకు ఈ పథకాన్ని అమల్లోకి తెచ్చారు.
Also Read :Red Briefcase : బడ్జెట్ బ్రీఫ్‌‌కేస్ ఎరుపు రంగులోనే ఎందుకు ? ఎన్నో కారణాలు
గత సంవత్సరమే పీఎం స్వనిధి పథకాన్ని 2024 డిసెంబర్ వరకు పొడిగించారు. ఈ పథకం ద్వారా వీధి వ్యాపారులు(Street Vendors) రూ. 80,000 వరకు పూచీకత్తు లేని రుణాలు పొందొచ్చు. రెగ్యులర్‌గా రీపేమెంట్‌ చేస్తే 7 శాతం వడ్డీ రాయితీ ఇస్తారు. డిజిటల్ లావాదేవీల కోసం సంవత్సరానికి రూ. 1,200 వరకు క్యాష్‌బ్యాక్ ఇస్తారు. కేవలం నగరాల్లోనే కాకుండా గ్రామీణ, పెరి-అర్బన్ ప్రాంతాలలో కూడా వీధి వ్యాపారులకు దీని ద్వారా మద్దతు ఇస్తారు. మొత్తం మీద ఈ స్కీం ఎంతోమంది వీధి వ్యాపారుల జీవితాల్లో ఆర్థిక వెలుగులు నింపింది.
